Björn Þór Sigbjörnsson og Þórunn Elísabet Bogadóttir fylgja hlustendum inn í daginn, skýra baksvið frétta og ræða við áhugavert fólk um Ísland og umheiminn.
Við tókum upp þráðinn þar sem frá var horfið á föstudaginn fyrir viku í umfjöllun um sögu Bandaríkjanna. Tilefnið: 250 ára afmæli ríkisins 4. júlí næst komandi. Sveinn Máni Jóhannesson, sagnfræðingur og sérfræðingur í bandarískri sögu, kom til okkar.
Svo kynntumst við lífefnafræði; fræðigreininni, mikilvægi og hagnýti. Í síðustu viku voru veitt hvatningarverðlaun Minningarsjóðs Magnúsar Más Kristjánssonar prófessors í lífefnafræði en hann lést fyrir tveimur árum. Við notuðum tilefnið og forvitnuðumst svolítið um prótein og ensími og fleira. Manuela Magnúsdóttir, lífefnafræðingur og dóttir Magnúsar, og Jens G. Hjörleifsson, lektor í lífefnafræði, sögðu frá.
Magnús Lyngdal fjallaði um bassaröddina, og bassasöngvara, í spjalli okkar um sígilda tónlist. Við heyrðum brot úr verkum eftir Händel, Mozart, Rossini, Puccini og Verdi og söng til dæmis Kristins Sigmundssonar.
Tónlist:
Margrét Helga Jóhannsdóttir - Framtíðardraumar.
Merle Haggard - Oil tanker train.
