Bæn og hugleiðing að morgni dags.

Séra Guðný Hallgrímsdóttir flytur.

Útvarpsfréttir.

Björn Þór Sigbjörnsson og Þórunn Elísabet Bogadóttir fylgja hlustendum inn í daginn, skýra baksvið frétta og ræða við áhugavert fólk um Ísland og umheiminn.

Góður svefn er mikilvægur en því miður sefur fólk misvel. Erna Sif Arnardóttir svefnfræðingur spjallaði vítt og breitt um svefn og rannsóknir á svefni og gæðum svefns. Athuganir sýna að margir Íslendingar sofa hvorki nægilega lengi né vel. Erna sagði líka frá verkefni sem snýr að því að venja fólk af svefnlyfjum.

Björn Malmquist, fréttamaður í Brussel, færði okkur tíðindi úr stjórnmálunum í Evrópu og ræddi líka við Elísabetu Gunnarsdóttur sem á dögunum tók við þjálfun belgíska kvennalandsliðsins í fótbolta.

85 ár eru í dag síðan Einar Benediktsson, skáld og athafnamaður, var jarðsunginn á Þingvöllum. Hann hvílir í þjóðargrafreitnum sem var hugmynd og hugarfóstur Jónasar frá Hriflu, og það þrátt fyrir að fram hafi komið á sínum tíma að vilji hans stæði til að hvíla við hlið föður síns í Hólavallakirkjugarði. Guðjón Friðriksson sagnfræðingur rifjaði þessa sögu upp.

Tónlist:

Andante con moto - Glenn Gould,

Engin önnur en ég er - Ellen Kristjánsdóttir,

Elska þig - Ellen Kristjánsdóttir og Mannakorn,

Esta melodia - Marisa Monte,

Væringjar - Guðmundur Jónsson og Ólafur Vignir Albertsson,

Reykjavík - Ragnhildur Gísladóttir.

07:30

Útvarpsfréttir.

08:30

Útvarpsfréttir.

Gestir úr öllum kimum þjóðfélagsins deila sögu sinni með hlustendum. Umsjón: Sigurlaug M. Jónasdóttir.

Bjarni svarar spurningunni hvort það sé gaman að vera bæjarstjóri.

Umsjón: Halldóra Björnsdóttir.

Útvarpsfréttir.

Veðurstofa Íslands.

Útvarpsfréttir.

Um litróf mannlífsins. Okkur er ekkert mannlegt óviðkomandi. Alla virka daga milli kl. 11-12 á Rás 1.

netfang: [email protected]

Umsjón: Guðrún Gunnarsdóttir og Gunnar Hansson.

Hjartastuðtæki á vinnustöðum hafa fyrir löngu sannað gildi sitt og bjargað mannlífum. Tíminn í slíkum atburðum skiptir öllu máli og . Ef hjartastopp á sér stað þá er mikilvægt að gefa rafstuð eins fljótt og auðið er og ef það næst að gefa rafstuð innan einni mínútu frá hjartastoppi þá aukast lífslíkur um 90%. Ef það næst að gefa rafstuð innan þriggja mínútna frá hjartastoppi þá aukast lífslíkur um 70%. Um 200 hjartastopp eiga sér stað árlega á Íslandi en talið er að einungis 20% lifa það af. Með fjölgun hjartastuðtækja er hægt að bjarga fleiri mannslífum. Meira um hjartastuðtæki hér á eftir. Sigríður Einarsdóttir, sérfræðingur hjá Fastus og hjúkrunarfræðingur, kom í þáttinn og sagði okkur betur frá þessu.

Við höfum verið með það sem við köllum Fjármálin á mannamáli á mánudögum eftir áramót og Georg Lúðvíksson, sérfræðingur í fjármálum heimilanna, kom því til okkar í dag og í dag fjallaði um hvernig hægt er að greiða hraðar niður lán og stefna að skuldleysi, auk þess sem hann svaraði spurningu sem hann fékk frá hlustanda.

Lesandi vikunnar í þetta sinn var Guðmundur Einar Láru Sigurðsson, leikstjóri og grínisti. Hann er í grínhópnum Kanarí og leikstýrt sjónvarpsþáttum hópsins, hann er meðlimur í Improv Ísland og er nú að undirbúa uppistandssýningu, þar sem hann verður einn á sviðinu heilt kvöld. En Guðmundur Einar sagði okkur auðvitað frá því hvaða bækur hann hefur verið að lesa undanfarið og hvaða bækur og höfundar hafa haft mest áhrif á hann í gegnum tíðina. Guðmundur talaði um eftirfarandi bækur og höfunda:

Bernska og Gift e. Tove Ditlevsen

Svartfugl e. Gunnar Gunnarsson

The New Comedy Bible e. Judy Carter

Astrid Lindgren, t.d. Bróðir minn Ljónshjarta

Halldór Laxness, t.d. Barn náttúrunnar og Sjálfstætt fólk

Tónlist í þættinum:

Mánudagur / KK band (Kristján Kristjánsson og Kormákur Geirharðsson)

Monday, Monday / Mamas and Papas (John Philips)

Suddenly Monday / Melanie C. (Matt Rowe, Richard Frederick Stannard, Melanie Chisholm & Julian Gallagher)

UMSJÓN GUÐRÚN GUNNARSDÓTTIR OG GUNNAR HANSSON

Dánarfregnir.

Yfirlit hádegisfrétta kl. 12 virka daga.

Útvarpsfréttir.

Fólk úr ýmsum áttum flytur stuttar hugleiðingar sem tengjast sama umfjöllunarefni.

Umsjón hefur Ásta Logadóttir, verkfræðingur hjá Lotu og sérfræðingur í birtu og lýsingu í húsum.

Íslenskt lag eða tónverk.

Útvarpsfréttir.

Utanríkisráðherra Danmerkur segist viss um stuðning annarra ríkja Evrópusambandsins og Íslands í deilunni við Bandaríkjamenn um Grænland. Forsætisráðherrar Norðurlandanna, utan Íslands, ræddu málið á óformlegum fundi í Danmörku í gær.

Hamas-samtökin á Gaza sleppa sex gíslum í vikunni, þar á meðal ísraelskum hermanni sem átti að fá frelsi um helgina. Sú ákvörðun að sleppa honum ekki þótti ógna viðkvæmu vopnahléssamkomulagi Hamas og Ísraels.

Stjórnsýslufræðingur segir Flokk fólksins ekki eiga annan kost en að endurgreiða þá styrki sem hann hefur fengið frá ríkinu. Það myndi líklega leiða til gjaldþrots flokksins.

Leiga á þriggja herbergja íbúð í Reykjavík nálgast fjögur hundruð þúsund krónur. Þetta segir formaður Leigjendasamtakanna sem telur að allt að þúsund íbúðir bætist við á leigumarkað í ljósi fyrirætlana ríkisstjórnarinnar um að draga úr skammtímaleigu.

Fólk sem lifði af vist í Auschwitz-Birkenau mætti þangað í dag til að minnast þess að 80 ár eru frá frelsun þess. - Þeir álitu okkur rottur ekki manneskjur, segir einn eftirlifenda um nasista.

Ný rannsókn á vegum RÚV og írska ríkisútvarpsins RTÉ gæti varpað ljósi á örlög Jóns Þrastar Jónssonar sem hvarf sporlaust Í Dublin fyrir sex árum.

Þegar Jón Þröstur Jónsson kom til Dyflinnar í febrúar 2019 stóð til að hann og konan hans myndu verja fríinu sínu í að spila póker og ferðast.

Þess í stað hvarf Jón Þröstur sporlaust.

Nú, sex árum síðar, taka RÚV og RTÉ á Írlandi höndum saman við rannsókn málsins í hlaðvarpinu Where is Jón? sem birtist hér í íslenskri aðlögun.

Where is Jón? eru birt í hlaðvarpsveitum og Spilara RÚV þar sem einnig má finna útgáfu með íslenskum texta.

Þáttaröðin Where is Jón? er skrifuð og framleidd af Önnu Marsibil Clausen og Liam O’Brien. Tónlistin er samin og flutt af Úlfi Eldjárn ásamt Unni Jónsdóttur á selló. Hljóðvinnslu annast Jón Þór Helgason.

Þegar manneskja hverfur skipta tvö tímabil öllu máli: Næstu 48 klukkustundirnar áður og eftir að hún sést síðast á lífi. Innan þess tímaramma er líklegast að vísbendingar finnist um hvað gæti hafa gerst.

Við hefjum því söguna, þáttaröðina alla, á að rekja síðustu 48 klukkustundirnar áður en Jón Þröstur Jónsson hvarf.

Opin og gagnrýnin umræða um vísindi, nýsköpun, umhverfi, fréttir og samfélagsmál.

Netfang: [email protected]

Við ræðum áhrif loftslagsvárinnar á ýmsa innviði, einkum vatns- og fráveitur, við Hildigunni Thorsteinsson, veðurstofustjóra. Sveitarfélög þurfa á næstu árum að ráðast í ýmsar aðgerðir vegna aukinna öfga í veðurfari - en kröfur um slíkt eru í dag af skornum skammti.

Hvað ef loftsteinn hefði ekki lent á jörðinni fyrir 65 milljónum ára? Hefði líf á jörðinni verið öðruvísi í dag? Væru enn risaeðlur á vappi? Hvað ef spurningar sem þessar eru vissulega skemmtilegar, en eru þær gagnlegar? Pétur Magnússon heimsótti Arnar Pálsson erfðafræðing í Háskóla Íslands og spurði hann út í hvað ef-fræði og risaeðlur.

Við förum svo í tímavél aftur til ársins 1949 - þá urðu mörg stórtíðindi í Reykjavíkurborg - meðal annars komu fyrstu umferðarljósin - sem sumir vildu reyndar kalla götuvita. Helga Lára Þorsteinsdóttir, safnstjóri RÚV, setur okkur inn í þetta og við heyrum brot úr safninu.

Útvarpsfréttir.

Sígild og samtímatónlist frá ýmsum tímum. Íslenskt og erlent í bland.

Tónlistin í þættinum:

Kór Langholtskirkju syngur Krummavísu, íslenskt þjóðlag og þjóðvísu í útsetningu eftir Jón Ásgeirsson. Jón Stefánsson stjórnar.

Snorri Sigfús Birgisson leikur á píanó, eigið verk, Portrett nr. 4 (1997–1998).

Nemendur úr Konunglega tónlistarháskólanum í Lundúnum (Royal Academy of Music) og Juilliard háskólannum í New York (Julliard School Ensemble) leika undir stjórn Barböru Hannigan, 2. þátt, Passacagliu úr Septet, K080 eftir Ígor Stravínskíj.

Sinfóníuhljómsveit breska útvarpsins leikur verkið Figures, doubles, prismes eftir Pierre Boulez. Tónskáldið stýrir flutningi.

Skoska kammersveitin leikur þriðja þátt, Un poco allegretto e grazioso úr Sinfóníu nr. 1 eftir Johannes Brahms. Charles Mackerras stjórnar.

Emerson strengjakvartettinn leikur 1. þátt, Mäßig úr Strengjakvartetti nr. 2 í fís-moll eftir Arnold Schoenberg.

Sönghópurinn Voces 8 syngur, My mind is still eftir Nainitu Desai í útsetningu eftir Geoff Lawson. Með sönghópnum leika Thomas Gould á fiðlu, Elsa Bradley á víbrafón og Leif Kaner-Lidström á píanó.

Erla Dóra Vogler mezzósópran syngur, Eva Þyrí Hilmarsdóttir leikur á píanó, Krummavísu, þjóðlag og þjóðkvæði í útsetningu eftir Jórunni Viðar. Hljóðritun frá 2018.

Útvarpsfréttir.

Þáttur um bókmenntir, bæði hér heima og úti í heimi. Hlustendum er fylgt í gegnum lestur athyglisverðra bókmenntaverka og rætt við höfunda, útgefendur og fræðimenn um stefnur, strauma, tákn og tilvísanir.

Umsjón: Jóhannes Ólafsson.

Við rifjum upp hvaða bækur eru tilnefndar til Íslensku bókmenntaverðlaunanna sem styttist óðum í að verði afhent, við gerum smá úrklippu úr umfjöllunum gagnrýnenda um nokkrar bækur.

Í bókinni Gengið til friðar: Saga andófs gegn herstöðvum og vígbúnaðarhyggju 1946 til 2006 er langur og ítarlegur kafli um áhrif herstöðvarinnar á íslenskar bókmenntir en mörg skáld gerðu veru hers á Íslandi og stríð að yrkisefni sínu áratugum saman. Einar Ólafsson skáld og bókavörður segir frá.

Og stríð og bókmenntir halda svo áfram í lokin - við förum býsna langt aftur í vestrænni bókmenntasögu, eins langt og hægt er mætti alveg segja. Í lok þáttar fjöllum við um söguljóð Hómers, Ilíonskvðu. Gottskálk Jensson prófessor í bókmenntafræði kemur til mín og segir frá heiftarreiði Akkilesar, orsök og afleiðingum, meðal annars í samhengi við bókina Akkiles í Víetnam eftir bandaríska sálfræðinginn Dr. Jonathan Shay. Hvernig tala Hómerskviður til fólks næstum 3000 árum síðar?

Viðmælendur: Einar Ólafsson og Gottskálk Jensson

Upplestur: Svava Jakobsdóttir les úr Leigjandanum, Arnar Jónsson les ljóðið Stríð eftir Ara Jósefsson og Erlingur Gíslason les upphafið að Ilíonskviðu

Umsjón: Jóhannes Ólafsson

Útvarpsfréttir.

Þáttur fyrir áhugafólk um listir og menningu. Ljósi varpað á það sem efst er á baugi hverju sinni, menningin nær og fjær skoðuð frá ólíkum sjónarhornum og skapandi miðlar settir undir smásjána.

Umsjón: Halla Harðardóttir og Melkorka Ólafsdóttir.

Við lítum inn á eina elstu krá bæjarins, Ölver sportbar, en þar stendur tónskáldið og sviðslistakonan Eygló Höskuldsdóttir Viborg fyrir viðburðum í vikunni í nafni hliðarsjálfsins Alter-Eyglóar. Í tilraun til þess að snúa á alræði streymisveitanna og finna leið til að lifa á tónlistinni ákvað Eygló, sem stundaði framhaldsnám í tónsmíðum í Berklee og NYU, að skella í nokkur poppkennd karókílög. Á Ölveri gefst gestum viðburðarins kostur á að spreyta sig á þessum glænýju karókílögum og fylgja Alter Eygló inn í hugleiðingar um neyslu á tónlist og vinnuna sem liggur að baki.

Leikverkið Ungfrú Ísland var frumsýnt í Borgarleikhúsinu þann 17.janúar síðastliðinn. Verkið er byggt á samnefndri skáldsögu Auðar Övu Ólafsdóttur en það eru þau Gréta Kristín Ómarsdóttir og Bjarni Jónsson sem unnu leikgerðina, og Gréta Kristín leikstýrir jafnframt verkinu. Við heyrum hvað einum af leikhúsrýnum þáttarins fannst um þessa leikgerð, en að þessu sinni er það Katla Ársælsdóttir sem rýnir.

En við byrjum þáttinn á því að kynna okkur splunkunýja þýðingu á verki sem kom fyrst út í Austurríki árið 1984. Skógarhögg-geðshræring, eftir Thomas Bernhard, olli mikilli ólgu í menningarlífi Vínarborgar þegar hún kom út og var fjarlægð úr bókabúðum vegna átaka um ærumeiðingar. Bókina þýddi Hjálmar Sveinsson, sem segir bókina eiga einstaklega vel við okkar tíma. Tíma sem einkennist af leit okkar, hér í velmegunarþjóðfélögunum, að sannleika, með ýmsum leiðum, því það sé einhver kjarni sem við söknum úr lífinu. Þrá í sannleika, en einnig fegurð, sé að hans mati kjarni bókarinnar.

Umsjón: Halla Harðardóttir og Melkorka Ólafsdóttir

Útvarpsfréttir.

Popp og pólitík

Umsjón: Kristján Guðjónsson og Lóa Björk Björnsdóttir.

Í janúar ræddum við í Lestinni við sr. Grétar Halldór Gunnarsson, prest við Kópavogskirkju. Í því samtali var eitt atriði sem vakti sérstaka athygli okkar, en það var að kirkjusókn er að aukast mest meðal ungra karlmanna. Við kynnum okkur málið nánar í þætti dagsins, skoðum Biblíuöpp og förum í messu.

Fréttir

Fréttir

Gott kvöld.

Formaður Flokks fólksins segir að flokkurinn fari á hausinn, verði hann að skila styrkjum sem hann hefur fengið úr ríkssjóði síðustu þrjú ár. Í flokknum hafi ekki verið rætt um slík skil.

Borgarstjóra voru í dag færðar undirskriftir hátt í þrjúþúsund manns þar sem þess er krafist að framkvæmdir við græna vöruhúsið við Álfabakka verði stöðvaðar. Íbúar í nágrenninu vilja að vöruhúsinu verði fundinn nýr staður.

Ferðamálastofa notaði gögn úr fjölmiðlum til að taka saman upplýsingar um slys á erlendum ferðamönnum. Forstjóri segir mikilvægt að samræma gagnasöfnun um slys ferðamanna.

Áhyggjur vöknuðu af heilnæmi neysluvatns á Hornafirði þegar e-coli gerlar fundust í vatnssýni. Heilbrigðiseftirlit segir enga gerla mælast lengur.

Fréttir og fréttaskýringar í útvarpi, þar sem kafað er dýpra í málin, þau sett í stærra samhengi og skýringa leitað.

Er það frétt ef amma hringir í framhaldsskóla og grennslast fyrir um skó barnabarns síns? Já, ef amman er ráðherra og vísar til þess í samtalinu. En getur ráðherra einhvern tímann kastað af sér skikkju valdsins og orðið bara amma í leit að týndum skóm?

Það er mánuður í landsfund Sjálfstæðisflokksins og Áslaug Arna Sigurbjörnsdóttir varð í gær fyrst til að lýsa því yfir að hún vildi verða formaður, hverjar yrðu hennar áherslur verði hún formaður.

Norska ríkisstjórnin féll ekki í dag. Það er kom mönnum á óvart eftir yfirlýsingar síðustu daga. Enn á að reyna að ná sátt um orkupakka Evrópusambandsins. En af hverju ekki að rjúfa þing og boða til kosninga? Það má ekki samkvæmt stjórnarskrá landsins.

Þættir um barnabækur úr öllum áttum, gamlar og nýjar. Embla ræðir við höfunda, þýðendur, myndhöfunda, leikara og alls konar fólk sem kemur að barnabókum á einn eða annan hátt, að ógleymdum lesendunum sjálfum.

Umsjón: Embla Bachmann

Allt er svart í myrkrinu, Á eftir dimmum skýjum og Undir sjöunda þili eru bækur um Tinnu sem sér drauga. Elísabet Thoroddsen segir okkur frá því hvernig bækurnar urðu til og hverju við eigum von á frá henni næst. Bókaormurinn Arna Guðrún segir okkur frá þríleiknum og útskýrir af hverju þessar bækur eru öðruvísi en aðrar bækur sem hún les.

Veðurfregnir kl. 18:50.

Dánarfregnir.

Tónhjólið snýst og snýst og upp koma sögur af tónlist, nýrri og gamalli. Ólíkar stefnur og straumar skjóta upp kolli og líka hljóðfæri, hugtök og túlkunarmöguleikar. Hugað verður að einhverju því sem hæst ber á tónlistarsviðinu í heimi sígildrar tónlistar og djasstónlistar á hverjum tíma.

Tónlist úr ýmsum áttum. Nýjar hljóðritanir Rásar 1 í bland við nýjar plötur íslenskrar og erlendrar tónlistar.

Á tónleikum í Tíbrá Salarins í Kópavogi 24. nóvember sl frumflutti Cauda Collective glænýjar tónsmíðar eftir tónlistarfólk sem á að baki litríkan feril í heimum spunatónlistar, jazz-, popp- og raftónlistar, þau Hafdísi Bjarnadóttur, gítarleikara og tónskáld, Hauk Gröndal, klarinett- og saxófónleikara og tónskáld, stórsveitarmanninn Samúel J. Samúelsson, básúnuleikara og tónskáld og Sigrúnu Jónsdóttur, básúnuleikara, söngkonu og tónskáld.

Sigrún Jónsdóttir (f. 1989)

- Ég fann rödd (2024) Vókalísa fyrir sópran og strengjatríó

1. Uppgjör 2. Ég fann rödd 3. Andakt

Samúel Jón Samúelsson

- Þrjár vögguvísur (2024) I. II. III.

Hildegard von Bingen (1098–1179)

-Söngvar Úrsúlu (2024) Byggt á Tíðasöngvum heilagrar Úrsúlu

1. Friðarkross eftir Sigrúnu Harðardóttur 2. Öskur Úrsúlu eftir Þórdísi Gerði Jónsdóttur 3. Hunangskambur eftir Þóru Margréti Sveinsdóttur 4. Ó, djúprauða blóð eftir Björk Níelsdóttur

Haukur Gröndal (f. 1975)

- Sjö hvísl sálarinnar (2024) 1. Upphaf 2. Tár 3. Hjarta 4. Orð 5. Von 6. Ljós 7. Endir

Hafdís Bjarnadóttir (f. 1977)

-Hyrnan 6 (2024)

-Romsa – Veður (2018. Útsetning 2024)

Flytjendur: Cauda Collective: Sigrún Harðardóttir, Þóra Margrét Sveinsdóttir, Þórdís Gerður Jónsdóttir, Björk Níelsdóttir.

Birgir Jon Birgisson hljóðritaði fyrir rás.

Einnig hljómar í þættinum:

Alban Berg - Lyrische suite : three movements arranged for string orchestra (1928)

Fílharmóníuhljómsveitin í New York undir stjórn Pierre Boulez. Hljóðritun frá 1980

Opin og gagnrýnin umræða um vísindi, nýsköpun, umhverfi, fréttir og samfélagsmál.

Netfang: [email protected]

Við ræðum áhrif loftslagsvárinnar á ýmsa innviði, einkum vatns- og fráveitur, við Hildigunni Thorsteinsson, veðurstofustjóra. Sveitarfélög þurfa á næstu árum að ráðast í ýmsar aðgerðir vegna aukinna öfga í veðurfari - en kröfur um slíkt eru í dag af skornum skammti.

Hvað ef loftsteinn hefði ekki lent á jörðinni fyrir 65 milljónum ára? Hefði líf á jörðinni verið öðruvísi í dag? Væru enn risaeðlur á vappi? Hvað ef spurningar sem þessar eru vissulega skemmtilegar, en eru þær gagnlegar? Pétur Magnússon heimsótti Arnar Pálsson erfðafræðing í Háskóla Íslands og spurði hann út í hvað ef-fræði og risaeðlur.

Við förum svo í tímavél aftur til ársins 1949 - þá urðu mörg stórtíðindi í Reykjavíkurborg - meðal annars komu fyrstu umferðarljósin - sem sumir vildu reyndar kalla götuvita. Helga Lára Þorsteinsdóttir, safnstjóri RÚV, setur okkur inn í þetta og við heyrum brot úr safninu.

Guðrún Borgfjörð var dóttir Jóns Borgfirðings og systir Klemensar Jónssonar landritara og Finns Jónssonar prófessors. Hún var ekki studd til mennta eins og þeir þó hún væri bókhneigð og fróðleiksfús. Klemens bróðir Guðrúnar hvatti hana til að rita endurminningar sínar. Hún bregður upp mynd af æskuheimili sínu, lýsir hversdagslífinu, samtímanum, atburðum sem hún tók þátt í og fólki sem hún kynntist.

Jón Aðils les.

(Áður á dagskrá 1973)

Veðurfregnir kl. 22:05.

Um litróf mannlífsins. Okkur er ekkert mannlegt óviðkomandi. Alla virka daga milli kl. 11-12 á Rás 1.

netfang: [email protected]

Umsjón: Guðrún Gunnarsdóttir og Gunnar Hansson.

Hjartastuðtæki á vinnustöðum hafa fyrir löngu sannað gildi sitt og bjargað mannlífum. Tíminn í slíkum atburðum skiptir öllu máli og . Ef hjartastopp á sér stað þá er mikilvægt að gefa rafstuð eins fljótt og auðið er og ef það næst að gefa rafstuð innan einni mínútu frá hjartastoppi þá aukast lífslíkur um 90%. Ef það næst að gefa rafstuð innan þriggja mínútna frá hjartastoppi þá aukast lífslíkur um 70%. Um 200 hjartastopp eiga sér stað árlega á Íslandi en talið er að einungis 20% lifa það af. Með fjölgun hjartastuðtækja er hægt að bjarga fleiri mannslífum. Meira um hjartastuðtæki hér á eftir. Sigríður Einarsdóttir, sérfræðingur hjá Fastus og hjúkrunarfræðingur, kom í þáttinn og sagði okkur betur frá þessu.

Við höfum verið með það sem við köllum Fjármálin á mannamáli á mánudögum eftir áramót og Georg Lúðvíksson, sérfræðingur í fjármálum heimilanna, kom því til okkar í dag og í dag fjallaði um hvernig hægt er að greiða hraðar niður lán og stefna að skuldleysi, auk þess sem hann svaraði spurningu sem hann fékk frá hlustanda.

Lesandi vikunnar í þetta sinn var Guðmundur Einar Láru Sigurðsson, leikstjóri og grínisti. Hann er í grínhópnum Kanarí og leikstýrt sjónvarpsþáttum hópsins, hann er meðlimur í Improv Ísland og er nú að undirbúa uppistandssýningu, þar sem hann verður einn á sviðinu heilt kvöld. En Guðmundur Einar sagði okkur auðvitað frá því hvaða bækur hann hefur verið að lesa undanfarið og hvaða bækur og höfundar hafa haft mest áhrif á hann í gegnum tíðina. Guðmundur talaði um eftirfarandi bækur og höfunda:

Bernska og Gift e. Tove Ditlevsen

Svartfugl e. Gunnar Gunnarsson

The New Comedy Bible e. Judy Carter

Astrid Lindgren, t.d. Bróðir minn Ljónshjarta

Halldór Laxness, t.d. Barn náttúrunnar og Sjálfstætt fólk

Tónlist í þættinum:

Mánudagur / KK band (Kristján Kristjánsson og Kormákur Geirharðsson)

Monday, Monday / Mamas and Papas (John Philips)

Suddenly Monday / Melanie C. (Matt Rowe, Richard Frederick Stannard, Melanie Chisholm & Julian Gallagher)

UMSJÓN GUÐRÚN GUNNARSDÓTTIR OG GUNNAR HANSSON

Popp og pólitík

Umsjón: Kristján Guðjónsson og Lóa Björk Björnsdóttir.

Í janúar ræddum við í Lestinni við sr. Grétar Halldór Gunnarsson, prest við Kópavogskirkju. Í því samtali var eitt atriði sem vakti sérstaka athygli okkar, en það var að kirkjusókn er að aukast mest meðal ungra karlmanna. Við kynnum okkur málið nánar í þætti dagsins, skoðum Biblíuöpp og förum í messu.