Verðbólgan er komin yfir ellefu prósent í Bretlandi. Hún hefur ekki verið meiri í rúmlega fjóra áratugi. Efnahagsráðstafanir ríkisstjórnarinnar verða kynntar á morgun.

Formaður samninganefndar Landssambands íslenskra verslunarmanna hvetur sveitarfélög til þess að stilla fyrirhuguðum gjaldskrárhækkunum í hóf. Verkalýðsfélög hafa ítrekað verið minnt á að gæta hófsemi í kjaraviðræðum og óeðlilegt væri að gera ekki sömu kröfu um hófsemi til sveitarfélaga.

Bandaríkjaforseti segir lýðræðið sjálft í húfi þegar kemur að þingkosningum í næstu viku. Hann beindi spjótum sínum mjög ákveðið að Repúblikönum í sjónvarpsávarpi í gær.

Ársverðbólgan í þeim 19 löndum Evrópu þar sem evran er gjaldmiðill mælist núna að meðaltali 10,7%. Hún hefur aldrei áður mælst svo mikil í rúmlega 20 ára sögu evrunnar.

Milljónir Breta hafa gripið til þess ráðs að sleppa máltíðum vegna sífellt hækkandi framfærslukostnaðar. Þetta er niðurstaða könnunar neytendasamtaka sem spá enn versnandi afkomu vegna hás orkuverðs.

Bandaríkjaforseti tilkynnir í dag miðvikudag um að 15 milljónir olíutunna úr varabirgðum verði settar á markað. Stjórnvöld útiloka ekki að losað verði um frekari birgðir haldi orkuverð áfram að hækka.

Leiðtogar Evrópusambandsins koma saman til fundar í lok þessarar viku. Meðal umræðuefna verður spurningin um hvort og þá hvernig skuli innleiða verðþak á jarðgas. Reuters-fréttastofan greinir frá þessu. Tekist hefur verið á um það innan Evrópusambandsins um nokkurra mánaða skeið, hvort rétt sé að innleiða verðþak á jarðgas til að hamla gegn síhækkandi orkukostnaði heimilanna og ef svo, þá með hvaða hætti.

Verðbólga síðustu tólf mánuði mælist nú 9,3% og minnkar milli mánaða, fer úr 9,7%. Hæst fór hún í júlí þegar hún náði 9,9%.

Sérfræðingar Íslandsbanka telja að nú sjái fyrir endann á verðhækkunum á íbúðamarkaði á Íslandi. Í nýrri þjóðhagsspá bankans segir að hækkun íbúðaverðs á árinu sé að mestu þegar komin fram, verð muni lítið hækka á næsta ári og svo standa í stað árið 2024.

Útgjöld heimilanna hafa hækkað um allt að tæplega 130.000 krónur miðað við fjögurra manna fjölskyldu í eigin húsnæði. Verkefnastjóri verðlagseftirlits ASÍ segir mikla hækkun hafa orðið á nauðsynjavörum og segir vonbrigði að nýtt fjárlagafrumvarp hafi ekki komið til móts við heimilin.

Áhrifa orkukreppu og verðbólgu er ekki farið að gæta í ferðaþjónustu hér á landi. Þá taka sumir ferðamenn ferðalag fram yfir helstu nauðsynjar eins og húskyndingu og mat, samkvæmt framkvæmdastjóra Markaðsstofu Norðurlands.

Viðskiptabankarnir þrír hafa allir hækkað útlánsvexti sína eftir nýjustu stýrivaxtahækkun Seðlabanka Íslands. Ótal dæmi eru um að mánaðarleg greiðslubyrði á óverðtryggðum húsnæðislánum á breytilegum vöxtum hafi hækkað um tugi þúsunda. Lilja Dögg Alfreðsdóttir viðskiptaráðherra nefndi bankaskatt sem hugsanlegt mótsvar við vaxtahækkunum viðskiptabankanna síðasta vetur. Hún segir sjálfsagt í sínum huga að bregðast við vegna þess höggs sem heimilin í landinu hafa orðið fyrir vegna verðbólgunnar.