Færslur: Útlendingastofnun

Faraldurinn ekki lengur fyrirstaða brottvísana
Þrjátíu og þremur, sem óskað hafa eftir alþjóðlegri vernd hér á landi, hefur verið vísað til Grikklands á árinu, eftir að hlé var gert á brottvísunum þangað vegna heimsfaraldurs. Sviðsstjóri hjá Útlendingastofnun segir faraldurinn ekki lengur standa í vegi fyrir brottvísunum. 
13.04.2021 - 19:00
Myndskeið
Báðu stjórnvöld að senda fólk ekki til Grikklands
Flóttamenn efndu til mótmæla á Austurvelli, fyrir framan Alþingi, í dag til að mótmæla fyrirhugaðri brottvísun umsækjenda um alþjóðlega vernd til Grikklands. Í fréttum RÚV á föstudag kom fram að Útlendingastofnun hefur vísað níu flóttamönnum til Grikklands það sem af er ári. Til stendur að vísa 25 til viðbótar til Grikklands á næstu mánuðum.
Pakistönsk tengdafjölskylda fær ekki vegabréfsáritun
Umsókn pakistanskrar tengdafjölskyldu íslenskrar konu um vegabréfsáritun til Schengen og þar með til Íslands var hafnað í dag. Ástæðan sem gefin er, er að álitið sé að mikil hætta er talin á að fólkið gerðist ólöglegir innflytjendur og ákvæði að snúa ekki til heimalandsins.
Synjun Útlendingastofnunar um dvalarleyfi snúið við
Kærunefnd útlendingamála hefur fellt úr gildi þá ákvörðun Útlendingastofnunar um að synja Rómakonu frá Moldóvu um dvalarleyfi og alþjóðlega vernd. Þungar aðfinnslur voru gerðar við vinnubrögð Útlendingastofnunar í málinu.
Viðtal
Úr nokkur hundruð milljónum í 4 milljarða
Áslaug Arna Sigurbjörnsdóttir dómsmálaráðherra segir að fjármagn til Útlendingastofnunar hafi verið aukið verulega til þess að stytta málsmeðferðartíma hælisumsókna. 
Telja Útlendingastofnun hafa horft fram hjá mansali
Uhunoma Osayomore, 21 árs maður frá Nígeríu, fer fram á að kærunefnd útlendingamála taki aftur fyrir umsókn hans um alþjóðlega vernd og dvalarleyfi á grundvelli mannúðarsjónarmiða hér á landi. Hann telur að Útlendingastofnun og kærunefndin hafi litið fram hjá því að hann hafi verið fórnarlamb mansals, bæði í heimalandinu og á leiðinni til Íslands.
Umsækjendum fækkaði en fleiri fengu vernd
Útlendingastofnun bárust fjórðungi færri umsóknir um alþjóðlega vernd í fyrra en árið áður, en þó hafa aldrei fleiri fengið vernd. Forstjóri Útlendingastofnunar segir líklegt að umsóknum fjölgi um leið og samgöngur milli landa verði greiðari.
Verndarmál kosta dómsmálaráðuneyti um 4 milljarða á ári
Alls sóttu samtals 2.263 manns um alþjóðlega vernd hér á landi árin 2018 og ´19 og fyrstu tíu mánuði þessa árs. Um helmingur þessara umsókna fór beint í efnislega meðferð hjá Útlendingastofnun og um fjórðungur hafði þegar fengið vernd í öðru EES- eða EFTA-ríki. Meðallengd málsmeðferðar hefur verið rúmir fjórir mánuðir í ár og kostnaður dómsmálaráðuneytisins vegna þessa málaflokks var hátt í 12 milljarðar króna á þessu tæplega þriggja ára tímabili.
Helmingur umsækjanda þegar með vernd í öðru landi
Um helmingur þeirra sem hafa sótt um alþjóðlega vernd hér á landi í ár höfðu þegar fengið alþjóðlega vernd í öðru landi, flestir í Grikklandi. Tveir umsækjendur hafa verið sendir til Grikklands í ár og fjórir fóru þangað sjálfviljugir.Þetta kemur fram í svari Áslaugar Örnu Sigurbjörnsdóttur dómsmálaráðherra við fyrirspurn Helga Hrafns Gunnarssonar þingmanns Pírata um endursendingu flóttafólks til Grikklands.
Myndskeið
Afhentu dómsmálaráðherra yfir 20 þúsund undirskriftir
Áslaug Arna Sigurbjörnsdóttir, dómsmálaráðherra, fékk í dag afhentan undirskriftalista með rúmlega 20 þúsund nöfnum þar sem skorað er á hana að beita sér í máli fjölskyldu frá Senegal, sem hefur búið á Íslandi í næstum sjö ár, og vísa á úr landi.
13.11.2020 - 14:28
Umsóknum hælisleitenda fækkar um fjórtán prósent
Umsóknum um alþjóðlega vernd hér á landi hefur fækkað um fjórtán prósent það sem af er þessu ári, samanborið við sama tímabil í fyrra. Málsmeðferðartími hefur styst og málum í vinnslu fækkað.
10.11.2020 - 12:43
31% umsækjenda hefur hlotið vernd undanfarin ár
Ísland er næst á eftir Svíþjóð í fjölda umsókna um alþjóðlega vernd á árunum 2015 til 2019, miðað við höfðatölu.
04.11.2020 - 07:24
Binda vonir við að kærunefndin taki málið upp aftur
Lögmaður fjölskyldu frá Senegal sem hefur búið á Íslandi í næstum sjö ár hefur farið fram á það við kærunefnd útlendingamála að mál fjölskyldunnar verði tekið aftur upp. Landsréttur hefur staðfest úrskurð Útlendingastofnunar um að veita fjölskyldunni ekki alþjóðlega vernd á Íslandi. Fallist kærunefndin á endurupptöku má búast við að fjölskyldan fái dvalarleyfi. 
Íbúar segja aðra sögu en Útlendingastofnun
„Þegar ég bað öryggisvörð um að útvega mér grímu og hjálpa mér að finna út úr því hvernig ég kæmist til læknis vegna húðsjúkdóms neitaði hann að aðstoða og skammaði mig fyrir að hafa enga grímu. Einnota gríman mín var þriggja daga gömul og mig sárvantaði nýja,“ segir Abdal Rahman Hameed, íbúi á Ásbrú, búsetuúrræði Útlendingastofnunar í Reykjanesbæ, í samtali við fréttastofu. „Næstu daga á eftir þorði ég ekki að sækja matarbakka af ótta við að vörðurinn tilkynnti mig til Útlendingastofnunar.“
Forstjóri Útlendingastofnunar sækir um sýslumanninn
Sjö umsóknir bárust um embætti Sýslumannsins á höfðuborgarsvæðinu en umsóknarfrestur rann út 1. október. Kristín Völundardóttir, forstjóri Útlendingastofnunar, er meðal umsækjenda.
Áslaug Arna vill endurskoða meðferð útlendingamála
Ráðist verður fljótlega í endurskoðun á meðferð hælisumsókna og meðferð útlendingamála í heild sinni. Þetta segir Áslaug Arna Sigurbjörnsdóttir dómsmálaráðherra. Hún segir að mál Khedr-fjölskyldunnar frá Egyptalandi, sem fékk dvalarleyfi hér á landi í gær eftir að hafa farið í felur þegar vísa átti þeim úr landi, hafi gefið tilefni til þessa. Katrín Jakobsdóttir forsætisráðherra segist samgleðjast fjölskyldunni. Endurmeta þurfi lögin reglulega.
Ekki hætta á ofsóknum en málsmeðferð tók of langan tíma
Ákvörðun kærunefndar útlendingamála að veita Khedr-fjölskyldunni frá Egyptalandi dvalarleyfi hér á landi byggist á því að of langur tími leið frá því að sótt var um alþjóðlega vernd og þar til endanleg niðurstaða fékkst í málið. Endurupptaka málsins var samþykkt þar sem lögð voru fram ný gögn sem fallist var á að væru tilefni til nýrrar rannsóknar á aðstæðum fjölskyldunnar.
Viðtal
Egypsku fjölskyldunni veitt dvalarleyfi: „Mikill sigur“
Kærunefnd útlendingamála hefur fallist á endurupptökubeiðni egypsku fjölskyldunnar sem fjallað hefur verið um í fréttum síðustu daga. Vísa átti fjölskyldunni úr landi 16. september, en hún hefur verið í felum síðan þá. Þau fá nú dvalarleyfi á grundvelli mannúðarsjónarmiða eftir að kærunefndin féllst á sjónarmið fjölskyldunnar.
Ábendingar „tengdust stöðum fyrir utan höfuðborgina“
Egypska fjölskyldan sem til stóð að vísa úr landi en hefur farið huldu höfði síðan í síðustu viku er enn ófundin. Þetta segir Guðbrandur Guðbrandsson, aðstoðaryfirlögregluþjónn stoðdeildar Ríkislögreglustjóra. Aðspurður segir Guðbrandur að meðal annars hafi borist upplýsingar, sem gefi til kynna að fjölskyldan sé ekki á höfuðborgarsvæðinu. Hann vill þó ekki gefa upp hvar verið sé að leita að fjölskyldunni.
Myndskeið
Hafa fengið fjölda ábendinga um Kehdr-fjölskylduna
Kehdr-fjölskyldan frá Egyptalandi sem vísa átti úr landi í síðustu viku er enn ófundin. Stoðdeild ríkislögreglustjóra hefur borist töluvert af ábendingum um hvar hún er niðurkomin. Þá var mikið um falskar vísbendingar, sem fólk hvar hvatt tl að senda á samfélagsmiðlum.
„Við gerum ráð fyrir því að þau hafi fengið aðstoð“
Stoðdeild ríkislögreglustjóra hefur fengið nokkrar ábendingar um hvar egypska fjölskyldan sem til stendur að senda úr landi er niðurkomin. Talið er öruggt að einhver hafi skotið skjólshúsi yfir fjölskylduna. Töluverð vinna fer nú fram hjá stoðdeildinni, við að leita að fjölskyldunni.
Yfirvöld lýsa formlega eftir egypsku fjölskyldunni
Stoðdeild ríkislögreglustjóra sendi frá sér tilkynningu í kvöld þar sem óskað var eftir upplýsingum um ferðir og dvalarstað Kehdr-fjölskyldunnar frá Egyptalandi sem vísa átti úr landi í síðustu viku.
21.09.2020 - 19:16
Neitar að hafa reynt að tefja mál fjölskyldunnar
Magnús D. Norðdahl, lögmaður Khedr-fjölskyldunnar frá Egyptalandi, sem vísa átti úr landi í morgun, segir að hvorki hann né umbjóðendur sínir hafi reynt að tefja málið. Hann gerir athugasemd við að Útlendingastofnun hafi tjáð sig í fjölmiðlum um meintan skort á samstarfsvilja fjölskyldunnar.
Höfðu tvær vikur til að flytja fjölskylduna úr landi
Stoðdeild ríkislögreglustjóra hafnar fullyrðingum Magnúsar D. Norðdahls, lögmanns Khedr-fjölskyldunnar, sex manna fjölskyldu frá Egyptalandi, um að embættið hafi haft sex vikur til að flytja fjölskylduna úr landi á gildum skilríkjum og að Þorsteinn Gunnarsson sviðsstjóri Útlendingastofnunar hafi ekki farið með rétt mál í Kastljósi í gærkvöldi.
Ekki þótti ástæða til að hafa gæslu með fjölskyldunni
Ekki er vitað um dvalarstað Kehdr-fjölskyldunnar frá Egyptalandi, sex manna barnafjölskyldu, sem vísa átti úr landi í morgun. Tvær beiðnir um endurupptöku brottvísunarinnar eru á borði Kærunefndar útlendingamála. Lögmaður fjölskyldunnar segir að þessi nýja staða hafi engin áhrif á lagalega stöðu fjölskyldunnar.