Færslur: útgöngubann

Útgöngubann framlengt í Sydney en opnað í öðrum borgum
Lokanir og útgöngubann vara í mánuð til viðbótar í Sydney, fjölmennustu borg Ástralíu. Ekkert verður af fyrirhuguðum afléttingum í lok vikunnar eins og til stóð.
Útgöngubann í París og nágrenni
Útgöngubann tekur gildi í París, og í nokkrum bæjum í nágrenni borgarinnar, á miðnætti að kvöldi föstudags til að hefta útbreiðslu kórónuveirunnar. Aðeins verður heimilt að hafa opnar verslanir sem selja nauðsynjavörur og þeir sem ferðast lengra en 10 km frá heimili sínu þurfa að fylla út sérstakt vottorð þar sem þeir gera grein fyrir ferðum sínum. Skólar verða þó opnir og heimilt verður að stunda líkamsrækt utandyra.
18.03.2021 - 23:48
Tugir mótmælenda handteknir í Hollandi
Mótmæli gegn útgöngubanni brutust út víða í Hollandi í dag. Í gærkvöldi tóku gildi reglur um útgöngubann frá klukkan níu á kvöldin til klukkan hálffimm um nætur. Útgöngubannið gildir til 10. febrúar.
24.01.2021 - 19:08
Spegillinn
Sumir ekki út fyrir hússins dyr frá því í vor
Íslenskur sálfræðingur sem starfar í Bretlandi segir að streita hafi aukist þar jafn og þétt. Margir sem búi einir upplifi mikla félagslega einangrun. Sumir af hennar skjólstæðingum hafi verið einir allt frá því í fyrra vor. Útlit sé fyrir að útgöngubann muni standa fram yfir páska. Hún segir það mikinn létti að koma heim til Íslands.
22.01.2021 - 13:00
Neyðarástandi lýst yfir í Malasíu vegna COVID-19
Neyðarástandi hefur verið lýst yfir í Malasíu vegna úbreiðslu kórónuveirufaraldursins og þeirrar ógnar sem heilbrigðiskerfi landsins stafar af honum.
12.01.2021 - 03:30
Útgönguhömlum aflétt í Brisbane
Útgönguhömlum sem settar voru á í skyndi í borginni Brisbane í Ástralíu á föstudag hefur nú verið aflétt. AFP-fréttastofan greinir frá því að starfsmaður á hóteli í borginni greindist með hið nýja bráðsmitandi, svokallað breska afbrigði kórónuveirunnar á föstudag.
Vænta strangra sóttvarnarráðstafana áfram í Þýskalandi
Búist er við að stjórnvöld í Þýskalandi framlengi strangar sóttvarnarreglur í landinu sem renna á út 10. janúar næstkomandi. Angela Merkel kanslari fundar með forsætisráðherrum allra sambandsríkjanna sextán síðar í dag, sem hafa sent skýr skilaboð um vilja til að áfram gildi strangar reglur um samkomur fólks.
Þúsundir brutu sóttvarnarreglur í Lundúnum
Lúndúnalögreglan hyggst sekta 217 eftir að upp komst um óleyfilega tónleika og fjölmenn veisluhöld í borginni á gamlárskvöld. Þúsundir komu saman víða um borgina þrátt fyrir strangar reglur sem banna fjölmennar samkomur.
2.500 manna skemmtun í útgöngubanni í Frakklandi
Um það bil 2.500 manns tóku þátt í áramótafögnuði í vörugeymslu á Bretagne-skaga í Frakklandi á nýársnótt. Lögreglumenn reyndu að leysa upp skemmtunina en skemmtanaþyrstir ballgestir gripu til varna og slógust við lögreglu.
01.01.2021 - 18:07
Fjármálaráðherra Ontario-fylkis í Kanada segir af sér
Rod Phillips fjármálaráðherra Ontario-fylkis í Kanada hefur sagt af sér. Doug Ford, forsætisráðherra fylkisins, tilkynnti afsögnina í gær eftir að hann kallaði Phillips heim úr fríi á Sankti Bartólómeusareyju í Karíbahafinu.
Hert á útgöngubanni í Frakklandi
Til stendur að herða enn reglur um útgöngubann á þeim svæðum Frakklands þar sem kórónuveirufaraldurinn kemur þungt niður. Þetta kemur fram í yfirlýsingu heilbrigðsráðherra landsins, Olivier Véran.
Víðtækar lokanir á Ítalíu yfir jól og áramót
Ítölsk stjórnvöld hafa fyrirskipað viðtækar lokanir yfir jól og áramót til að koma í veg fyrir frekari útbreiðslu COVID-19. Giuseppe Conte forsætisráðherra kynnti ráðstafanirnar í kvöld.
Útgöngubann í Kaliforníu
Útgöngubann gekk í gildi í Kaliforníu-ríki í dag sem snertir yfirgnæfandi meirihluti íbúa þessa fjölmennasta ríkis Bandaríkjanna. Banninu er ætlað að vara í mánuð.
08.12.2020 - 00:29
Ljósin tendruð á jólatrénu í Betlehem
Mohammad Shtayyeh forsætisráðherra Palestínu tendraði ljósin á jólatrénu við Fæðingarkirkju frelsarans á Jötutorginu í Betlehem í gær. Það gerði hann með fjarstýringu af skrifstofu sinni í Ramallah.
06.12.2020 - 06:17
Útgöngubanni linnir á Englandi en strangar reglur gilda
Á morgun, miðvikudag, linnir fjögurra vikna útgöngubanni á Englandi sem var fyrirskipað til að hamla frekari útbreiðslu kórónuveirunnar í landinu.
Viðtal
Útgöngubann nýtist betur þegar önnur vá steðjar að
Þórólfur Guðnason sóttvarnalæknir segir að hann hefði ekki hafa beitt útgöngubanni hér á landi til að stemma stigu við útbreiðslu COVID-19 sjúkdómsins, jafnvel þó skýr heimild væri fyrir því í lögum. Slíkt ákvæði í lögum væri algert neyðarúrræði, að sögn Þórólfs og nýtist betur þegar önnur vá steðjar að.
26.11.2020 - 15:34
Yfir tólf milljón kórónuveirutilfelli í Bandaríkjunum
Kórónuveirutilfelli í Bandaríkjunum fóru yfir tólf milljónir í dag samkvæmt tölum frá Johns Hopkins háskólanum. Alls hafa 255.414 Bandaríkjamenn endað ævina af völdum COVID-19.
Útgöngubann í Suður-Ástralíu dregið til baka
Sex daga strangt útgöngubann sem fyrirskipað í Suður-Ástralíu fylki verður stytt um tvo daga. Að sögn Steven Marshall forsætisráðherra fylkisins hefur komið á daginn að maður sem hafði sagst hafa keypt og farið heim með pizzu af veitingastað var í raun starfsmaður þar.
Mánaðarlangt útgöngubann fyrirskipað í Kaliforníu-ríki
Útgöngubann tekur gildi í Kaliforníu-ríki næstkomandi laugardag og verður í gildi til 21. desember. Nýjum kórónuveirutilfellum hefur fjölgað mjög þar undarfarnar vikur.
Útgöngubann fyrirskipað í Suður-Ástralíu
Gripið hefur verið til sex daga útgöngubanns í Suður-Ástralíu fylki eftir að hópsmit kom upp í höfuðborginni Adelaide.
18.11.2020 - 03:29
Öllum íbúum Liverpool boðið upp á ítrekaðar skimanir
Allir íbúar Liverpool-borgar, hálf milljón talsins, verða frá og með deginum í dag skimaðir við COVID-19. Borgin verður þar með sú fyrsta á Englandi til að bjóða upp á slíkt en tilgangurinn er að koma í veg fyrir að sjúkrahús borgarinnar yfirfyllist af kórónuveiruskjúklingum.
Bresk stjórnvöld greiða áfram tekjufallsstyrki
Bresk stjórnvöld ætla að halda áfram fram í mars að veita fjármagni til að koma til móts við fólk sem hefur orðið fyrir tekjufalli vegna kórónuveirufaraldursins.
Englendingar nutu síðasta kvöldsins fyrir útgöngubann
Almenningur á Englandi notaði tækifærið í gær til að skreppa á krána, í verslunarleiðangur eða í klippingu. Algert útgöngubann gekk í gildi á miðnætti sem nær yfir 56 milljónir manna.
05.11.2020 - 06:47
Aðgerðir hertar í Austurríki
Austurríska ríkisstjórnin tilkynnti í dag að gripið yrði til veigamikilla lokana og útgöngubanns til að bregðast við aukinni útbreiðslu kórónuveirufaraldursins þar í landi.
31.10.2020 - 17:52
Útgöngubanni mótmælt í Napolí
Hundruð söfnuðust saman í Napolí í gærkvöldi til að mótmæla útgöngubanni sem stjórnvöld í Kampaníu-héraði á Ítalíu hafa fyrirskipað.
24.10.2020 - 05:19