Færslur: Tigray hérað

Ghebreyesus: Líf svartra minna metin en hvítra
Tedros Adhanom Ghebreyesus, framkvæmdastjóri Alþjóðaheilbrigðismálastofnunarinnar, segir ljóst að heimsbyggðin gefi hörmungum og neyðarástandi mismikinn gaum og vægi eftir húðlit þeirra sem það bitnar á. Einungis brotabrot af þeirri gríðarmiklu neyðaraðstoð sem nú renni til Úkraínu sé veitt til hamfara- og stríðssvæða annars staðar í heiminum, þar sem neyð sé þó óumdeilanlega feikimikil.
Tigray-hérað
Yfir 100 almennir borgarar hafa farist frá áramótum
Að minnsta kosti 108 almennir borgarar hafa fallið í Tigray-héraði í Eþíópíu frá áramótum. Þetta kemur fram í tilkynningu Sameinuðu þjóðanna sem sömuleiðis vara við miklum matvælaskorti í héraðinu.
Gera hlé á hjálparstarfi vegna drónaárása Eþíópíuhers
Alþjóðastofnanir og hjálparsamtök neyðast til að gera hlé á hjálparstarfi í Tigray-héraði í Eþíópíu vegna ítrekaðra drónaárása Eþíópíuhers, meðal annars á flóttamannabúðir í héraðinu. Samræmingarskrifstofa Sameinuðu þjóðanna í málefnum mannúðar- og hjálparstarfs greindi frá þessu á sunnudag.
10.01.2022 - 03:13
Von um frið þrátt fyrir harðnandi átök
Frakkar og Þjóðverjar bættust í gær í hóp þeirra ríkja sem hvetja borgara sína til að yfirgefa Eþíópíu vegna borgarastríðsins sem ekkert lát er á og fara harðnandi frekar en hitt. Bandarísk og bresk stjórnvöld höfðu áður gert hið sama og Sameinuðu þjóðirnar hafa byrjað það sem samtökin kalla tímabundna tilfærslu á hluta starfsliðs síns í landinu.
24.11.2021 - 04:27
Fjöldi fólks handtekinn í Eþíópíu undanfarnar vikur
Fjöldi fólks hefur verið handtekinn í Eþíópíu frá því að stjórnvöld lýstu yfir neyðarástandi í landinu fyrir tveimur vikum. Þeirra á meðal eru starfsmenn Sameinuðu þjóðanna.
Starfsfólk Sameinuðu þjóðanna handtekið í Eþíópíu
Á þriðja tug eþíópískra starfsmanna Sameinuðu þjóðanna voru handteknir í Addis Abeba í gær í aðgerðum stjórnvalda gegn fólki frá Tigray-héraði. Sextán þeirra eru enn í hald en sex hefur verið sleppt, að sögn upplýsingafulltrúa Sameinuðu þjóðanna. AFP-fréttastofan hefur eftir ónefndum heimildarmanni að nokkrir hinna handteknu hafi verið numdir á brott af heimilum sínum.
10.11.2021 - 03:30
Uppreisnarmenn sagðir nálgast Addis Ababa óðfluga
Uppreisnarmenn úr frelsisher Tigray-héraðs (TPLF) nálgast Addis Ababa höfuðborg Eþíópíu stöðugt. Aukinn þrýstingur er á ríkisstjórn landsins og forsætisráðherrann Abiy Ahmed en í yfirlýsingu frelsishersins í gær sagði að hersveitir þeirra væru innan við 350 kílómetra frá höfuðborginni.
Vaxandi áhyggjur af harðnandi átökum í Eþíópíu
Öryggisráð Sameinuðu þjóðanna lýsti í dag „þungum áhyggjum af vaxandi og harðnandi hernaðarátökum“ í Eþíópíu. Þetta kemur fram í yfirlýsingu sem Öryggisráðið sendi frá sér eftir fundarhöld í dag, föstudag. Bandaríska sendiráðið í Addis Ababa, höfuðborg Eþíópíu, hvetur Bandaríkjamenn til að yfirgefa landið „eins fljótt og auðið er,“ vegna yfirvofandi hættu á að sameiginlegur herafli níu uppreisnarhreyfinga ráðist inn í höfuðborgina. Sænsk og norsk stjórnvöld hvetja sína borgara til hins sama.
Hvetja Íslendinga í Eþíópíu til að hafa samband
Rannsóknarnefnd á vegum Sameinuðu þjóðanna segir mögulega stríðsglæpi hafa verið framda af báðum stríðandi fylkingum í borgarastríðinu í Eþíópíu. Utanríkisráðuneytið biðlar til Íslendinga sem staddir eru í Eþíópíu að virða lokanir og tilmæli yfirvalda þar í landi.
04.11.2021 - 12:03
Alvarlegir glæpir framdir í Tigray héraði
Michelle Bachelet, mannréttindastjóri Sameinuðu þjóðanna, segir að alvarlegir ofbeldisglæpir hafi verið framdir í Tigray-héraði. Nauðsynlegt sé að draga þá til ábyrgðar sem stóðu að þeim. Neyðarástandi hefur verið lýst yfir í landinu.
03.11.2021 - 17:35
Eþíópíuher gerir loftárásir í Tigray
Eþíópíski herinn gerði í gær loftárásir á uppreisnarmenn í Tigray héraði. Stjórnvöld segja árásirnar hafa beinst að vopnabúrum í héraðshöfuðborginni Mekele og bænum Agbe. 
21.10.2021 - 03:55
Bandarískur erindreki sendur til Eþíópíu
Bandaríski erindrekinn Jeffrey Feltman er á leið til Eþíópíu til þess að hvetja til vopnahlés í Tigray-héraði. Stríðið á milli eþíópíska stjórnarhersins og frelsishreyfingar Tigray hefur staðið yfir á tíunda mánuð.
13.08.2021 - 03:25
Setja ströng skilyrði fyrir vopnahléi
Uppreisnarsveitir í Tigray-héraði Eþíópíu kveðast reiðubúnar að gangast við vopnahlé að uppfylltum ákveðnum skilyrðum. Meðal þess sem þeir krefjast er að Erítreuher hafi sig á brott. Að auki vilja þeir að vopnaðar sveitir úr Amhara-héraði Eþíópíu láti sig hverfa, en þær hafa stutt stjórnarherinn í bardögum við uppreisnarhreyfingar undanfarna átta mánuði. 
05.07.2021 - 04:09
Vopnahlé nauðsynlegt til að hjálpa hungruðum í Tigray
Yfir 400 þúsund eru sögð glíma við hungursneyð í Tigray-héraði í Eþíópíu. Þar á meðal þjást yfir 30 þúsund börn af alvarlegum næringarskorti að sögn Sameinuðu þjóðanna. 1,8 milljón íbúa til viðbótar eru á barmi hungursneyðar, hefur fréttastofa BBC eftir úttekt Sameinuðu þjóðanna.
Eþíópíuher er flúinn frá héraðshöfuðborg Tigrayhéraðs
Hersveitir fylgjandi fyrri stjórnvöldum í Tigray-héraði í Eþíópíu náðu í gær valdi á héraðshöfuðborginni Mekele, sem stjórnarherinn hertók fyrr í vor. Ríkisstjórn Eþíópíu lýsti skömmu síðar yfir vopnahléi í héraðinu, einhliða og án undangenginna samninga þar um.
29.06.2021 - 04:32
Þrír starfsmenn Lækna án landamæra myrtir í Eþíópíu
Þrír starfsmenn alþjóðlegu hjálparsamtakanna Lækna án landamæra voru myrtir í Tigray-héraði í Eþíópíu í vikunni. Þetta kemur fram í tilkynningu samtakanna. Starfsmennirnir, tveir Eþíópíumenn og einn Spánverji, voru á ferð um héraðið á fimmtudag þegar allt samband við þá rofnaði. Í gær, föstudag, fannst bifreið þeirra, mannlaus, og lík þeirra allra litlu síðar þar skammt frá.
Tugir almennra borgara létust í loftárás í Tigrayhéraði
Minnst 43 fórust og tugir særðust þegar loftárás var gerð á bæinn Togoga í Tigrayhéraði í Eþíópíu á þriðjudag. Þetta hefur Reutersfréttastofan eftir lækni á sjúkrahúsi í héraðshöfuðborginni Mekelle. Flugskeytum var skotið á útimarkað í bænum, þar sem fjöldi almennra borgara var saman kominn. Fullyrt er að flugher Eþíópíuhers hafi verið að verki en talsmaður hersins, ofurstinn Getnet Adane, hefur hvorki viljað játa því né neita.
24.06.2021 - 01:19
Búist er við að Abiy Ahmed haldi velli í Eþíópíu
Kosningar til ríkis- og svæðisþinga í Eþíópíu eru hafnar, þær fyrstu frá því að Abiy Ahmed komst til valda. Hann tók við embætti forsætisráðherra í apríl árið 2018 og hlaut friðarverðlaun Nóbels árið eftir, einkum fyrir að koma á friði við nágrannaríkið Erítreu.
Um 350.000 búa við hungursneyð í Tigray-héraði
Um 350.000 manns búa við hungursneyð í Tigray-héraði í Eþíópíu um þessar mundir og milljónir til viðbótar eru í brýnni þörf fyrir mataraðstoð ef ekki á að fara eins fyrir þeim. Þetta er niðurstaða úttektar neyðarhjálpar Sameinuðu þjóðanna. Samkvæmt henni búa um 350.000 þúsund manns í hinu stríðshrjáða Tigray-héraði við „skelfilegan matarskort“ sem ekki verður skilgreindur öðruvísi en sem hungursneyð.
11.06.2021 - 04:46
Óttast hungursneyð í Tigray-héraði
Sameinuðu þjóðirnar vara við yfirvofandi hungursneyð í Tigray-héraði í Eþíópíu, ef svo fer fram sem horfir. Mark Lowcock, sem heldur utan um og samræmir neyðaraðstoð Sameinuðu þjóðanna, greinir frá þessu í skýrslu til Öryggisráðsins.
26.05.2021 - 05:50
Bandaríkin refsa fyrir stríðið í Tigray
Bandaríkjastjórn tilkynnti í gærkvöld að eþíópískir og erítreskir ráðherrar, herforingjar og aðrir sem kyntu undir ófriðarbálinu í Tigray-héraði sæti refsingum. Þeim sem gerðust sekir um það verður neitað um vegabréfsáritun til Bandaríkjanna, að sögn AFP fréttastofunnar.
24.05.2021 - 03:54
Vísbendingar um að Eþíópíuher sé sekur um fjöldamorð
Sterkar vísbendingar hafa fundist um að liðsmenn Eþíópíuhers hafi framið fjöldamorð í Tigray-héraði í janúar á þessu ári. Breska ríkisútvarpið BBC greinir frá og byggir frétt sína á eigin rannsóknum. Þær leiddu í ljós að minnst 15 menn voru drepnir í þessu ódæðisverki, en mun fleiri er saknað.
02.04.2021 - 02:56
Aukin spenna milli Súdan og Eþíópíu
Átökin í Tigray-héraði í Eþíópíu og virkjunaframkvæmdir Eþíópíumanna í Bláu-Níl hafa leitt til aukinnar spennu við Súdan. Þá hafa margra áratuga gamlar landamæradeilur milli Súdans og Eþíópíu komið fram á sjónarsviðið á ný. 
16.03.2021 - 11:56
Engin sátt í Öryggisráðinu um stöðuna í Tigray
Öryggisráð Sameinuðu þjóðanna féll í gær frá öllum áætlunum um ályktun, þar sem kallað yrði eftir því að deiluaðilar í Eþíópíu legðu niður vopn og létu af öllum átökum í Tigray-héraði. Ástæðan er sögð andstaða Kínverja og Rússa við slíka ályktun, eftir tveggja daga viðræður. „Það náðist ekkert samkomulag," hefur AFP fréttastofan eftir ónefndum heimildarmanni, „og það eru engin áform um að halda áfram viðræðum."
Eþíópía: Stjórnarherinn ræðst inn í Mekele
Stjórnarherinn í Eþíópíu réðist í morgun inn í Mekele, höfuðborg Tigray-héraðs í norðurhluta landsins. Abiy Ahmed forseti Eþíópíu hafði hótað þessu um nokkurra daga skeið en átök hafa staðið yfir í héraðinu í rúmar þrjár vikur.
28.11.2020 - 12:59