Færslur: Sri Lanka

Ástandið versnar áður en það batnar
Nýr forsætisráðherra tók við embætti á Sri Lanka í gærkvöld. Hans og nýrrar ríkisstjórnar, sem enn hefur ekki verið mynduð, bíður það erfiða verkefni að koma efnahag landsins á réttan kjöl. Mótmælendur krefjast þess enn að forseti landsins fari frá.
13.05.2022 - 17:25
Óbætanlegt efnahagshrun blasir við á Sri Lanka
Bankastjóri Seðlabankans á Sri Lanka segir að mynda verði nýja ríkisstjórn innan tveggja daga. Ella blasi við algjört efnahagshrun í landinu, sem enginn geti bjargað. Þrátt fyrir útgöngubann héldu óeirðaseggir áfram að kveikja í húsum og bílum í nótt.
11.05.2022 - 16:35
Hernum skipað að skjóta lögbrjóta
Varnarmálaráðuneytið á Sri Lanka skipaði hermönnum í dag að skjóta alla sem staðnir eru að verki við það að brjóta lögin. Átök stjórnarliða og stjórnarandstæðinga hafa kostað átta manns lífið. Á þriðja hundrað hafa særst.
10.05.2022 - 17:27
Útgöngubann í kjölfar mannskæðra mótmæla á Sri Lanka
Þúsundum her- og lögreglumanna er ætlað að tryggja að útgöngubann haldi í Sri Lanka en fimm fórust í gær í mestu átökum sem brotist hafa út í tengslum við mótmæli í landinu. Mahinda Rajapaksa, forsætisráðherra sagði af sér í gær en sú ákvörðun sló ekkert á bræði almennings.
Tveir létust í mótmælum á Sri Lanka
Tveir létust og að minnsta kosti 139 særðust í óeirðum milli stjórnarliða og stjórnarandstæðinga á Sri Lanka í dag. Annar hinna látnu er þingmaður. Yfirvöld lýstu í dag yfir útgöngubanni um allt land eftir að stuðningsmenn stjórnvalda réðust vopnaðir bareflum á óvopnaða stjórnarandstæðinga sem kröfðust þess að forseti landsins segði af sér. Forsætisráðherrann bauðst til að segja af sér eftir að ró komst á að nýju.
09.05.2022 - 11:43
Sri Lanka á heljarþröm
Kauphöllinni í Colombo á Sri Lanka var lokað öðru sinni í þessum mánuði þegar hlutabréfavísitalan hrundi um hátt í þrettán prósent. Fjármálakreppan sem herjar á landsmenn er hin versta frá því að landið fékk sjálfstæði fyrir 74 árum.
25.04.2022 - 16:20
Skortur á lyfjum og lækningatækjum á Sri Lanka
Læknar á Sri Lanka segja að lífsnauðsynleg lyf ófáanleg í landinu og vara við að yfirstandandi efnahagskreppa geti kostað fleiri mannslíf en kórónuveirufaraldurinn.
11.04.2022 - 03:00
Forseti Sri Lanka glatar meirihlutastuðningi þingsins
Nokkrir fyrrum bandamenn Gotabaya Rajapaksa, forseta Sri Lanka, krefjast afsagnar hans í kjölfar mikilla mótmæla. Stjórnin hefur misst meirihluta sinn á þinginu. Mikil kreppa ríkir í landinu og skortur á eldsneyti og matvöru.
Lokað fyrir samfélagsmiðla á Sri Lanka
Yfirvöld á Sri Lanka lokuðu í nótt fyrir aðgang landsmanna að samfélagsmiðlum eftir að boðað var til helgarlangs útgöngubanns vegna harðvítugra mótmæla. Forseti landsins lýsti yfir neyðarástandi í landinu á föstudag.
03.04.2022 - 06:50
Mótmælaalda gengur yfir Sri Lanka
Gotabaya Rajapaksa, forseti Sri Lanka, hefur lýst yfir neyðarástandi vegna mótmælaöldu sem gengur yfir landið. Djúp efnahagskreppa er í landinu og skortur á nauðsynjavörum.
02.04.2022 - 03:45
Umhverfisfræðingur gagnrýnir aðgerðir við Sri Lanka
Umhverfisfræðingur óttast umhverfis-stórslys undan ströndum Sri Lanka, þar sem flutningaskipið X-Press Pearl er við það að sökkva. Mikill eldur logaði í skipinu í tvær vikur, áður en loks tókst að slökkva í því fyrr í vikunni. Talið er að kviknað hafi í út frá saltpéturssýru, sem er í tonnatali í farmi skipsins. 
03.06.2021 - 06:57
Óttast ógurlegt mengunarslys við strendur Sri Lanka
Yfirvöld á Sri Lanka segjast óttast að eitthvað mesta mengungarslys í sögu landsins sé í uppsiglingu eftir að brak úr brennandi flutningaskipinu Pearl barst að ströndum þess.
30.05.2021 - 10:05
Viðtal
„Hefði aldrei trúað að ég myndi upplifa þessa hluti“
„Manni fallast hendur, það er svo lítið sem maður getur gert,“ segir Snorri Már Skúlasson sem gekk í gegnum þungbæra reynslu á Sri Lanka þar sem hann upplifði blóðbað og eymd fólks sem hann gat ekki bjargað. Með hjálp æðri máttarvalda hefur honum tekist að vinna úr áfallinu, sigrast á alkóhólisma og óttanum við að verða einmana, sem hann fann fyrir eftir að hann skildi.
27.01.2021 - 09:21
Fellibylur við suðurodda Indlands
Viðvaranir hafa verið gefnar út í ríkjunum Tamil Nadu og Kerala á sunnanverðu Indlandi, en þangað stefnir fellibylurinn Burevi og er búist við að hann komi að landi í kvöld eða nótt.
03.12.2020 - 08:49
Erlent · Asía · Indland · Sri Lanka
Sri Lanka sendir rusl aftur til Bretlands
21 ruslagámur verður sendur aftur til Bretlands frá Sri Lanka eftir að hættuleg efni fundust í þeim. Alls voru 263 gámar fullir af rusli sendir frá Bretlandi til eyríkisins í Asíu. Tollverðir í Sri Lanka fundu sorp frá sjúkrahúsum í mörgum gámanna, auk plastúrgangs.
28.09.2020 - 04:12
Enn logar eldur í New Diamond
Enn hefur ekki tekist að slökkva eldinn í oliuskipinu New Diamond sem er um 34 sjómílur undan Sangamankanda-odda á austurströnd Sri Lanka. Eldur kviknaði eftir sprengingu í vélarrúmi á fimmtudag og fórst þá einn skipverja. 
08.09.2020 - 08:20
Erlent · Asía · Sri Lanka · Indland · Líbería
Eldur í olíuskipi á Indlandshafi
Einn fórst en tuttugu og tveimur var bjargað eftir að eldur blossaði upp í olíuskipi á Indlandshafi í gær skammt undan austurströnd Sri Lanka. Her- og björgunarskip sem send voru á vettvang reyna nú að slökkva eldinn og hindra það að hann berist í farm olíuskipsins.
04.09.2020 - 08:19
Forsetinn staðfestir andlát þeirra sem er saknað
Forseti Sri Lanka viðurkenndi í fyrsta sinn í gær að þær þúsundir sem hefur verið saknað síðan í borgarastríðu í landinu séu látnar. Um 100 þúsund létu lífið og um 20 þúsund hurfu í borgarastríðinu sem varði í 26 ár fram til ársins 2009, þegar uppreisn Tamiltígra var loks brotin á bak aftur.
21.01.2020 - 04:48
Herða gæslu svo rannsóknarlögreglumenn flýji ekki land
Eftirlit hefur verið hert á flugvöllum  á Sri Lanka til að hindra það að rannsóknarlögreglumenn flýi land. Margir lögreglumenn hafa fengið morðhótanir eftir að nýir valdhafar tók við í landinu.
26.11.2019 - 09:52
Forsætisráðherra Sri Lanka segir af sér
Ranil Wickremesinghe, forsætisráðherra Sri Lanka, tilkynnti í dag afsögn sína, fjórum dögum eftir að frambjóðandi stjórnarflokks landsins beið niðurlægjandi ósigur fyrir Gotabaya Rajapaksa, helsta frambjóðanda stjórnarandstöðunnar. Forsætisráðherrann lætur af embætti á morgun til að hægt verði að mynda nýja minnihlutastjórn í landinu.
20.11.2019 - 14:20
Sri Lanka-stjórn auglýsir eftir böðlum
Yfirvöld á Sri Lanka auglýstu á dögunum tvær stöður böðla lausar til umsóknar, þar sem ætlunin er að taka fjóra sakamenn af lífi innan skamms, þá fyrstu í 43 ár. Ætlunin er að hengja sakamennina fjóra, sem allir voru dæmdir til dauða fyrir fíkniefnabrot.
30.06.2019 - 04:41
Vígamenn drepnir eða handteknir
Allir þeir vígamenn sem viðriðnir voru hryðjuverkin á Sri Lanka um páskana eða tóku þátt í skipulagningu þeirra hafa verið drepnir eða handteknir. Ríkislögreglustjórinn á Sri Lanka greindi frá þessu í morgun.
07.05.2019 - 09:10
Messufall á Sri Lanka á sunnudag
Kardináli kaþólsku kirkjunnar á Sri Lanka hefur afboðað guðsþjónustu í kirkjum landsins á sunnudaginn kemur. Að hans sögn hafa borist trúverðugar upplýsingar um mögulegar árásir á tvær kirkjur um næstu helgi. Upplýsingarnar segir hann að hafi borist frá erlendri leyniþjónustu.
02.05.2019 - 15:14
Sri Lanka: Hætt við messur á sunnudag
Messur verða ekki sungnar í kirkjum Rómversk-Kaþólsku kirkjunnar á Sri Lanka á sunnudag eins og fyrirhugað var. Talsmaður kardínálans á Sri Lanka greindi fréttamanni AFP frá þessu í morgun.
02.05.2019 - 09:13
Messað á ný um helgina
Kaþólska kirkjan Sri Lanka tilkynnti í morgun að messað yrði í kirkjum safnaðarins um helgina, hálfum mánuði eftir hryðjuverkin þegar yfir 250 létu lífið í sprengjutilræðum í kirkjum og hótelum í landinu.
30.04.2019 - 10:20