Bryndís Hrafnkelsdóttir, framkvæmdastjóri Happdrættis Háskóla Íslands, segir unnið að lausn sem veiti þátttakendum tækifæri til að stýra sinni spilun með því setja sér eigin takmörk og/eða útiloka sig frá spilun. Metið sé að það verði best gert með því að auðkenna sig með rafrænum hætti.

Samtök áhugafólks um spilafíkn segja niðurstöður könnunar sem Gallup gerði fyrir þau í apríl og maí 2020 sýni að mjög afmarkaður og lítill hópur leggi allt sitt í spilakassa HHÍ. Samtökin kalla eftir afstöðu menntamálaráðherra til áframhaldandi reksturs kassanna.

Stjórn SÁÁ hefur ákveðið að hætta þátttöku í rekstri spilakassa. Þannig verða tengsl rofin við Íslandsspil, sameignarfélagi SÁÁ ,Rauða krossins og Slysavarnafélagsins Landsbjargar um rekstur kassanna.

Happdrætti Háskóla Íslands og Íslandsspil hafa óskað eftir því síðan um aldamót að fá að útvíkka starfsemi sína yfir á netið. Forstjóri Happdrættis Háskólans segir sorglegt að stjórnvöld hafi ekki brugðist við. Hún telur útvíkkaða starfsemi fjárhættuspila ekki ýta undir spilafíkn. Málið er til skoðunar í ráðuneytinu og verður mögulega tekið fyrir á næsta þingi.

Dómsmálaráðherra undirbýr nú endurskoðun á lögum um starfsemi happdrætta með það fyrir augum að styrkja eftirlit og forvarnir í rekstri spilakassa. Frumvarp sem heimila átti Íslandsspilum og Happdrætti Háskólans að reka fjárhættuspil á netinu verður ekki lagt fram á þessu þingi eins og boðað hafði verið. Spilakassarekstur á Íslandi býr við fádæma lausatök í eftirliti hins opinbera í samanburði við aðrar þjóðir á Vesturlöndum.