Færslur: Sjúkratryggingar Íslands

Ætla að koma til móts við hjúkrunarheimilin
Stjórnvöld ætla að koma til móts við þau hjúkrunarheimili sem hafa þurft að standa straum af aukakostnaði vegna kórónuveirufaraldursins. Þetta kemur fram í svörum frá Sjúkratryggingum Íslands. Fullyrðingar formanns Samtaka fyrirtækja í velferðarþjónustu um málið séu ekki réttar.
Lýsir þungum áhyggjum af skeytingarleysi ríkisins
Bæjarstjórn Vestmannaeyja lýsir þungum áhyggjum af því sem hún kallar skeytingarleysi ríkisins varðandi rekstur hjúkrunarheimila í landinu. Bæjarstjórnin sagði upp samningi við Sjúkratryggingar um rekstur hjúkrunarheimilisins Hraunbúða í sumar.
Krabbameinsfélagið krefst að fréttir verði fjarlægðar
Krabbameinsfélagið krefst þess að fréttir, þar sem starfsmaður, sem gerði mistök við greiningu leghálssýnis, er nafngreindur verði fjarlægðar. Starfsmaðurinn kom fram undir nafni í viðtali við Mannlíf í gær og birtist fréttin í kjölfarið í fleiri fjölmiðlum. Mistökin urðu til þess að leghálskrabbamein konu á fimmtugsaldri greindist ekki og er það nú ólæknandi. 
Viðtal
Ræða nýfundið skjal við landlækni og Krabbameinsfélagið
Sjúkratryggingar Íslands fundu síðdegis í dag skjal sem kann að varpa ljósi á orð Tryggva Björns Stefánssonar skurðlæknis sem sagði í Kastljósi í síðustu viku að gæðaeftirlit Krabbameinsfélags Íslands hefði verið í lamasessi árið 2017. María Heimisdóttir, forstjóri Sjúkratrygginga, sagði í kvöldfréttum í sjónvarpi að fara yrði yfir tilurð skjalsins, hverjir hefðu séð það og í hvaða ferli það hefði farið.
Kannast ekki við mat um hæfni Krabbameinsfélagsins
Starfsmenn Krabbameinsfélagsins kannast ekki við að í vinnu við endurskoðun kröfulýsinga fyrir leitarstöðina árið 2017 hafi farið fram mat á því hvort Krabbameinsfélagið væri hæft til að skima fyrir krabbameinum eins og fram kom í Kastljósi í gær. Krabbameinsfélagið sendi frá sér yfirlýsingu í dag þar sem þetta kemur fram.
Segir hjúkrunarheimili alltaf þung í rekstri
Forstjóri heilbrigðisstofnunar Norðurlands segir hjúkrunarheimili alltaf þung í rekstri, þau falli hins vegar ágætlega að starfsemi stofnunarinnar. HSN mun reka Öldrunarheimili Akureyrar frá áramótum og forstjórinn er vongóður um að úttekt á rekstri öldrunarheimila skili auknu fjármagni.
Ríkið tekur yfir rekstur öldrunarheimila Akureyrar
Svandís Svavarsdóttir, heilbrigðisráðherra, hefur ákveðið að Heilbrigðisstofnun Norðurlands taki tímabundið við rekstri öldrunarheimila Akureyrar frá og með næstu áramótum. Á þriðja hundrað starfsmenn færast þá frá Akureyrarbæ til Heilbrigðisstofnunar Norðurlands.
Greina rekstrarkostnað hjúkrunarheimila
Svandís Svavarsdóttir heilbrigðisráðherra hefur skipað starfshóp til að greina raungögn um rekstur og rekstrarkostnað hjúkrunarheimila. Nokkuð hefur borið á óánægju meðal sveitastjórna undanfarin misseri vegna fjárveitinga til hjúkrunarheimila og hafa nokkur sveitarfélög ýmist ákveðið eða undirbúa að slíta samningum við ríkið um reksturinn.
Hafnar bótaskerðingu vegna búsetu erlendis
Tryggingastofnun má ekki  skerða sér­staka fram­færslu­upp­bót á þeim for­send­um að bótaþegi hafi búið hluta starfsævi sinn­ar er­lend­is. Þetta er niðurstaða Héraðsdóms Reykja­vík­ur, í máli konu sem höfðaði mál gegn stofnuninni vegna þessa.
Hornafjörður segir upp samningi við Sjúkratryggingar
Bæjarráð Hornafjarðar sagði í gær upp samningi sínum við Sjúkratryggingar Íslands vegna reksturs hjúkrunarheimila. Þar með bætist Hornafjörður í hóp sveitarfélaga sem slíkt hafa gert.
Akureyrarbær framlengir ekki samning um öldrunarheimili
Samningur milli Sjúkratrygginga Íslands og Akureyrarbæjar um þjónustu Öldrunarheimila Akureyrar verður ekki framlengdur. Óskað er eftir viðræðum um framtíðarrekstur innan mánaðar.
Myndskeið
Aukagjöld lækna bitna verst á fólki í fátækt
Þeir sem búa við fátækt finna mest fyrir aukagjöldum í heilbrigðisþjónustu sem falla utan við greiðsluþátttökukerfi ríkisins. Þetta segir heilbrigðisráðherra. Hún vonast til að samningar náist við sérfræðilækna og sjúkraþjálfara. Það sé þróun sem ekki sé viðunandi.
Sakar sjúkraþjálfara um að beita sjúklingum fyrir sig
Forstjóri Sjúkratrygginga Íslands sakar sjúkraþjálfara um að beita sjúklingum fyrir sig í deilu við yfirvöld. Sjúklingar þurfa nú að greiða allt að átta þúsund krónur fyrir sjúkraþjálfun og sækja sjálfir endurgreiðslu til Sjúkratrygginga. Forstjóri Sjúkratrygginga hefur sent Samkeppniseftirlitinu bréf og tilkynnt grun um ólögmætt verðsamráð sjúkraþjálfara.
Verður til þess að fólk hættir að fara í sjúkraþjálfun
Full greiðsla fyrir sjúkraþjálfun kemur verst niður á þeim sem síst skyldi, segir formaður Öryrkjabandalagsins. Mörgum fötluðum sé það illgerlegt að fara með reikninga fyrir sjúkraþjálfun í Sjúkratryggingar og óska eftir endurgreiðslu. Viðbúið sé að margir öryrkjar hætti að sækja sér heilbrigðisþjónustu, eins og sjúkraþjálfun og heimsóknir til sérfræðilækna sem margir hverjir taki aukagjald sem ekki sé niðurgreitt af ríki.
Alrangt að sjúkraþjálfarar viðhafi ólögmætt verðsamráð
Þeir sem sækja meðferð hjá sjúkraþjálfara þurfa nú að greiða fullt gjald, á bilinu 6.000 til 8.000 krónur, fyrir skiptið og sækja sjálfir um niðurgreiðslu hjá Sjúkratryggingum Íslands. Sjúkratryggingar hafa tilkynnt Félag sjúkraþjálfara til Samkeppniseftirlitsins vegna gruns um ólögmætt verðsamráð. Formaður félagsins segir alrangt að sjúkraþjálfarar viðhafi ólögmætt verðsamráð.
Myndband
Íhugar uppsögn í fyrsta sinn í 11 ár
Talmeinafræðingur sem hefur unnið á Reykjalundi í 11 ár segir ástandið þar ömurlegt. Heilbrigðisyfirvöld krefja stjórn Reykjalundar svara um fjölda uppsagna og hvernig áframhaldandi starfsemi verði tryggð. Samningur stofnunarinnar við Sjúkratryggingar gæti verið í uppnámi ef nýtt fólk verður ekki ráðið í staðinn fyrir þau sem hafa sagt upp störfum. Yfirlæknir taugasviðs Reykjalundar sagði upp störfum í gær.
Myndskeið
10.000 króna aukagjald innheimt af sjúklingum
Dæmi eru um að fólk þurfi að greiða tíu þúsund króna aukagjald þegar það fer til sérgreinalæknis. Gjaldið er ekki niðurgreitt af ríkinu og því þurfa sjúklingar að greiða það að fullu. Forstjóri Sjúkratrygginga segir þetta sýna að brýnt sé að ná samningum við sérfræðilækna sem fyrst.
Myndskeið
Geta greitt aukagjald til að komast í aðgerð
Einkareknar augnlæknastofur bjóða fólki að greiða aukagjald til þess að komast framhjá biðlista eftir ákveðnum aðgerðum svo sem á augnsteinum. Þeir sem velja það greiða þá aðgerðina að fullu úr eigin vasa – án niðurgreiðslu Sjúkratrygginga Íslands.
05.05.2019 - 19:12
Myndskeið
Sjúklingar standi ekki straum af ferðakostnaði
Til greina kemur að sjúklinga sem þurfa að sækja sér heilbrigðisþjónustu utan heimabyggðar fái einhvers konar auðkenniskort. Það þarf hins vegar að kanna vel með tilliti til persónuverndarsjónarmiða, segir María Heimisdóttir, forstjóri Sjúkratrygginga Íslands.
25.04.2019 - 19:25
Leggja til niðurgreidda sálfræðiþjónustu
Unnið er að lagabreytingatillögu á Alþingi um að hægt verði að fá almenn sálfræðiþjónusta niðurgreidda með sjúkratryggingum. 21 þingmaður hefur ákveðið að verða flutningsmaður að tillögunni.
Mikil aðsókn og kostnaður meiri en til stóð
Fleiri nýta sér þjónustu sjúkraþjálfara eftir að nýtt greiðsluþátttökukerfi tók gildi fyrir rúmu ári. Sjúkraþjálfarar eru ánægðir með kerfið en líst illa á vinnuskjal sem birtist vegna misskilnings á vef Sjúkratrygginga Íslands í byrjun vikunnar.
María skipuð forstjóri Sjúkratrygginga
María Heimisdóttir tekur við embætti forstjóra Sjúkratrygginga Íslands 31. október þegar Steingrímur Ari Arason, núverandi forstjóri, lætur af störfum. Heilbrigðisráðherra skipaði Maríu í embættið til fimm ára. Hún hefur undanfarin átta ár verið framkvæmdastjóri fjármálasviðs Landspítala.
05.09.2018 - 16:10
Aldraðir og öryrkjar fá nýja gjaldskrá
Sjúkratryggingar Íslands hafa birt drög að rammasamningi um breytt kjör við tannlæknaþjónustu aldraðra og öryrkja, sem taka á gildi þann 1. september næstkomandi. Innifalin í rammasamningi er breytt gjaldskrá tannlæknaþjónustu, en núverandi gjaldskrá heilbrigðisráðuneytis hefur ekki verið uppfærð síðan árið 2004.
19.07.2018 - 19:08
Ellefu sóttu um stöðu forstjóra SÍ
Embætti forstjóra Sjúkratrygginga Íslands var auglýst laust til umsóknar 18. maí. Umsóknarfrestur rann út 10. júní. Heilbrigðisráðherra mun skipa í stöðuna úr hópi umsækjanda, í samráði við stjórn Sjúkratrygginga Íslands.
12.06.2018 - 19:43
Fréttaskýring
„Matskerfið úrelt og hvatarnir óheppilegir“
„Þetta er gamalt kerfi og úrelt og óljóst hvort það mælir það sem það á að mæla.“ Þetta segir framkvæmdastjóri Samtaka fyrirtækja í velferðarþjónustu um það kerfi sem stjórnvöld nota til þess að meta gæði þjónustu sem veitt er á hjúkrunarheimilum. Framkvæmdastjóri Öldrunarheimila Akureyrar segir fjárhagslega hvata í kerfinu óheppilega. SFV vilja ekki framlengja rammasamning ríkisins við hjúkrunarheimili í núverandi mynd og gagnrýna meðal annars ósamræmi í kröfum eftirlitsaðila til þjónustunnar.