Færslur: Ríkisstjórn Katrínar Jakobsdóttur

Segir VG hafa gefið allt of mikið eftir í samstarfinu
Vinstri græn hafa gefið allt of mikið eftir í stjórnarsamstarfi sínu við Sjálfstæðisflokk. Starfsumhverfið innan VG er óheilbrigt og einkennist af aðskilnaðarkúltúr. Þetta segir Andrés Ingi Jónsson þingmaður utan flokka, sem sagði sig úr VG fyrir tæpu ári, í viðtali í Stundinni í dag. Hann segir að Sjálfstæðisflokkurinn nýti sér kórónuveirufaraldurinn til að koma umdeildum málum að.
Fjárfestingarátak stjórnvalda eykur kynjamisrétti
Í kringum 85 prósent þeirra starfa sem verða til við fjárfestingar- og uppbyggingarátak ríkissins á framkvæmdatímanum eru karlastörf. Þetta kemur fram í fjárlagafrumvarpi ríkisstjórnarinnar fyrir árið 2021 og í umsögn BSRB er kynjamisréttið sem fylgir átakinu harðlega gagnrýnt. Fjárfestingar- og uppbyggingarátakinu er ætlað að veita viðspyrnu vegna efnahagsáhrifa kórónuveirufaraldursins.
Umsáturseinelti refsivert samkvæmt nýju frumvarpi
Áslaug Arna Sigurbjörnsdóttir dómsmálaráðherra hefur mælt fyrir frumvarpi sínu þar sem umsáturseinelti verður gert saknæmt. Það verði gert með því að bæta nýrri lagagrein þar að lútandi í núgildandi hegningarlög.
Uppbyggingu ofanflóðavarna ljúki fyrir 2030
Gert er ráð fyrir 2,7 milljörðum króna árlega til varna gegn náttúruvá samkvæmt fjármálaáætlun 2021 til 2025. Það er aukning um 1,6 milljarða árlega frá því sem nú er.
Myndskeið
Einhugur innan ríkisstjórnarinnar um sóttvarnaaðgerðir
Katrín Jakobsdóttir forsætisráðherra og Bjarni Benediktsson fjármálaráðherra segja að einhugur ríki innan ríkisstjórnarinnar um þær sóttvarnaaðgerðir sem stjórnvöld hafa ráðist í.
Ráðherra, ungliðar og borgarfulltrúi gagnrýna Ágúst
„Botnlaus kvenfyrirlitning. Og ekki í fyrsta sinn,“ segir Svandís Svavarsdóttir heilbrigðisráðherra um orð sem Ágúst Ólafur Ágústsson þingmaður Samfylkingarinnar viðhafði í þættinum Sprengisandi á Bylgjunni á laugardag. Ágúst hefur beðist afsökunar á ummælum sínum.
Myndskeið
„Okkur mun takast að færa líf okkar í betra horf“
Katrín Jakobsdóttir forsætisráðherra sagði í stefnuræðu sinni á Alþingi í kvöld að framundan væri tími endurreisnar og að framtíðin væri björt. Ekki sæi enn fyrir endann á faraldrinum, en að eitt vissum við þó: „Þessu lýkur, og ég veit að okkur mun takast að færa líf okkar í betra horf,“ sagði hún.
Ísland vel tilbúið að takast á við halla ríkissjóðs
Meira svigrúm er til að þola tímabundinn halla, líkt og blasir nú við ríkissjóði, ólíkt því sem var fyrri kreppum. Þetta er mat Björns Berg Gunnarssonar deildarstjóra greiningardeildar Íslandsbanka.
Opinber fjárfesting ekki í samræmi við yfirlýsingar
„Þrátt fyrir margboðað fjárfestingarátak ríkissjóðs sýndu fyrstu niðurstöður þjóðhagsreikninga fyrir árið 2020 rúmlega 14 prósenta samdrátt í opinberri fjárfestingu á milli fyrri árshelminga 2019 og 2020 á verðlagi hvers árs.“ Þetta kemur fram í nýrri Hagsjá hagfræðideildar Landsbankans þar sem segir að vonandi hilli undir að stór áform ríkisstjórnarinnar um opinberar fjárfestingar líti dagsins ljós.
Samfylking og Píratar gagnrýna aðgerðaáætlunina
Logi Már Einarsson, formaður Samfylkingarinnar, og Þórhildur Sunna Ævarsdóttir, þingmaður Pírata, eru samhljóma í gagnrýni á aðgerðaáætlunina sem ríkisstjórnin kynnti í morgun. Í samtali við fréttastofu segir Logi að það standi strókur úr ríkiskassanum til að bjarga fyrirtækjum en fátt sé gert í þágu fólksins. Þórhildur Sunna segir áætlunina samtínslu sundurlausra aðgerða og spyr hvort ríkisstjórnin ætti ekki að finna aðra ráðgjafa en „fólkið í Borgartúninu“. 
Mikilvægt að koma í veg fyrir átök á vinnumarkaði
Ríkisstjórnin hyggst ræða við Samtök atvinnulífsins og Alþýðusambandið vegna ágreinings þeirra um stöðu lífskjarasamningsins. Ekki sé tímabært að boða tilteknar aðgerðir stjórnvalda.
„Bæta ber hagsmunamat barna sem hingað koma“
„Rætt hefur verið hvernig við getum bætt hagsmunamat barna sem hingað koma. Við munum gera á þeim ákveðnar úrbætur. Það hefur einnig verið rætt að bæta stöðu fylgdarlausra barna,“ segir Katrín Jakobsdóttir forsætisráðherra í samtali við fréttastofu.
Keppinautar Icelandair ekki beðnir álits á lánalínu
Keppinautar Icelandair Group eru ekki meðal þeirra sem beðnir eru um álit á lánalínunni sem stjórnvöld ætla að veita fyrirtækinu ríkisábyrgð á, en málið er nú til meðferðar hjá þinginu.
Myndskeið
Ríkisstjórnin setið í þúsund daga
Þúsundasti starfsdagur ríkisstjórnarinnar var í dag. Forsætisráðherra segir kjaramálin eitt það mikilvægasta sem náðst hefur, en atvinnuleysið sé helsta verkefnið framundan. Sagnfræðiprófessor segir þessa ríkisstjórn ekki fara í sögubækurnar sem breytingastjórn, frekar sem stöðugleikastjórn.
Enginn ráðherranna með COVID
Niðurstöður úr síðari skimun ráðherra vegna kórunuveiru reyndust neikvæðar í öllum tilfellum. Þetta kemur fram í tilkynningu sem forsætisráðuneytið sendi frá sér á tólfta tímanum í kvöld.
Ráðherrar fara í seinni sýnatöku í dag
Ráðherrar ríkisstjórnarinnar, að frátöldum Svandísi Svavarsdóttur og Ásmundi Einari Daðasyni, fara í síðari skimun í dag eftir að hafa snætt á Hótel Rangá á þriðjudag. Í síðustu viku greindist starfsmaður hótelsins jákvæður og nokkrir gestir reyndust smitaðir.
Viðtal
Víðir: „Samfélagið allt fær sömu þjónustu“
Víðir Reynisson yfirlögregluþjónn segir það sama ganga yfir ríkisstjórnina og alla aðra í sýnatöku. Ráðherrarnir fái úthlutaðan tíma í skimun og mæti þangað sem sýnataka fer fram í dag.
COVID-smitaður á hóteli þar sem ríkisstjórnin borðaði
Starfsmaður á Hóteli á Suðurlandi, þar sem ráðherrar ríkisstjórnarinnar snæddu á þriðjudaginn, greindist með kórónuveirusmit í dag. Þetta staðfesti Kjartan Hreinn Njálsson, aðstoðarmaður landlæknis, í samtali við fréttastofu.
Fjárlagagatinu ekki lokað á næstu árum
Ríkið hefur svigrúm á að taka á sig högg með hallarekstri, segir Bjarni Benediktsson fjármálaráðherra. Hvorki standi til að fara í skattahækkanir né harðan niðurskurð.
Eini fyrirvarinn að útboðið gangi eftir
Bjarni Benediktsson fjármála- og efnahagsráðherra, segir það hafa verið orðið tímabært fyrir stjórnvöld að taka ákvörðun um að gangast í ríkisábyrgð fyrir Icelandair. Hann segir góða samstöðu hafa verið í ríkisstjórninni um að veita ábyrgðina.
Veita Icelandair ríkisábyrgð á lánalínu
Íslensk stjórnvöld hafa ákveðið að veita Icelandair ríkisábyrgð á lánalínu að upphæð allt að 120 milljónir dollara, eða um 16,5 milljarðar króna, að því er fram kemur í frétt á vef stjórnarráðsins.
Yfir 200 umsagnir bárust um stjórnarskrárfrumvarpið
Alls bárust 214 umsagnir um stjórnarskrárfrumvarp Katrínar Jakobsdóttur forsætisráðherra áður en frestur til að skila inn umsóknum rann út í gær. Mikill meirihluti athugasemda tengist ráðgefandi þjóðaratkvæðagreiðslu sem efnt var til árið 2012 um nýja stjórnarskrá og krefst fjöldi þeirra sem tjá sig um frumvarpið að sú atkvæðagreiðsla verði virt.
Efling krefur ríkið um hundruð milljóna
Sólveig Anna Jónsdóttir formaður Eflingar krefst, fyrir hönd stéttarfélagsins, að ríkið greiði félagsmönnum „hundruðir milljóna“ vegna aðgerðaleysis stjórnvalda vegna ógreiddra launa, launaþjófnaðar og ýmiss annars athæfis atvinnurekenda. Standi ríkisstjórnin ekki við loforð sín um að bæta aðstæður vinnandi fólks, áskilur Sólveig sér allan rétt til að knýja á um að svo verði.
Á fjórða hundrað fyrirtæki hafa sótt um lokunarstyrki
Sótt hefur verið um COVID-lokunarstyrki fyrir tæpar 400 milljónir króna, á þeim mánuði sem liðinn er síðan opnað var fyrir umsóknir. Gert var ráð fyrir að styrkirnir gætu numið tveimur og hálfum milljarði.
Ekki þarf veiðikort til músaveiða innandyra
Verði frumvarp um vernd, velferð og veiðar villtra fugla og spendýra að lögum verða allar veiðar á villtum fuglum og dýrum að vera sjálfbærar og lúta veiðistjórnun. Óheimilt verður að veiða ófleyga unga og ekki má veiða aðra fugla en lunda í háf.