Færslur: Ríkisstjórn Katrínar Jakobsdóttur

Yfir 200 umsagnir bárust um stjórnarskrárfrumvarpið
Alls bárust 214 umsagnir um stjórnarskrárfrumvarp Katrínar Jakobsdóttur forsætisráðherra áður en frestur til að skila inn umsóknum rann út í gær. Mikill meirihluti athugasemda tengist ráðgefandi þjóðaratkvæðagreiðslu sem efnt var til árið 2012 um nýja stjórnarskrá og krefst fjöldi þeirra sem tjá sig um frumvarpið að sú atkvæðagreiðsla verði virt.
Efling krefur ríkið um hundruð milljóna
Sólveig Anna Jónsdóttir formaður Eflingar krefst, fyrir hönd stéttarfélagsins, að ríkið greiði félagsmönnum „hundruðir milljóna“ vegna aðgerðaleysis stjórnvalda vegna ógreiddra launa, launaþjófnaðar og ýmiss annars athæfis atvinnurekenda. Standi ríkisstjórnin ekki við loforð sín um að bæta aðstæður vinnandi fólks, áskilur Sólveig sér allan rétt til að knýja á um að svo verði.
Á fjórða hundrað fyrirtæki hafa sótt um lokunarstyrki
Sótt hefur verið um COVID-lokunarstyrki fyrir tæpar 400 milljónir króna, á þeim mánuði sem liðinn er síðan opnað var fyrir umsóknir. Gert var ráð fyrir að styrkirnir gætu numið tveimur og hálfum milljarði.
Ekki þarf veiðikort til músaveiða innandyra
Verði frumvarp um vernd, velferð og veiðar villtra fugla og spendýra að lögum verða allar veiðar á villtum fuglum og dýrum að vera sjálfbærar og lúta veiðistjórnun. Óheimilt verður að veiða ófleyga unga og ekki má veiða aðra fugla en lunda í háf. 
ESA samþykkir fjölmiðlastyrk íslenskra stjórnvalda
ESA, eftirlitsstofnun EFTA, hefur samþykkt áform íslenskra stjórnvalda um fjárhagsstuðning fyrir einkarekna fjölmiðla vegna kórónuveirufaraldursins. Menntamálaráðherra gaf út reglugerð þessa efnis síðasta föstudag.
Ákvæðum um forseta breytt í stjórnarskrá
Verið er að færa stjórnarskrána í átt til nútímans og nær þeim vinnubrögðum sem ástunduð hafa verið. Það er mat Ragnhildar Helgadóttur prófessors við lagadeild Háskólans í Reykjavík á frumvarpi ríkisstjórnarinnar um annan kafla stjórnarskrárinnar. Almenningi gefst nú kostur á að tjá sig um það í samráðgátt stjórnvalda.
Brugðist við samdrætti í sex sveitarfélögum
Samgöngu- og sveitarstjórnarráðuneytið hefur falið Byggðastofnun að skoða stöðu mála í sex sveitarfélögum sem hafa orðið hart úti vegna niðursveiflu í ferðaiðnaði vegna kórónuveirufaraldursins.
Unnið á grundvelli sáttar ekki sundrungar
Frumvarpsdrögin að breytingu á stjórnarskrá sem nú eru til kynningar á samráðsgáttinni eru lagatæknilega séð langt komin. Þetta segir  Skúli Magnússon héraðsdómari og dósent sem var fenginn til að semja frumvarpið í samráði við formenn flokkanna.
Rúmlega 28 milljóna fjárstyrkur vegna snjóflóða
Ríkisstjórn Íslands ákvað á fundi sínum í morgun, að tillögu forsætisráðherra, að veita Ísafjarðarbæ og stofnunum fjárstyrk úr almennum varasjóði til að mæta útgjöldum vegna viðbragða og framkvæmda í kjölfar snjóflóðsins á Flateyri í janúar.
Horfðu til nágrannaþjóða varðandi lengingu kjörtímabils
Ekki kemur eingöngu til greina að hámarka setu í forsetaembætti við tólf ár, segir Katrín Jakobsdóttir forsætisráðherra. Einnig hafi verið rætt um að miða tímalengdina við 15 ár. Aðalatriðið með frumvarpinu nú sé að fá svör við hvort fólk sé sammála því að tímamörk séu sett.
Listi Schengen taki mið af aðstæðum hvers ríkis
Opnun landamæra var til umræðu á fundi norrænna ráðherra dóms- og innanríkismála í gær.
Fá ekki að kjósa í sóttkví
Ekki verður hægt að leyfa þeim 300 að kjósa, sem fara þurfa í sóttkví vegna mögulegs hópsmits sem rekja má til þess að knattspyrnukona í Breiðablik greindist með kórónuveiruna.
Fréttaskýring
Binda miklar vonir við „business as usual“
Fyrir árið 2030 þarf losun frá vegasamgöngum að minnka um 37%. Það er stuttur tími en vísindamenn sem mátu aðgerðir í uppfærðri loftslagsáætlun stjórnvalda telja að það náist. Auður Önnu Magnúsdóttir, framkvæmdastjóri Landverndar furðar sig á forsendum matsins, segir grunnsviðsmynd gera ráð fyrir því að stór hluti samdráttarins verði sjálfkrafa án aðgerða. Brynhildur Davíðsdóttir, prófessor í umhverfisfræði, leiddi matsvinnuna. Hún gerir ráð fyrir viðsnúningi í orkunotkun á næstu tíu árum.
Boða til blaðamannafundar um reynslu af skimuninni
Katrín Jakobsdóttir forsætisráðherra hefur boðað til blaðamannafundar  í dag um skimun á landamærum Íslands. Meginefni fundarins er reynslan af skimun ferðamanna til Íslands undanfarið og næstu skref.  
Viðtal
Renna ekki blint í sjóinn eins og í fyrri aðgerðaáætlun
Stjórnvöld kynntu í dag uppfærða aðgerðaáætlun í loftslagsmálum, útgáfan hefur tafist ítrekað. „Þó svo áætlunin að hafi dregist höfum við samt sem áður verið að setja aðgerðir, hverja á fætur annarri í framkvæmd,“ segir Guðmundur Ingi Guðbrandsson, umhverfisráðherra. Hann getur ekki svarað því hversu miklum samdrætti stjórnvöld hafa þegar náð. Tæpir sjö milljarðar fylgdu áætluninni árið 2018 en nú eru þeir níu. Þá er eftirfylgni með aðgerðum bætt.
Spegillinn
„Engin raunveruleg stjórnsýsla í loftslagsmálum“
Það háir öllum aðgerðum stjórnvalda, fyrirtækja og heimila í loftslagsmálum að ekki liggur fyrir skýr sýn um hvernig Ísland hyggst standa við alþjóðlegar skuldbindingar sínar. Þetta kemur fram í drögum að skýrslu sem Capacent vinnur fyrir Loftslagsráð stjórnvalda. Fram kemur að stjórnsýslan sé um margt veik og óskilvirk og að eins og er bendi fátt til þess að Ísland eigi eftir að standa við markmið Parísarsamkomulagsins árið 2030 og markmið um kolefnishlutleysi fyrir árið 2040. 
Vilja olíulaust Ísland árið 2035
Ísland getur verið sjálfbært um orku og ætti að vera sjálfsagt mál að setja fram slík markmið. Þetta kemur fram í ályktun sem samþykkt var á aðalfundi Landverndar í dag, en þar er lagt til að stjórnvöld setji sér markmið um að Ísland verði orðið olíulaust árið 2035.
Verst stöddu fyrirtækin geta ekki beðið
Fyrirtæki sem horfa fram á verulegan rekstrarvanda eiga á hættu að geta ekki nýtt úrræði stjórnvalda um stuðning úr ríkissjóði vegna uppsagna. Þau sem sjá sér ekki fært að fjármagna launakostnað í 30 daga eiga ekki kost á endurgreiðslu.
Fleiri styðja ríkisstjórnina en stjórnarflokkana
Sex af hverjum tíu segjast styðja ríkisstjórnina, samkvæmt nýjum Þjóðarpúlsi Gallups. Nær engar breytingar eru á fylgi flokkanna á milli mánaða.
Loftgæði, menntun, heilsa og tekjur mæla lífsgæði
Ríkisstjórnin samþykkti á ríkisstjórnarfundi í gær tillögu forsætisráðherra um notkun 39 félagslegra, umhverfislegra og efnahagslegra mælikvarða sem verða lýsandi fyrir hagsæld og lífsgæði á Íslandi.
Fréttaskýring
Kjörtímabil ríkisstjórnar Katrínar hálfnað
Rétt tvö ár eru liðin frá síðustu þingkosningum, og kjörtímabil ríkisstjórnar Katrínar Jakobsdóttur því hálfnað. Fáir sáu fyrir sér ríkisstjórn sem inniheldur Vinstri græn og Sjálfstæðisflokkinn, enda höfðu formenn flokkanna á orði að málefnalega séð væru þeir eins fjarri hvor öðrum og hugsast getur. Eftir það sem á undan var gengið var fátt sem kom á óvart í íslenskum stjórnmálum.