Yfirkjörstjórn Níkaragva útilokaði í gær einn helsta stjórnarandstöðuflokk landsins frá þátttöku í forsetakosningum sem haldnar verða í landinu í haust. Flokkurinn, Frjálsi borgaraflokkurinn, fer fyrir Borgararhreyfingu fyrir frelsi, kosningabandalagi hægriflokka sem hafa sameinast um að freista þess að koma í veg fyrir endurkjör forsetans Daniels Ortega.

Daniel Ortega og ríkisstjórn hans í Níkaragva halda uppteknum hætti við pólitískar hreinsanir í aðdraganda forsetakosninga þar í landi. Sjöundi maðurinn sem orðaður hefur verið við mótframboð gegn Ortega var handtekinn í gær og er nú í stofufangelsi. Sá handtekni, hægrimaðurinn Noel Vidaurre, er sakaður um að hafa „grafið undan fullveldi og sjálfstæði Níkaragva,“ líkt og aðrir mótframbjóðendur Ortegas.

Stjórn Daníels Ortega, forseta Níkaragva, heldur áfram pólitískum hreinsunum í aðdraganda forsetakosninga síðar á þessu ári. Tveir líklegir mótframbjóðendur hans voru handteknir í gær og eru þeir þá orðnir fjórir alls.

Bandaríkjastjórn kallaði í gær eftir því að stjórnarandstæðingnum Cristiönu Chamorro verði umsvifalaust sleppt úr haldi í Níkaragva. Hún situr þar í stofufangelsi, að sögn yfirvalda vegna gruns um peningaþvætti.

Stjórnvöld í Mexíkó hafa tryggt sér milljónir skammta af rússneska bóluefninu Spútnik. Brasilíumenn eru að leggja lokahönd á samninga um kaup á milljónum skammta af hvorutveggja Spútnik-bóluefninu og indverska bóluefninu Covaxin. Spútnik er talið álíka skilvirkt og bestu, vestrænu bóluefnin á markaðnum en áreiðanlegar upplýsingar um virkni Covaxin liggja ekki fyrir.

Nú eru yfir þrjátíu látin af völdum fellibylsins Jóta sem geisar um Mið-Ameríku aðeins tveimur vikum eftir að fellibylurinn Eta olli stórtjóni á sömu slóðum.

Fellibylurinn Iota tók land á norðanverðri Atlantshafsströnd Níkaragva laust fyrir klukkan eitt að íslenskum tíma. Iota er fimmta stigs fellibylur, þar sem meðalvindhraðinn nær allt að 72 metrum á sekúndu og hviður eru enn hvassari, skýfall eltir skýfall og sjávarflóð ógna strandbyggðum hvar sem hann fer, segir í viðvörun Bandarísku fellibyljastofnunarinnar. Tugir þúsunda hafa neyðst til að yfirgefa heimili sín í strandhéruðum Níkaragva og Hondúras, þar sem fellibylurinn mun hamast hvað harðast.

Mikill viðbúnaður er í Níkaragva og Hondúras vegna fellibylsins Iota sem stefnir þangað en búist er við að hann komi þar upp að ströndum í kvöld.

Um 150 eru látnir eða er saknað eftir að aurskriða af völdum óveðursins Eta hreif heilt þorp með sér í Gvatemala í dag. Forsetinn Alejandro Giammattei greindi frá þessu í kvöld. Áður höfðu um tuttugu manns týnt lífi í Mið-Ameríku af völdum Eta, sem kom að landi í Níkaragva á þriðjudag sem fjórða stigs fellibylur.

Að minnsta kosti þrír eru látnir eftir að fellibylurinn Eta reið yfir Mið-Ameríku af miklu afli. Bylurinn mældist á fjórða og næst efsta stigi þegar hann náði landi í Níkaragva í fyrradag, þar sem hann reif tré upp með rótum, feykti niður veggjum og tætti þök af húsum við norðurströnd landsins. Vindhraði náði allt að 58 metrum á sekúndu.

Meira en 20.000 hafa greinst smitaðir af kórónuveirunni í Rómönsku-Ameríku og ríkjum við Karíbahaf samkvæmt tölum sem birtar voru í gær. Hafði þá fjöldi greindra smita tvöfaldast á fimm dögum.

Fjórir karlmenn sem grunaðir eru um aðild að hryðjuverkasamtökunum sem kenna sig við íslamskt ríki voru handteknir í Níkaragva í dag er þeir komu yfir landamærin frá Kosta Ríka.