Færslur: Líbía

Samið um vopnahlé í Líbíu
Stríðandi fylkingar í Líbíu undirrituðu samkomulag um vopnahlé í dag eftir fimm daga samningaviðræður í Genf í Sviss að undirlagi Sameinuðu þjóðanna. Vopnahléið á að verða varanlegt.
23.10.2020 - 16:07
Leiðtogi Trípólístjórnarinnar hyggst hætta
Fayez al-Sarraj, forsætisráðherra alþjóðlega viðurkenndrar stjórnar í Líbíu, tilkynnti í sjónvarpsávarpi í gærkvöld að hann vildi láta af embætti eigi síðar en í lok næsta mánaðar. Sarraj hefur farið fyrir stjórninni í Trípólí síðan hún var mynduð fyrir fimm árum.
17.09.2020 - 09:53
Stjórn austurhluta Líbíu segir af sér
Stjórnvöld í austanverðri Líbíu sá sig knúin til að segja af sér í gær eftir hörð mótmæli. Abdallah al-Thani, forsætisráðherra, tilkynnti forseta þingsins í austurhluta landsins afsögnina. Mótmælaaldan hófst á fimmtudag, eftir að almennir borgara höfðu fengið nóg af sífelldu rafmagnsleysi, lausafjárskorti og háu eldsneytisverði.
14.09.2020 - 04:36
Flóttafólki loks hleypt í land eftir milliríkjadeilur
Hópur flóttafólks sem hefur verið á sjó í meira en 40 daga var hleypt á land á Ítalíu í gærkvöld, eftir að hafa freistað þess að komast frá Líbíu og yfir Miðjarðarhafið til Evrópu. Fólkinu var bjargað um borð í danskt skip, sem síðan var meinað að leggjast að bryggju í þremur ríkjum.
13.09.2020 - 08:48
Erlent · Afríka · Evrópa · Miðjarðarhaf · Ítalía · Malta · Líbía
Flóttafólk á Miðjarðarhafi flutt milli skipa
Flóttafólk sem þurfti að hafast við í rúman mánuð um borð í einu skipa danska Maersk skipafélagsins hefur verið flutt yfir í skip á vegum mannúðarsamtaka. Þar á að veita fólkinu læknisaðstoð.
Innanríkisráðherra Líbíu sagt upp
Innanríkisráðherra alþjóðlega viðurkenndra stjórnvalda í Líbíu var vikið tímabundið úr starfi í gærkvöld vegna árása vopnaðra sveita á friðsama mótmælendur í síðustu viku. Í yfirlýsingu stjórnvalda segir að rannsókn sé hafin á ummælum hans um mótmæli og atburði í Tripoli og öðrum borgum. 
29.08.2020 - 03:31
Samkomulag um vopnahlé í Líbíu
Stríðandi fylkingar í Líbíu hafa náð samkomulagi um vopnahlé og að hefja undirbúning að kosningum í landinu. Forsvarsmenn þeirra gáfu út yfirlýsingar þess efnis í morgun.
21.08.2020 - 12:02
45 fórust undan ströndum Líbíu
45 farandverkamenn og flóttafólk fórust undan ströndum Líbíu á mánudag.
Flugvöllurinn í Trípólí opnaður að nýju
Fyrstu þotur annarra flugfélaga en líbanska flugfélagsins Lybian Air tóku á loft frá Mitiga-flugvellinum í Trípólí á sunnudaginn. Undanfarna fjóra mánuði hefur flugvöllurinn verið nánast lokaður sökum átaka og útgöngubanns vegna útbreiðslu kórónuveirunnar.
11.08.2020 - 13:55
Rússar og Tyrkir hvetja til vopnahlés
Rússar og Tyrkir hafa sammælst um að þrýsta á deilendur í Líbíu að semja um vopnahlé. Öryggisráðgjafi Receps Tayyips Erdogans Tyrklandsforseta greindi frá þessu í morgun.
23.07.2020 - 08:46
Egypska þingið heimilar hernað í Líbíu
Egypska þingið samþykkti í gær að herinn fengi heimild til hernaðaraðgerða utan landamæra ríkisins. Ástæðan er aukin spenna í grannríkinu Líbíu.
21.07.2020 - 08:25
Egyptar fá grænt ljós í Líbíu
Þingið í Benghazi í Líbíu samþykkti í morgun að Egyptar gætu tekið beinan þátt í hernaðinum í landinu til að bregðast við aukum áhrifum Tyrkja, sem styðja alþjóðlega viðurkennda stjórn í Trípólí. Þetta er talið auka hættu á átökum milli erlendra herja í Líbíu.
14.07.2020 - 12:03
Erlend afskipti í Líbíu hafa „náð áður óþekktum hæðum“
Antonio Guterres, aðalframkvæmdastjóri Sameinuðu þjóðanna, greindi Öryggisráði samtakanna frá því í gærkvöld að borgarastríðið í Líbíu væri komið á annað og enn alvarlegra stig en áður, þar sem „erlend afskipti hafa náð áður óþekktum hæðum." Borgarastyrjöld hefur geisað - með mislöngum hléum - allar götur síðan Muammar Gaddafi var steypt af stóli með aðstoð herja Atlantshafsbandalagsins árið 2011.
09.07.2020 - 05:52
Egyptar hóta beinu inngripi í Líbíu
Egyptar hótuðu í gær beinum afskiptum af átökum í nágrannaríkinu Líbíu. Líbísk stjórnvöld, sem eru viðurkennd af Sameinuðu þjóðunum, fordæma viðbrögð nágranna sinna og segja þau ógna þjóðaröryggi sínu.
21.06.2020 - 02:04
Líbía: Samþykkja viðræður um vopnahlé
Stríðandi fylkingar í Líbíu hafa fallist á að hefja á ný viðræður um vopnahlé. Stephane Dujarric, talsmaður Sameinuðu þjóðanna, greindi frá þessu í gær.
04.06.2020 - 08:50
Flogið með málaliða frá Bani Walid
Allt að sextán hundruð rússneskir málaliðar hafa flúið frá átakasvæðum í kringum Trípólí, höfuðborg Líbíu, og verið fluttir þaðan burt.
26.05.2020 - 09:36
Rússneskir hermenn Haftars hörfa frá Tripoli
Eftir að líbíski stjórnarherinn náði til baka svæðum af sveitum Khalifa Haftars var rússneskum málaliðum í sveit Haftars flogið á brott. Al Jazeera segir rússnesku hermennina hafa verið senda til Jufra, svæðis í miðju landi sem sveit Haftars, LNA, hefur yfirráð yfir. Flótti Rússanna er sagður enn eitt áfallið fyrir LNA eftir ósigra liðinna vikna gegn stjórnarhernum, GNA. 
25.05.2020 - 04:34
Sveitir Haftars hörfa
Sveitir líbíska stríðsherrans Khalifa Haftar hurfu með lið sitt frá hverfum í útjaðri höfuðborgarinnar Trípólí í nótt, en þar hefur nánast verið pattstaða í bardögum milli þeirra og sveita alþjóðlega viðurkenndrar stjórnar í Líbíu undanfarna mánuði.
19.05.2020 - 09:16
Býður vopnahlé í Líbíu það sem eftir lifir Ramadan
Líbíski stríðsherrann Khalifa Haftar lýsti því yfir í gær að hersveitir hans væru reiðubúnar að hvíla vopnin það sem eftir lifir Ramadan, hins heilaga föstumánaðar múslíma, sem byrjaði hinn 24. þessa mánaðar.
30.04.2020 - 06:42
Segir samkomulag heyra sögunni til
Líbíski stríðsherrann Khalifa Haftar segir að samkomulag sem gert var í Líbíu fyrir milligöngu Sameinuðu þjóðanna árið 2015 og miðaði að sátt milli fylkinga og þjóðarbrota í landinu heyrði nú sögunni til. Hann kveðst leggja áherslu á myndun nýrrar ríkisstjórnar í Líbíu, en andstæðingar hans segja að úti sé um tilraun hans til að leggja landið undir sig.
28.04.2020 - 11:49
Hart sótt að hersveitum Haftars í Líbíu
Her Trípólístjórnarinnar í Líbíu og sveitir hliðhollar henni sækja nú hart að her stríðsherrans Khalifa Haftar, sem hann kallar Líbíska þjóðarherinn. Trípólístjórnin, sem Sameinuðu þjóðirnar og mikill meirihluti ríkja heims viðurkennir sem réttmæta valdhafa í Líbíu, tilkynnt í gær að hersveitir hennar hefðu fellt átta liðsmenn Haftars í sókn sinni gegn her hans í vesturhluta landsins.
19.04.2020 - 06:20
Óttast afleiðingar COVID-19 fyrir flóttafólk í Líbíu
Sérfræðingar Sameinuðu þjóðanna og hjálparstofnana vara við hættunni sem vofir yfir um 700.000 flóttamönnum og farandfólki á hrakhólum í Líbíu í heimsfaraldrinum, ofan á þær „ólýsanlegu hörmungar sem fólkið hefur þegar mátt þola.
05.04.2020 - 04:14
Friðarviðræður út um þúfur eftir árás á Trípólíhöfn
Alþjóðlega viðurkennd ríkisstjórn Líbíu hyggst hætta þátttöku í friðarviðræðum stríðandi fylkinga, sem hófust á ný í Genf í gærmorgun. Stjórnin tilkynnti þetta síðdegis á þriðjudag, skömmu eftir að fregnir bárust af árás viðsemjenda þeirra á höfnina í Trípólíborg, þar sem ríkisstjórnin er með höfuðstöðvar sínar. Sú árás var gerð einungis örfáum klukkustundum eftir að fulltrúar hinna stríðandi fylkinga settust aftur að óbeinum samningaviðræðum í Genf, með milligöngu erindreka Sameinuðu þjóðanna
19.02.2020 - 02:21
Árangurslausar viðræður um frið í Líbíu
Óbeinum viðræðum fulltrúa stríðandi fylkinga í Líbíu, með milligöngu erindreka Sameinuðu þjóðanna, lauk í gær án þess að nokkuð þokaði í samkomulagsátt.
09.02.2020 - 03:06
Rætt um vopnahlé í Líbíu
Stríðandi fylkingar í Líbíu hafa í megindráttum fallist á vopnahlé, en skilyrði þeirra liggja þó enn ekki fyrir. Þetta sagði Ghassan Salame, erindreki Sameinuðu þjóðanna í málefnum Líbíu, í morgun. 
04.02.2020 - 13:43