Sóttvarnalæknir segir margt enn á huldu með bóluefni gegn kórónuveirunni. Ekki sé ljóst hvort það sé öruggt og hvort unnt verði að fjöldaframleiða það svo allir fái. Þess þurfi líklega að bíða í eitt til tvö ár.

Rannsókn á langvinnum áhrifum COVID-19 er nú í undirbúningi hér á landi og stefnt að því að hún hefjist í haust. Viðbrögð við faraldrinum hérlendis eru sögð skapa kjöraðstæður til að rannsaka betur eðli sjúkdómsins.

Guðlaugur Þór Þórðarson utanríkisráðherra í dag af sér mynd vel plástruðum á nefinu á Facebook síðu sinni með orðunum: „Gekk á bíl og hélt á Mána inn í bíl“.

Hátt á annað hundrað aldraðir einstaklingar, liggja nú á ýmsum deildum Landspítala og bíða eftir að komast á hjúkrunarheimili. Sjö rúma biðdeild fyrir þennan hóp var opnuð á Grensás í síðustu viku, hún dugar engan veginn til og Páll Matthíasson forstjóri spitalans segir að nú sé verið að leita allra leiða til að leysa vandann.

Ef starfsfólk Landspitalans fer til útlanda þarf það að fara í sóttkví í frítíma sínum.

Landspítali mun margfalda afkastagetu sína með nýrri greiningaraðferð þar sem nokkur sýni eru sett saman í eitt. Aðferðin er ásættanleg þegar smithlutfall er lágt líkt og er í skimun á landamærum. Yfirlæknir er bjartsýnn á að geta að fullu tekið við af Íslenskri erfðagreiningu á þriðjudag en segist geta leitað til Íslenskrar erfðagreiningar ef upp komi vandræði.

Líkurnar á rangri niðurstöðu við greiningu sýna með nýrri aðferð eru hverfandi en afkastageta veirufræðideildar margfaldast, að sögn forstöðumanns rannsóknarþjónustu Landspítalans. Eftir að stjórnvöld hafi falið Landspítalanum verkefnið í gær hafi tekist að finna leiðir til þess að láta það ganga upp í tæka tíð.

Smit í tveimur konum sem greindust fyrst með kórónuveirusmit viku eftir komuna til landsins hafa valdið innanlandssmitum. Þegar hefur hópsmit verið staðfest vegna konunnar sem kom fyrr til landsins. Konan, sem kom síðar til landsins hefur nú smitað fjóra og því virðist sem upp sé komin hópsýking. Níu hælisleitendur eru í sóttkví í farsóttarhúsinu.

Álagsgreiðslur til starfsmanna Landspítalans sem voru í framlínunni í COVID-19 faraldrinum geta numið allt að 250 þúsund krónum. Allir starfsmenn Heilbrigðisstofnunar Vestfjarða fá sömu upphæð, 95 þúsund krónur. Flestir heilbrigðisstarfsmenn fá greiðslur nú um mánaðamótin. Á sjúkrahúsinu á Akureyri verður greitt út 1. ágúst.

Skimanir fyrir brjóstakrabbameini munu ekki falla niður og ekkert rof verður í þjónustu að því er fram kemur í tilkynningu frá heilbrigðisráðuneytinu og Landspítalanum.

Páll Matthíasson, forstjóri Landpítala, segir að í áhættumati spítalans vegna fyrirhugaðrar opnunar landamæranna 15. júní, hafi komið fram ákveðnar áhyggjur. Vilji þurfi að vera til að breyta þeim áætlunum, ef þörf krefji. Starfsfólk spítalans sé langþreytt eftir mikið álag í tengslum við COVID-19 faraldurinn og ekkert megi út af bregða. 

Engar ákvarðanir hafa verið teknar af hálfu heilbrigðisráðuneytisins um hvernig eigi að bregðast við biðlistum eftir aðgerðum í kjölfar COVID-19 faraldursins. Fjallað er um málið í Fréttablaðinu, sem segir annaðhvort þurfa aukið fjármagn til Landspítala eða að fela öðrum verkefnin.