Færslur: Krabbameinsleit

Myndskeið
Biðinni fylgir mikil óvissa og óöryggi
Kona sem greindist með alvarlegar frumubreytingar í leghálsi á síðasta ári segir mikið óöryggi fylgja því að þurfa að bíða mánuðum saman eftir niðurstöðu úr leghálsskimun. Sýni hennar er eitt af 2000 sem liggja í kassa hjá heilsugæslunni á höfuðborgarsvæðinu. 
Viðtal
Brátt verði leghálsgreiningarfyrirkomulag viðunandi
Sýni úr krabbameinsleit í leghálsi hafa beðið í rúma tvo mánuði eftir greiningu. Ráðherra segir að þetta verði komið í viðunandi horf innan tíðar. Fyrirkomulag sem verið sé að koma á laggirnar verði mjög gott.
Ógn við heilsu kvenna
Fæðinga- og kvensjúkdómalæknar segja það ógna heilsu kvenna að ekki hafi verið greind sýni úr leghálsskimun í rúma tvo mánuði. Slæmt sé að það kerfi sem taka átti við af leitarstöð Krabbameinsfélagsins um áramót sé ekki tilbúið. Sýni frá því í nóvemberbyrjun hafi því ekki verið greind.
16.01.2021 - 12:43
Viðtal
„Það átti bara að kynna þetta betur“
Það var hárrétt ákvörðun hjá heilbrigðisráðherra að fresta því að hækka aldursmörk í brjóstaskimun. Þetta segir Thor Aspelund, formaður skimunarráðs Landspítala og prófessor í líftölfræði. Ráðið lagði sjálft til að konur kæmu ekki í skimun fyrr en eftir fimmtíu ára afmælisdaginn. Ákvörðunin hefur verið gagnrýnd og undirskriftum safnað gegn henni. 
Allt að fjögurra mánaða bið hjá Krabbameinsfélaginu
Bíða þarf allt að fjóra mánuði frá leghálskrabbameinsskimun þangað til niðurstaða fæst. Yfirlæknir Leitarstöðvar Krabbameinsfélagsins segir þetta óvenjulanga bið og hún skýrist af miklu álagi við að endurskoða eldri sýni. 
Þrjár konur fara fram á skaðabætur vegna skimana
Þrjár konur, sem telja sig hafa fengið ranga niðurstöðu úr leghálsskimun hjá Krabbameinsfélaginu, hyggjast fara fram á skaðabætur frá Krabbameinsfélaginu. Lögmaður kvennanna hefur nú á sínu borði mál þriggja kvenna sem telja sig hafa fengið rangar niðurstöður úr brjóstaskimun. 
Fékk ekki niðurstöðuna fyrr en sjö árum síðar
Kona, sem fór í leghálsskimun hjá Leitarstöð Krabbameinsfélagsins árið 2013 án athugasemda, greindist með krabbamein í legi tveimur árum síðan. Nýverið bað hún um að sjö ára gamalt sýni sitt yrði endurskoðað en í því voru frumubreytingar. Henni var sagt að ekki hefði náðst í hana á sínum tíma til að láta hana vita af niðurstöðunum.
Mikil ábyrgð fylgir krabbameinsskimunum
Illa ígrunduð krabbameinsskimun getur valdið meiri skaða en ávinningi. Alltaf þarf að gæta að því að skaðinn sé ekki meiri en ávinningurinn. Það mat getur verið bæði vísindalega og siðferðilega flókið.
Þarf að kalla fleiri konur í nánari skoðun en talið var
Krabbameinsfélagið þarf að kalla fleiri konur inn til frekari skoðunar en í fyrstu var talið, vegna endurskoðunar á um sex þúsund sýnum vegna mistaka sem komu upp á leitarstöð félagsins.
Málum fimm kvenna vísað til Landlæknis
Málum tveggja kvenna verður vísað til Embættis landlæknis til skoðunar og frekari rannsóknar eftir helgi vegna grunsemda um mistök í skimun fyrir leghálskrabbameini hjá Krabbameinsfélagi Íslands. Þar með verða fimm slík mál á borði landlæknis, tveimur hefur þegar verið vísað þangað og í dag eða á morgun stendur til að vísa því þriðja til embættisins.
Fleiri konur vilja koma í skimun
Álag hefur aukist hjá Leitarstöð Krabbameinsfélags Íslands undanfarna daga og vikur eftir að málefni félagsins komust til umfjöllunar. Þetta segir Sigríður Sólan Guðlaugsdóttir upplýsingafulltrúi Krabbameinsfélagsins. Hún segir að þegar málefni Leitarstöðvarinnar séu til umræðu aukist ásókn kvenna í skimun.
Meta skaðabætur vegna Krabbameinsfélagsins
Mál konu, sem fékk þær niðurstöður úr leghálsskimun árið 2018 að ekkert væri athugavert, en greindist síðar með krabbamein er nú til meðferðar hjá tryggingafélagi Krabbameinsfélagsins þar sem mat verður lagt á hugsanlegar skaðabætur.
Vísbendingar um brotalamir í skimunum í mörg ár
Vísbendingar eru um að mistök hafi verið gerð við greiningu krabbameinssýna hjá Krabbameinsfélaginu í mörg ár. Þetta segir Sævar Þór Jónsson, lögmaður Hann hefur fengið um 20 fyrirspurnir vegna hugsanlegra rangra niðurstaðna úr leghálsskimunum og er með fimm mál til meðferðar. Tveimur málum verður vísað til Landlæknis til skoðunar á næstu dögum. Eitt þeirra varðar konu sem fór í krabbameinsskimun 2013 sem gaf tilefni til nánari skoðunar sem ekki var gerð. Konan er nú látin.
Viðtal
Landlæknir: Myndi ekki hika við að mæta í skimun
Alma Möller landlæknir sagði í sjónvarpsfréttum að skjal sem Sjúkratryggingar fundu í gær séu óklárað vinnuskjal þar sem gæti misskilnings. Þar sé einnig að finna atriði sem Krabbameinsfélag Íslands hefði leiðrétt ef það hefði fengið tækifæri til þess. Hún sagði að aðstoða þyrfti þær konur sem kynnu að hafa orðið fyrir skaða vegna mistaka við krabbameinsleit en ítrekaði um leið mikilvægi þess að konur færu í skimun.
Landlæknir: Skjalið var ófullbúið vinnugagn
Það er mat landlæknis eftir sameiginlega yfirferð með Sjúkratryggingum Íslands og Krabbameinsfélaginu að engar upplýsingar séu í níu blaðsíðna gagni sem unnið var í desember árið 2017 af greiningardeild Sjúkratrygginga og varðar mælingar og markmið þjónustusamnings við Krabbameinsfélagið sem kalli á viðbrögð heilbrigðisyfirvalda umfram þá skoðun sem þegar er hafin hjá embætti landlæknis.
Hafa farið yfir þriðjung sýnanna 6.000
Leitarstöð Krabbameinsfélags Íslands hefur nú farið yfir rúman þriðjung af þeim 6.000 sýnum sem ákveðið var að endurskoða eftir að í ljós kom að mistök höfðu verið gerð við greiningu hluta þeirra. 
Krabbameinsfélagið krefst að fréttir verði fjarlægðar
Krabbameinsfélagið krefst þess að fréttir, þar sem starfsmaður, sem gerði mistök við greiningu leghálssýnis, er nafngreindur verði fjarlægðar. Starfsmaðurinn kom fram undir nafni í viðtali við Mannlíf í gær og birtist fréttin í kjölfarið í fleiri fjölmiðlum. Mistökin urðu til þess að leghálskrabbamein konu á fimmtugsaldri greindist ekki og er það nú ólæknandi. 
Vildu auka eftirlit með krabbameinsskimunum
Skimunarráð lagði til við heilbrigðisráðherra fyrir einu og hálfu ári að krabbameinsskimun hér á landi yrði í samræmi við Evrópustaðla og að óháðir aðilar hefðu eftirlit með henni. Ekki var farið að tillögunum og eftirlit var ekki aukið.
Sjúkratryggingar hafa ekki afhent gögnin
Sjúkratryggingar Íslands hafa ekki afhent Krabbameinsfélaginu gögn sem vísað var til í Kastljósi RÚV síðastliðið fimmtudagskvöld. Þar sagði Tryggvi Björn Stefánsson læknir og fulltrúi Sjúkratrygginga að gæðaeftirliti og gæðaskráningu í leitarstarfi félagsins hefði verið verulega ábótavant. Krabbameinsfélagið krafðist þess um helgina að fá gögnin afhent í síðasta lagi á hádegi í dag að öðrum kosti hefði það veruleg áhrif á starfsemi Leitarstöðvarinnar.
Segir viðbrögðin skelfileg og siðlaus
Viðbrögð forsvarsmanna Krabbameinsfélags Íslands við mistökum við skimun eru skelfileg og siðlaus, að mati Álfheiðar Ingadóttur, fyrrum heilbrigðisráðherra.
„Ábyrgðin liggur hjá Leitarstöð Krabbameinsfélagsins“
„Eftir á að hyggja hefðum við sennilega átt að grípa til aðgerða fyrr,“ segir Ágúst Ingi Ágústsson, yfirlæknir og sviðsstjóri leitarsviðs Krabbameinsfélags Íslands. „Ábyrgðin liggur hjá Leitarstöð Krabbameinsfélagsins.“
03.09.2020 - 20:17
Mál sjö kvenna á borði Sævars
Sævar Þór Jónsson, lögmaður konu sem hyggur á skaðabótamál við Krabbameinsfélagið vegna rangrar niðurstöðu úr leghálssýnatöku, hefur fengið sjö fyrirspurnir vegna sambærilegra mála. Tvær þeirra eru frá aðstandendum kvenna sem látist hafa úr krabbameini og ein frá aðstandendum konu sem er langt leidd af krabbameini.
„Skiljanlega hefur málið vakið upp ótta meðal margra“
Fjöldi kvenna hefur haft samband við Leitarstöð Krabbameinsfélagsins síðustu daga, eftir að í ljós kom að fjölmargar konur fengu ranga niðurstöðu um frumubreytingar í leghálsskoðun hjá félaginu árið 2018. Þetta kemur fram í tilkynningu sem Krabbameinsfélagið sendi frá sér í kvöld. Þar segir að verið sé að kalla inn auka starfsfólk til að flýta vinnu við að endurskoða sýni. Skiljanlegt sé að málið hafi vakið upp ótta meðal margra.
Mikilvægt að konur haldi áfram að fara í skimanir
Það er eðlilegt að upp hafi komið ótti og óöryggi hjá konum eftir að fréttir bárust af því að að minnsta kosti 30 konur hefðu fengið ranga niðurstöðu í skimun á leghálskrabbameini. Mikilvægt sé að þær konur, sem hafi farið í leghálsskimun, og vantreysti niðurstöðunum, leiti sér aðstoðar. Þetta segir Hulda Hjálmarsdóttir framkvæmdastjóri Krafts, stuðningsfélags fyrir ungt fólk sem greinst hefur með krabbamein.
Tugir kvenna fengu ranga niðurstöðu úr leghálsskoðun
Að minnsta kosti 30 konur fengu ranga niðurstöðu um frumubreytingar í leghálsskoðun hjá Krabbameinsfélaginu árið 2018. Málið er rakið til mistaka starfsmanns sem uppgötvuðust í sumar eftir að kona um fimmtugt greindist með ólæknandi krabbamein. Koma hefði mátt í veg fyrir það ef konan hefði fengið rétta niðurstöðu fyrir tveimur árum. Krabbameinsfélagið vinnur nú að því að endurskoða um 6.000 sýni.