Íslandsbanki og Seðlabanki Íslands undirrituðu í dag samning um að fyrrnefndi bankinn veiti brúarlán til fyrirtækja í samræmi við aðgerðir stjórnvalda til að koma til móts við fyrirtæki vegna efnahagslegra afleiðinga kórónuveirufaraldursins.

Íslandsbanki tapaði 1,4 milljörðum króna á fyrsta ársfjórðungi þessa árs. Bankinn hagnaðist um 2,6 milljarða á sama tímabili í fyrra. Arðsemi eigin fjár var neikvæð um sem nemur 3% á fyrstu þremur mánuðum ársins, en hún var jákvæð um 5,9% á sama tímabili í fyrra. Birna Einarsdóttir bankastjóri segir að kórónuveirufaraldurinn hafi haft sitt að segja um þessa þróun.

Stjórnendur Íslandsbanka og Arion banka segja útlán hafa aukist hjá bönkunum. Hagnaður Arionbanka var 1,1 milljarður en stjórnin ætlar að greiða 10 milljarða í arð. Ástæðan er sú að bankinn vill lækka eigið fé, segir fjármálastjórinn. 

Bankastjóri Íslandsbanka segir það af og frá að í nýrri markaðsstefnu bankans, þar sem meðal annars verður horft til kynjahlutfalls innan fjölmiðla við auglýsingakaup, felist viðskiptaþvinganir. Hún viðurkennir þó að bankinn hefði mátt skýra málið betur.

Blaðamannafélag Íslands segir það fráleita aðför að ritstjórnarlegu sjálfstæði fjölmiðla að Íslandsbanki ætli að hætta viðskiptum við þá fjölmiðla sem ekki standast tiltekin skilyrði um kynjahlutföll á þáttagerðarmönnum og viðmælendum. Í tilkynningu frá félaginu kemur fram að slík aðgerð þjóni ekki hagsmunum jafnréttisbaráttunnar og jafnframt verði að gera þær kröfur til banka í eigu almennings að vandað sé betur til verka.

Ríkið er svo gott sem eini eigandi Landsbankans og á Íslandsbanka að fullu. Fyrir nokkrum vikum sagði fjármálaráðherra að hann vænti þess að fljótlega kæmi tillaga frá Bankasýslu ríkisins sem fer með eignarhluti ríkisins um sölu þeirra. Á Alþingi var sérstök umræða að ósk Oddnýjar Harðardóttur, Samfylkingu um sölu á hlut ríkisins í bönkunum og henni finnst ekki komið að því að selja. Gylfi Magnússon dósent segir kannski ekki hlaupið að því að finna kaupenda.

Bankasýslan er tilbúin með tillögu til fjármála- og efnahagsráðherra um hvernig eigi að standa að sölu ríkisins á Íslandsbanka. Beðið er eftir heppilegri tímasetningu til þess að leggja hana fram svo hún fái eðlilega afgreiðslu.

Hundrað starfsmenn Arion banka misstu vinnuna í dag. Fleiri hafa ekki misst vinnuna í einu hjá fjármálafyrirtæki síðan haustið 2008. Hugsanlega verður árið í ár stærsta hópuppsagnaárið frá hruni. Forstjóri Vinnumálastofnunar telur að botninum sé ekki alveg náð. Hún skrifar hópuppsagnirnar nú á efnahagsástandið og aukna sjálfvirknivæðingu. 

Stjórn Bankasýslu ríkisins fer nú yfir skýringar stjórna Landsbankans og Íslandsbanka um launahækkanir bankastjóra. Þær hafa verið gagnrýndar, til dæmis af fjármálaráðherra, forsætisráðherra og verkalýðsforystunni. Mánaðarlaun bankastjóra Landsbankans eru 3,8 milljónir og hafa hækkað um 1,7 milljón síðan árið 2017. Bankastjóri Íslandsbanka fær greiddar 4,4 milljónir króna á mánuði.

Hagnaður Íslandsbanka var 10,6 milljarðar króna í fyrra og er það verri afkoma en árið 2017 þegar hagnaður bankans var 13,2 milljarðar. Birna Einarsdóttir bankastjóri segir afkomu bankans hafa verið ágæta en að erfiður rekstur dótturfélaga hafi dregið úr afkomunni.

Bankasýsla ríkisins óskar eftir upplýsingum frá bankaráði Landsbankans hf. og stjórn Íslandsbanka hf. um launamál bankastjóra. Þetta kemur fram í tilkynningu á vef bankasýslunnar. Stofnunin fer með 98,2% eignarhlut í Landsbankanum hf. og 100% eignarhlut í Íslandsbanka fyrir hönd ríkissjóðs. Bjarni Benediktsson fjármálaráðherra hefur einnig sent stjórnum fyrirtækja í ríkiseigu bréf vegna launaákvarðana.

Gylfi Zoega, prófessor í hagfræði og í peningastefnunefnd Seðlabanka Íslands, telur að óþarflega há laun bankastjórnenda, ólæsilegar verðskrár banka og aukin áhersla á rafræn viðskipti séu ekki til þess fallin að auka traust almennings á bankakerfinu.