Færslur: Heimskviður

Heimskviður
Bin Salman, blóð, peningar og Newcastle United
Ímyndaðu þér tilfinninguna. Þú hefur haldið með einu ákveðnu fótboltaliði, alla ævi. Ár eftir ár kaupirðu ársmiða á alla heimaleikina, og ferðast hundruð kílómetra í útileiki, og jafnvel til útlanda, til að horfa á liðið þitt spila. Liðið, sem hefur allan þennan tíma, alla þína hunds- og kattartíð, ekki getað neitt. Allavega ekki unnið neina titla, þótt inn á milli eigi það góða spretti. En þrátt fyrir vonbrigðin elskarðu ekkert heitar.
19.10.2021 - 08:30
Fréttaskýring
Kaflarnir sem eru ekki í sögubókunum
Þrátt fyrir að kynferðisofbeldi sé beitt í nær öllum hernaðarátökum hafa sárafáir dómar fallið fyrir slíka glæpi. Christina Lamb, yfirmaður erlendra frétta hjá The Sunday Times, hefur ferðast um allan heim og heyrt frásagnir þessara kvenna. Hún segir að lítið sem ekkert breytist í þessum efnum fyrr en stjórnvöld um allan heim láti sig málið varða, hingað til hefur þó alltaf eitthvað annað virst vera mikilvægara.
17.10.2021 - 08:30
Heimskviður
Hetjan sem var dæmd fyrir hryðjuverkastarfsemi
Hetjuleg framganga Paul Ruses­a­bag­ina á hörmungartímum þjóðar hans, Rúanda, varð hráefni í Hollywood-myndina Hotel Rwanda. Nú fyrir viku var hann svo dæmdur í 25 ára fangelsi fyrir hryðjuverkastarfsemi. Sjálfur segist hann fórnarlamb pólitískra ofsókna en aðrir segja hann sannarlega bera ábyrgð á árásum vopnaðra andspyrnuhreyfinga sem kostuðu níu mannslíf.
Heimskviður
Talíbanar í sókn á meðan Bandaríkjaher pakkar saman
Undanfarnar vikur og mánuði hafa talíbanar sótt í sig veðrið í Afganistan, á sama tíma og herlið Bandaríkjanna og annarra ríkja Atlantshafsbandalagsins undirbýr brottför frá landinu eftir nærri 20 ára hersetu.
Heimskviður
Hver er réttur fanga til ástarsambanda?
Danski þjóðarflokkurinn hefur lagt fram frumvarp sem myndi banna lífstíðardæmdum föngum að stofna til ástarsambanda við fólk utan veggja fangelsisins. Meðal þeirra sem mæla með slíkri lagasetningu er ung kona sem átti í sambandi við Peter Madsen þegar hún var sautján ára. Madsen sat þá í gæsluvarðhaldi fyrir morðið á blaðakonunni Kim Wall. Talsfólki fanga líst illa á tillöguna og segja hana geta aukið á vanlíðan þeirra.
Heimskviður
Hið þjáða andlit X-kynslóðarinnar
Á mánudaginn var voru liðin 27 ár frá því að bandaríski tónlistarmaðurinn Kurt Cobain svipti sig lífi. Hann var þá 27 ára að aldri og forsprakki einnar vinsælustu hljómsveitar heims. Hann var tákn heillar kynslóðar. En vanlíðanin var aldrei langt undan í lífi Cobains, bæði líkamleg og andleg.
11.04.2021 - 07:30
Heimskviður
Kosningar á Grænlandi
Grænlendingar ganga að kjörborðinu þriðjudaginn eftir páska. Boðað var til kosninga þó að kjörtímabilið renni ekki út fyrr en eftir rúmt ár, síðast var kosið á vormánuðum 2018. Bogi Ágústsson fjallar um grænlensk stjórnmál og ræðir við Kristjönu Guðmundsdóttur Motzfeldt sem þekkir afar vel til. Hún er ekkja Jonathans Motzfeldts, sem var meðal annars fyrsti formaður landsstjórnar Grænlands eftir að Grænlendingar fengu að hluta til stjórn eigin mála árið 1979.
Heimskviður
Lífseigur boðskapur Rauðhettu og úlfsins
Fjölmenn mótmæli fóru fram í Ástralíu og Bretlandi í síðustu viku. Þó aðskilin mál hafi orðið mótmælendum innblástur eiga þau sameiginlegt að snúast um ofbeldi á konum. Breskar konur hafa mótmælt því að geta ekki verið öruggar á götum úti og segja ólíðandi að konur eigi alltaf að hafa varann á vegna yfirvofandi ógnar, eins og í ævintýrinu um Rauðhettu og úlfinn.
Heimskviður
Allir menn forsætisráðherrans
Nýleg uppljóstrun Al Jazeera-fréttastofunnar leiddi í ljós samvinnu glæpasamtaka við öryggissveitir ríkisins í Bangladess. Aðalleikarar þessar sögu eru auk forsætisráðherra landsins fjórir bræður, sem eru ýmist hátt settir embættismenn eða ótíndir glæpamenn.
09.02.2021 - 08:00
Heimskviður
Engum borgið fyrr en öllum er borgið
Um fátt annað er talað þessa dagana en bóluefni gegn COVID-19. Bóluefnið er líklega eina raunhæfa leiðin úr úr faraldrinum sem hefur haft áhrif á líf nær allra jarðarbúa á árinu. Um tvö hundruð bóluefni hafa verið í þróun og í haust fóru að berast fréttir af því að nokkur hefðu gefið góða raun. Sums staðar er annað hvort byrjað að bólusetja eða þá að slíkt ferli er á næsta leyti. En hvernig verður staða fátækustu ríkja heims í kapphlaupinu um bóluefnin?
Heimskviður
Einstakt samstarf á Norðurslóðum og áhrifin af COVID
Norðurheimskautið er í hugum einhverra kannski bara Norðurpóllinn sjálfur, með tilheyrandi kulda og myrkri. Þetta svæði er hins vegar mun umfangsmeira en svo og hefur orðið sífellt mikilvægara í augum margra ríkja síðustu ár, ekki síst vegna bráðnunar heimskautaíssins. Þar er nú orðinn greiðari aðgangur að verðmætum náttúruauðlindum á borð við olíu og gas, og nýjar siglingaleiðir orðnar færar um Norður-Íshaf
Heimskviður
Útrýming á menningu heillar þjóðar
Kínversk stjórnvöld eru sökuð um að reyna að eyða menningu Úígúra þar í landi og að hafa í því skyni lokað eina milljón manns inni í fangabúðum. Þar er fólk neytt til að láta af trú sinni, læra að tala kínversku, og er refsað fyrir að eignast mörg börn. Þá eru einnig dæmi um að eftir vistina þar sé fólk sent í þrælkunarvinnu í verksmiðjum.
14.11.2020 - 07:01
Heimskviður
„Fjandsamlegur þeim sem kusu á móti honum“
Það hefur sjaldan verið lognmolla í kringum Donald Trump Bandaríkjaforseta. Hann er umdeildur og óútreiknanlegur og í þessi tæplega fjögur ár sem hann hefur setið á forsetastóli hefur sjaldan verið róleg stund í Hvíta húsinu. Forsetatíð hans hefur einkennst af átökum við fjölmiðla og pólitíska andstæðinga, sundrungu og nú síðast slælegum viðbrögðum við kórónuveirufaraldrinum. Bandarískt efnahagslíf var þó í blóma í byrjun árs. Heimsfaraldurinn átti hins vegar eftir að setja strik í reikninginn.
Heimskviður
Fá börnin í al-Hol að snúa heim til Svíþjóðar?
Í al Hol fangabúðunum í Sýrlandi hafast við um 60 þúsund konur og börn sem tengjast hryðjuverkasamtökunum Íslamska ríkinu. Þar af eru nær 35 þúsund börn undir 12 ára aldri, hverra foreldrar hafa eða höfðu tengsl við samtökin. Ástandið í búðunum er hræðilegt, þar lést 331 barn í fyrra. En hvaða framtíð bíður þessarra barna, sem mörg eru fædd eða eiga ættir að rekja utan Sýrlands? Meðal annars til Norðulandanna.
Heimskviður
Uppgjörið við Franco
Í fyrra voru liðin 80 ár frá lokum borgarastríðsins á Spáni. Það stóð í 3 ár og var blóðugt og sorglegt. Við tók 36 ára valdatíð Francos einsræðisherra, sem var ekki síður blóðug. Þjóðinni hefur tekist vel að feta einstigið frá einræði til lýðræðis, en svo virðist sem mikið uppgjör eigi sér nú stað við valdatíð Francos. Heimskviður brugðu sér til Sánar og tóku uppgjörið við Franco-tímann fyrir í síðasta þætti.
27.09.2020 - 08:30
Heimskviður
Er íbúum Egyptalands óhætt að gagnrýna forsetann?
Hvernig taka stjórnvöld í Egyptalandi á andstæðingum sínum? Getur verið að fólk sé raunverulega í hættu þar í landi eingöngu vegna stjórnmálaskoðana sinna? Rannsakandi hjá Mannréttindavaktinni segir fráleitt að halda öðru fram.
26.09.2020 - 07:00
Heimskviður
Ræðan sem ýtti af stað annarri #metoo-bylgju
Önnur #metoo-bylgja ríður nú yfir Danmörku. Á annað þúsund konur í fjölmiðlum þar í landi lýsa yfir stuningi við nýlega frásögn Sofie Linde af áreitni og misrétti í starfi sínu. Allir virðast sammála um að kynbundið misrétti og áreitni eigi ekki að viðgangast í Danmörku en það virðist hægara sagt en gert að uppræta það.
22.09.2020 - 07:00
Heimskviður
Héraðskosningar í skugga eitrunar og mótmæla
Héraðskosningar fara fram í Rússlandi um helgina í skugga mikilla mótmæla í nágrannaríkinu Hvíta-Rússlandi, og einnig í skugga eitrunar helsta andstæðings forsetans, Alexey Navalny. Það er því loft lævi blandið og margir nýir flokkar sem hafa viljað bjóða fram en ekki fengið blessun stjórnvalda. Í nýjasta þætti Heimskviða fjallar Dagný Hulda Erlendsdóttir um málið og segir okkur einnig frá stjórnmálaferli Navalnys, sem spannar yfir tuttugu ár.
13.09.2020 - 09:00
Heimskviður
Er NBA deildin pólitísk samtök?
Víða um heim hefur aukin krafa almennings félagslegt réttlæti birst í mörgum myndum, meðal annars í gegnum íþróttir. Það hefur ekki farið framhjá neinum að undanfarna mánuði hefur mikið gengið á í bandarísku samfélagi, ekki aðeins vegna útbreiðslu kórónuveirunnar þar í landi, heldur einnig vegna ofbeldis lögreglunnar gegn svörtu fólki.
06.09.2020 - 08:30
Heimskviður
Drepin vegna starfa sinna
Í vikunni hófust í París réttarhöld yfir mönnum sem sakaðir eru um aðild að skotárás á ritstjórnarskrifstofu franska blaðsins Charlie Hebdo fyrir fimm árum. Þau ellefu sem voru myrt í vinnunni þennan janúardag í París eru ekki einu blaðamennirnir sem ekki fá að snúa aftur heim eftir vinnu. Bara í ár hafa 17 fréttamenn látist vegna vinnu sinnar, meirihluti þeirra var myrtur.
05.09.2020 - 07:30
Heimskviður
Flokksþing Repúblikana og gjáin milli Bandaríkjamanna
Hvernig sem forsetakosningarnar í Bandaríkjunum fara í haust verður forsetatíð Donalds Trump lengi í minnum höfð. Hann er að byggja múr milli Bandaríkjanna og Mexíkó, hefur tekið harða afstöðu í innflytjendamálum, á stríði við fjölmiðla sem hann segir flytja falsfréttir, hefur tekið upp hanskann fyrir hvítum þjóðernissinnum og talað fyrir herðingu laga um þungunarrof, svo fátt eitt sé nefnt.
Heimskviður
Er poppprinsessan fangi í sínum eigin kastala?
Er Britney Spears fangi föður síns? Þessu trúa þau sem fylgja #FreeBritney-hreyfingunni. Í tólf ár hefur þessi heimsfræga tónlistarkona, sem er oft kölluð prinsessa poppsins, ekki haft yfirráð yfir fjármálum sínum né öðrum þáttum í eigin lífi. Faðir hennar hefur allan þennan tíma verið lögráðamaður hennar og nýjustu fregnir herma að hún vilji binda enda á það fyrirkomulag.
29.08.2020 - 07:30
Heimskviður
Umbrotatímar í Líbanon
Beirút, höfuðborg Líbanon, er þriðja stærsta borgin fyrir botni Miðjarðarhafs á eftir Amman í Jórdaníu og Aleppó í Sýrlandi, og sú fimmtánda stærsta í öllum Arabaheiminum. Hún iðaði af lífi í vikunni, sem og endranær. En andrúmsloftið í borginni er ekki gott, og það kemur loftslagsvánni ekkert við. Undanfarnir dagar hafa verið erfiðir fyrir íbúa Beirút, og Líbanon almennt. Það hafa síðustu vikur, misseri og ár líka verið.
27.08.2020 - 09:00
Heimskviður
Er Lukaschenka kominn á leiðarenda?
Síðustu dagar hafa vægast sagt verið róstursamir í Hvíta-Rússlandi, eftir forsetakosningarnar 9. ágúst. Eins og við var að búast fór Aleksander Lukaschenka, forseti síðustu 26 ára með sigur af hólmi. En líkt og áður, er talið fullvíst að brögð hafi verið í tafli og réttmætur sigurvegari sé hin 38 ára Svetlana Tsikhanouskaya. Ófremdarástand hefur ríkt í vikunni, yfir sex þúsund mótmælendur hafa verið handteknir, hundruðir slast og að minnsta kosti tveir látið lífið.
16.08.2020 - 09:00
Heimskviður
Órétti aldanna og klofin Ameríka
Síðustu daga og vikur hefur allt logað í Bandaríkjunum vegna morðsins á George Floyd, morðs sem varpar ljósi á rótgróið samfélagsmein sem hefur fengið að grassera í landinu allt frá stofnun þess.Í Heimskviðum er rætt um ofbeldi lögreglunnar gegn svörtu fólki í Bandaríkjunum, og þann djúpstæða klofning sem hefur einkennt bandarískt samfélag síðustu ár, klofning sem virðist vera að ná nýjum hæðum.
06.06.2020 - 07:30