Færslur: fossvogsskóli

Nemendur Fossvogsskóla úr einu mygluðu húsi í annað
Foreldrum nemenda í Fossvogsskóla barst tilkynning í morgun um að raki hefði mælst í Korpuskóla, þar sem börn þeirra hafa stundað nám vegna mygluskemmda á húsnæði Fossvogsskóla. Beðið er eftir niðurstöðum úr ræktun sýnanna, en þá kemur í ljós hvort mygla sé enn í húsinu. Mygla mældist í Korpuskóla snemma á síðasta ári, en talið var að húsnæðið væri orðið öruggt eftir viðgerðir og þrif.
03.01.2022 - 17:22
Framkvæmdir við Fossvogsskóla boðnar út
Borgarráð hefur samþykkt að bjóða út lagfæringar og endurbætur á Fossvogsskóla sem hefur verið með skerta starfsemi á undanförnum misserum vegna myglu. Frumkostnaðaráætlun gerir ráð fyrir að kostnaður við endurbætur og nútímavæðingu skólans verði rúmlega 1,6 milljarðar króna. Þetta kemur fram í tilkynningu frá borginni sem segir áætlað að nemendur geti stundað nám í Fossvogsdal frá og með haustinu 2022. 
04.11.2021 - 17:43
Segir fjölskyldur í Fossvogi í erfiðri stöðu
Foreldrar í Fossvogi eru þreyttir á röskun á skólastarfi vegna mygluskemmda. Starfsemi leikskólans Kvistaborgar færist tímabundið í Safamýri næsta þriðjudag þegar framkvæmdir hefjast í leikskólanum vegna rakaskemmda. Skólastarf Fossvogsskóla fer að hluta til fram í Korpuskóla og að hluta í húsnæði Hjálpræðishersins um þessar mundir af sömu ástæðu. Ástríður Viðarsdóttir, formaður foreldrafélags Kvistaborgar, hefur ekki síst áhyggjur af foreldrum sem eiga börn í báðum skólum.
16.09.2021 - 15:46
Fossvogsskóli
Kennsla fer fram í húsi Hjálpræðishersins
Niðurstaða könnunar sem Reykjavíkurborg lagði fyrir kennara og foreldra barna í 2. til 4. bekk Fossvogsskóla er skýr. Lýst var yfir miklum stuðningi við að skólastarf í þessum árgöngum færi fram í nýju húsnæði Hjálpræðishersins við Suðurlandsbraut.
Reykjavíkurborg leitar að öðru rými fyrir Fossvogsskóla
Fulltrúar skóla- og frístundasviðs Reykjavíkurborgar segjast ætla að kanna möguleika á betra kennslurými fyrir nemendur 2.-4. bekkjar í Fossvogsskóla. Kallað var til skólaráðsfundar síðdegis þar sem foreldrar lýstu þungum áhyggjum af fyrirhuguðum áætlunum um kennslu í tengibyggingu og kjallara í húsnæði knattspyrnufélagsins Víkings.
Nemendum Fossvogsskóla kennt í anddyri og kjallara
Foreldrafélag Fossvogsskóla sendi frá sér harðorða yfirlýsingu í morgun þar sem það segir viðbrögð borgaryfirvalda við húsnæðisvanda skólans hafa einkennst af dómgreindarleysi, seinagangi og úrræðaleysi. Nú hafa skólastjórnendur tilkynnt að nemendur í 2.-4. bekk muni hefja skólaárið í rými Víkingsheimilisins, sem börnin kalla yfirleitt „klósettganginn.“
Nemendur Fossvogsskóla keyrðir í Korpuskóla
Kennsla barna í 5.-7. bekk í Fossvogsskóla fer fram í Korpuskóla í Grafarvogi á komandi skólaári. Börnin verða flutt með rútu milli hverfanna. Börn í 1. til 4. bekk mun stunda sitt nám í Fossvogi. Fyrsti bekkur hefur nám sitt í húsnæði frístundar og eru viðræður í gangi um kennslu 2.-4. bekkjar í húsnæði knattspyrnufélagsins Víkings.
09.08.2021 - 17:07
Starfsemi Fossvogsskóla samþykkt í borgarráði
Tillaga að skipulagi skólastarfs Fossvogsskóla á næsta skólaári var samþykkt í borgarráði Reykjavíkur í dag. Í tillögunni er gert ráð fyrir að kennsla nemenda í 1.-4.bekk muni fara fram í tíu færanlegum kennsueiningum á skólalóð Fossvogsskóla. Kennsla barna í 5.-7.bekk mun þá fara fram í Korpuskóla en þar er öll aðstaða til staðar.
22.07.2021 - 21:42
„Er hægt að kalla slík vinnubrögð annað en fúsk?“
Fyrirhugað er að fyrsta til þriðja bekk Fossvogsskóla verði kennt í færanlegum stofum við skólann í haust. Hins vegar verður kennslu í fjórða til sjöunda bekk haldið áfram í Korpuskóla líkt og í vor. Formaður foreldraráðs er efins um að viðgerðum á húsnæði skólans ljúki fyrir haustið 2022 líkt og ætlunin er.
02.07.2021 - 13:09
Þungt hljóð í foreldrum vegna skýrslu Eflu
Þungt hljóð er í foreldrum nemenda við Fossvogsskóla eftir að skýrsla verkfræðistofunnar Eflu var birt í gær. Í skýrslunni kemur fram að gríðarmiklar viðgerðir þurfi til að gera húsið nothæft.
01.07.2021 - 07:25
Ráðast þarf í heildarendurbætur á Fossvogsskóla
Ráðast þarf í ítarlegar heildarendurbætur á húsnæði Fossvogsskóla svo koma megi í veg fyrir raka og mygluvanda. Skipulagning næsta skólaárs er þgar hafin.
29.06.2021 - 17:36
Viðgerðum ljúki í Fossvogsskóla áður en kennsla hefst
Foreldrar barna í Fossvogsskóla eru hugsi vegna hugmynda skólastjórans um að unnt verði að hefja kennslu þar á haustdögum. Í bréfi sem foreldrafélag skólans sendi foreldrum í vikunni var greint frá efasemdum skólaráðs um að takist að ljúka viðgerðum í tíma.
Kennsla gæti hafist í Fossvogsskóla seinni hluta ársins
Skólastjóri Fossvogsskóla telur möguleika á að í haust verði unnt að hefja kennslu í þeim hluta Fossvogsskóla sem gengur undir heitinu Austurland. Það geti þó dregist fram að áramótum. Foreldri nemenda við skólann segir þær fyrirætlanir óásættanlegar.
„Minn hugur er með foreldrum“ vegna Fossvogsskóla
Engin kennsla verður í húsnæði Fossvogsskóla næsta vetur þar sem ráðist verður í umfangsmiklar endurbætur vegna myglu og raka í byggingum skólans. Formaður skóla- og frístundaráðs Reykjavíkurborgar segir að hugur sinn sé hjá foreldrum vegna þess mikla róts sem hefur verið á skólastarfi barnanna.
Hefðu átt að taka fyrr í taumana í Fossvogsskóla
Engin kennsla verður í Fossvogsskóla næsta skólaár. Ráðast á í umfangsmiklar endurbætur á skólanum vegna rakaskemmdu og myglu. Nemendum Fossvogsskóla verður áfram kennt í Korpuskóla. Borgarfulltrúi Sjálfstæðisflokksins segir vinnubrögð í málinu óásættanleg. Betra hefði verið að jafna skólann við jörðu og byggja nýjan.
27.05.2021 - 08:16
Áætlun um framkvæmdir við Fossvogsskóla ekki tilbúin
Ekki liggur enn fyrir tímasett áætlun um framkvæmdir við Fossvogsskóla. Kennsla var flutt þaðan í Kelduskóla, sem einnig gengur undir heitinu Korpuskóli, í marslok eftir langvarandi viðureign við myglu og sveppagró.
Allt klárt fyrir kennslu í Korpuskóla
Búið er að gera við rakaskemmdir í Korpuskóla í Grafarvogi í Reykjavík. Nemendur úr Fossvogsskóla hefja þar nám á morgun. Upplýsingafulltrúi borgarinnar segir að finni börn fyrir myglueinkennum í Korpuskóla þurfi þau hugsanlega að skipta um skóla. 
06.04.2021 - 21:45
Unnið að viðgerðum á Korpuskóla yfir páskana
Unnið verður að viðgerðum á húsnæði Korpuskóla um páskana en við skoðun fundust skemmdir á gólfdúk, í veggjum og vaskaskápum. Ummerki fundust einnig um raka í loftum auk þess sem EFLA verkfræðistofa sem hefur eftirlit með framkvæmdunum gerir athugasemdir við frágang á gluggum, hurðum og í kringum niðurföll.
Myndskeið
Nemendur Fossvogsskóla fluttir í Grafarvoginn
Nemendur í Fossvogsskóla í Reykjavík byrjuðu skóladaginn í húsnæði Kelduskóla í Grafarvogi í morgun. Bæði skólastjóra og nemendum líst vel á breytinguna. Nemendur skólans verða fluttir með rútum til og frá skólanum á meðan þetta bráðabirgðaástand varir.
24.03.2021 - 19:29
Fossvogsskóli flytur í Korpuskóla
Börnum í Fossvogsskóla verður frá og með þriðjudeginum kennt í húsnæði Korpuskóla. Það stendur við Bakkastaði í Grafarvogi og hefur staðið ónotað síðan í fyrravor þegar þrír skólar í hverfinu voru sameinaðir í tvo. Helgi Grímsson sviðsstjóri skóla- og frístundasviðs Reykjavíkurborgar segir að vissulega verði langt fyrir börnin að fara í skólann, en enginn betri kostur hafi verið í stöðunni.
19.03.2021 - 16:42
Hætta kennslu í húsnæði Fossvogsskóla eftir helgi
Kennsla í Fossvogsskóla verður utandyra á morgun, en nýtt húsnæði verður fundið fyrir skólann um helgina. Foreldrar barna við skólann hafa krafist þess að skólayfirvöld rými húsnæðið vegna myglu og sveppagróa og segja margir að börn sín séu mjög veik eftir að hafa stundað nám í húsinu. Engin kennsla verður á föstudag og á mánudaginn hefst skólastarf svo í öðru húsnæði.
17.03.2021 - 21:57
„Flókið að færa skólastarf í bráðabirgðahúsnæði“
Skóla- og frístundasviði Reykjavíkurborgar hefur ekki borist svar frá Barnaspítala Hringsins um það hvort spítalinn geti veitt aðstoð við að meta heilsufar barna við Fossvogsskóla. Helgi Grímsson, sviðstjóri skóla- og frístundasviðs, segir sviðið vonast eftir því að heilbrigðisstarfsfólk geti haft yfirsýn yfir þau einkenni sem nemendur skólans hafa kvartað yfir og kunna að tengjast myglugró í húsnæði skólans. Á næstu dögum standi til að starfshópur meti ástandið á húsinu. 
15.03.2021 - 17:49
Borgin leitar til spítalans vegna myglu í Fossvogsskóla
Skóla- og frístundasvið Reykjavíkurborgar hefur nú leitað til Barnaspítala Hringsins um samstarf vegna heilsufars barna í Fossvogsskóla í kjölfar myglu í húsnæði skólans. Skólastjóri segir nokkuð um að foreldrar biðji um að börn þeirra séu ekki í tilteknum rýmum í skólanum. Tilkynnt hefur verið um einkenni hjá á þriðja tug barna.
Nokkrir foreldrar hafa tekið börn sín úr Fossvogsskóla
Foreldrar barna við Fossvogsskóla furða sig á að skýrsla Verkís um stofu 8 í skólanum skuli ekki enn hafa verið birt. Þar koma fram upplýsingar frá Náttúrufræðistofnun Íslands þess efnis að sveppinn kúlustrýnebba sé þar að finna í meira umfangi en búist var við.
12.03.2021 - 13:40
Starfshópi ætlað að greina ástand Fossvogsskóla
Starfshópur sérfræðinga frá verkfræðistofunni Verkís, umhverfis- og skipulagssviði Reykjavíkurborgar og foreldrafélagi Fossvogsskóla hefur verið myndaður vegna myglu í skólanum.