Færslur: forsetakosningar

Barrow endurkjörinn forseti í Gambíu
Adama Barrow var endurkjörinn forseti Vestur-Afríkuríkisins Gambíu í gær. Formaður yfirkjörstjórnar landsins tilkynnti um endurkjör Barrows í dag en hann hefur þegar setið eitt kjörtímabil.
05.12.2021 - 23:50
Forsetaframbjóðandi meiddist lítillega á kosningafundi
Forsetaframbjóðandinn franski Eric Zemmour slasaðist lítillega þegar ráðist var að honum á kosningafundi sem hann hélt síðdegis í dag. Átök brutust út meðal áhorfenda meðan Zemmour flutti ræðu sína.
Sonur Gaddafis fær að bjóða sig fram til forseta
Dómstóll í Líbíu hefur úrskurðað að Saif al-Islam Gaddafi megi gefa kost á sér í forsetakosningum sem fram undan eru í landinu. Hann er sonur Muammars Gaddafi fyrrverandi einræðisherra landsins sem uppreisnarmenn drápu árið 2011 í blóðugu borgarastríði.
Næsta öruggt að Castro verði næsti forseti Hondúras
Allt bendir til þess að Xiomara Castro, frambjóðandi vinstri flokka í nýafstöðnum forsetakosningum í Hondúras og fyrrverandi forsetafrú, verði fyrsta konan til að setjast á forsetastól í landinu. Þegar búið er að telja rúmlega helming atkvæða hefur Castro fengið rúm 53 prósent þeirra og er með nær 20 prósentustiga forskot á helsta keppinautinn, Nasry Asfura, frambjóðanda Þjóðarflokksins.
30.11.2021 - 01:17
Stefnir í stórsigur stjórnarandstæðings í Hondúras
Fyrstu tölur benda til þess að frambjóðandi stjórnarandstöðunnar í Hondúras muni vinna stórsigur í forsetakosningunum sem þar voru haldnar í gær. Samkvæmt þeim hefur Xiomara Castro öruggt forskot á Nasry Asfura, frambjóðanda Þjóðarflokksins, íhaldsflokks sem er með meirihluta á þingi. Þegar búið var að telja rúm 16 prósent atkvæða hafði Castro fengið 53,4 prósent þeirra en Asfura aðeins 34 prósent, segir í tilkynningu landskjörstjórnar.
29.11.2021 - 05:27
Vinstri og hægri glíma í forsetakosningum í Síle
Tveir frambjóðendur hvor á sínum enda pólítíska litrófsins í Síle hafa afgerandi forystu eftir að 65% atkvæða hafa verið talin í forsetakosningum sem fram fóru í dag.
Sjö sækjast eftir forsetaembætti í Síle
Sjö sækjast eftir forsetaembættinu í Suður-Ameríkuríkinu Síle en forsetakosningar verða haldnar í landinu næstkomandi sunnudag. Sömuleiðis verður kosið til neðri deildar þingsins og helmings öldungadeildarinnar.
Talning atkvæða hafin í Níkaragva
Kjörstöðum í Mið-Ameríkuríkinu Níkaragva var lokað á miðnætti að íslenskum tíma. Öruggt þykir að sitjandi forseti Daniel Ortega haldi völdum fjórða kjörtímabilið í röð. Bandaríkjaforseti er afar þungorður varðandi aðdraganda og framkvæmd kosninganna.
Helstu andstæðingar Ortega bak við lás og slá
Forsetakosningar hefjast á morgun sunnudag í Mið-Ameríkuríkinu Níkaragva. Allir helstu andstæðingar Daníels Ortega sitjandi forseta sitja bakvið lás og slá og því hefur alþjóðasamfélagið lýst kosningunum sem loddaraskap af hans hálfu.
Fleiri andstæðingar Ortega forseta Níkaragva ákærðir
Stjórnvöld í Mið-Ameríkuríkinu Níkaragva segjast munu ákæra þrjá forsetaframbjóðendur fyrir föðurlandssvik en í gær var tilkynnt um ákæru yfir þeim fjórða fyrir peningaþvætti.
Le Pen enn og aftur ákærður fyrir hatursorðræðu
Réttarhöld hefjast á morgun yfir Jean-Marie Le Pen stofnanda Þjóðfylkingarinnar í Frakklandi. Le Pen er ákærður fyrir hatursorðræðu í garð poppstjörnu af gyðingaættum en Le Pen hefur hlotið nokkra dóma í sambærilegum málum.
Tyrklandsforseti heitir bótum eftir hamfaraflóð
Hamfaraflóð í norðanverðu Tyrklandi hafa orðið 27 manns að bana. Flóðin skullu á skömmu eftir að náðist að hemja mikla skógarelda sem urðu átta að bana. Forseti landsins heitir því að íbúum verði að fullu bættur skaðinn.
13.08.2021 - 14:11
Hvíta-Rússland:Bandaríkin fækki í starfsliði sendiráðs
Hvítrússnesk stjórnvöld skipa Bandaríkjunum að fækka mjög í starfsliði sendiráðs þeirra í landinu í kjölfar hertra refsiaðgerða gegn Lúkasjenka forseta og stjórn hans. Forsetinn boðaði hefndaraðgerðir á blaðamannafundi fyrr í vikunni.
Fujimori forsetaframbjóðandi sleppur við varðhald
Dómari í Perú hafnaði í gær kröfu saksóknara um að hneppa forsetaframbjóðandann Keiko Fujimori í varðhald. Krafan byggir á því að hún átti í samskiptum við vitni í spillingarmáli sem rekið hefur verið gegn henni. Það var henni ekki heimilt að gera samkvæmt ákvæðum reynslulausnar.
Raisi fagnar sigri í forsetakosningum í Íran
Ebrahim Raisi telst réttkjörinn forseti múslímska lýðveldisins Írans en hann hlýtur um 62% greiddra atkvæða. Áður en úrslit lágu fyrir var Raisi hylltur sem sigurvegari jafnt af fráfarandi forseta og andstæðingum hans sem viðurkenndu ósigur.
Stefnir í innan við 40% kjörsókn í Íran
Kjörstöðum í Íran hefur verið lokað og talning hafin í forsetakosningum þar sem talið er líklegast að íhaldsmaðurinn Ebrahim Raisi sigri. Áhugi á kosningunum virðist í minna lagi meðal kjósenda.
18.06.2021 - 23:37
Líklegast að íhaldsamur klerkur verði forseti Írans
Búist er við að kjörsókn í forsetakosningum í Íran í dag föstudag, verði mjög lítil. Kjörstaðir verða opnaðir klukkan sjö að staðartíma og verða opnir til miðnættis og jafnvel tveimur klukkustundum lengur sumstaðar. Líklegast er talið að Íranir velji sér íhaldsaman klerk sem forseta.
18.06.2021 - 02:30
Íranir kjósa forseta næstkomandi föstudag
Íranskir kjósendur velja sér nýjan forseta á föstudaginn kemur. Stjórnmálaskýrendur telja líklegt að íhaldsmaðurinn Ebrahim Raisi hafi betur gegn Hassan Rouhani sitjandi forseta. Sjö eru í framboði.
Hægri og vinstri bítast um forsetaembættið í Ekvador
Það verða vinstrimaðurinn og hagfræðingurinn Andrez Arauz og hægrimaðurinn og bankastjórinn Guillermo Lasso sem mætast í seinni umferð forsetakosninganna í Ekvador í apríl. Þetta er lokaniðurstaða landskjörstjórnar eftir endurtalningu atkvæða úr fjölda kjördæma í fyrri umferðinni, sem fram fór 27. desember síðastliðinn.
22.02.2021 - 06:33
Mikil óvissa og spenna í forsetakosningum í Ekvador
Enn er óvissa um hver mætir sósíalistanum Andres Arauz í seinni umferð forsetakosninganna í Ekvador 11. apríl, þar sem afar litlu munar á fylgi tveggja næstu manna í fyrri umferðinni, sem fram fór á sunnudag, og talningu ekki að fullu lokið.
09.02.2021 - 03:05
Frumbyggi að líkindum í seinni umferð forsetakosninga
Frambjóðandi kosningabandalags vinstrimanna, sósíalistinn Andrés Arauz, fékk flest atkvæði í fyrri umferð forsetakosninganna í Ekvador í gær, eða 31,5 prósent. Yaku Perez, frambjóðandi regnhlífarsamtaka frumbyggjaþjóða varð í öðru sæti með 20,04 prósent atkvæða; örlitlu meira en hægrimaðurinn Guillermo Lasso, sem endar að líkindum í þriðja sæti með 19,.97 prósent atkvæða.
08.02.2021 - 04:48
Ekvador
Sósíalisti og kapítalisti bítast um forsetaembættið
Enginn frambjóðandi fékk meirihluta atkvæða í fyrri umferð forsetakosninga í Ekvador á sunnudag, sem þýðir að efna þarf til annarrar umferðar í apríl, þar sem kosið verður á milli tveggja efstu manna. Frambjóðandi kosningabandalags vinstrimanna, Andrés Arauz, fékk flest atkvæði samkvæmt útgönguspám, sem benda til þess að um eða yfir 35 prósent kjósenda hafi kosið hann. Í öðru sæti var frambjóðandi kosningabandalags á hægri vængnum, Guillermo Lasso, sem samkvæmt spám fékk um 22 prósent atkvæða.
08.02.2021 - 01:22
Kjörstjórn lýsir Museveni sigurvegara forsetakosninga
Staðfest er að Yoweri Museveni forseti Úganda hafði betur gegn Bobi Wine, keppinaut sínum í kosningnum þar í landi. Hann hefur þar með sjötta kjörtímabil sitt en hann hefur verið forseti frá 1986.
16.01.2021 - 13:43
Abbas boðar til kosninga í Palestínu
Mahmud Abbas forseti Palestínu tilkynnti í dag hvenær gengið yrði til kosninga í landinu í fyrsta sinn í fimmtán ár. Hann segir að gengið verði að kjörborðinu á öllum landsvæðum Palestínu, þar á meðal í Austur-Jerúsalem.
15.01.2021 - 22:22
Loka samskiptamiðlum skömmu fyrir kosningar
Fjarskiptastofnunin í Úganda skipaði í dag öllum netveitum í landinu að loka þegar í stað á samskiptamiðla og skilaboðaforrit. Tveir dagar eru til forsetakosninga þar sem Yoweri Museveni forseti sækist eftir endurkjöri. Fyrrverandi poppstjarna er helsti mótframbjóðandi hans.
12.01.2021 - 17:59