Færslur: Filippseyjar

Mannskæð flóð á Filippseyjum
Þúsundir hafa þurft að flýja heimili sín og vinnustaði í Manila og nærsveitum vegna flóða í kjölfar margra daga steypiregns sem dunið hefur á Filippseyjum undanfarna daga. Minnst einn maður hefur látið lífið í flóðunum. Þúsundir hafast nú við í neyðarskýlum í og umhverfis borgina, þar á meðal um 15.000 manns sem fluttir voru í hasti frá borginni Marikina þegar áin sem rennur í gegnum hana tók að vaxa hratt og mikið.
25.07.2021 - 03:22
Tala látinna komin í 45
Fjörutíu og fimm hafa fundist látnir eftir flugslys á suðurhluta Filippseyja. Enn er sautján saknað.
04.07.2021 - 12:39
17 látnir í flugslysi á Filippseyjum
Sautján fundust látnir og minnst fjörutíu hefur verið komið til bjargar eftir að herflugvél með 85 manns um borð brotlenti á Jolo-eyju í Filippseyjum í morgun. AFP fréttastofan hefur eftir herforingjanum Cirilito Sobejana að viðbragðsaðilar séu á vettvangi. Hann vonast til þess að hægt sé að bjarga fleirum.
04.07.2021 - 06:44
Bólusetning eða fangelsi á Filippseyjum
Rodrigo Duterte, forseti Filippseyja, hótar að láta fangelsa fólk sem neitar að láta bólusetja sig við kórónuveirunni. Rúmlega tvær milljónir af 110 milljón íbúum landsins eru fullbólusettar.
Nær hálf milljón Víetnama flýr yfirvofandi fellibyl
Stjórnvöld í Víetnam hafa gert um 460.000 manns að yfirgefa heimili sín og koma sér í öruggt skjól vegna yfirvofandi ofsaveðurs. Fellibylurinn Vamco, sem varð minnst 42 að fjörtjóni á Filippseyjum í vikunni og eyðilagði eða stórskemmdi yfir 300.000 heimili á Luzon-eyju, er byrjaður að láta til sín taka við strönd Víetnams, þar sem hann mun ganga á land með morgninum.
15.11.2020 - 04:07
Erlent · Asía · Hamfarir · Veður · Víetnam · Filippseyjar · fellibylur
42 fórust á Filippseyjum og þúsundir enn í vanda
Minnst 42 létu lífið þegar fellibylurinn Vamco gekk yfir Filippseyjar í vikunni og björgunarstörfum er langt í frá lokið. Strandgæsla, her, slökkvilið og aðrir viðbragðsaðilar keppast enn við að bjarga þúsundum íbúa Kagajan-héraðs á norðurodda Luzoneyju, sem komast hvorki lönd né strönd vegna flóða í kjölfar fellibylsins. Wamco var þriðji fellibylurinn sem skall á Filippseyjum á þremur vikum, en sá 21. og jafnframt sá mannskæðasti á árinu.
14.11.2020 - 04:09
Minnst 14 látin í flóðum og skriðum á Filippseyjum
Fellibylurinn Vamco, sem herjað hefur á Luzon-eyju, stærstu eyju Filippseyja síðustu daga, hefur kostað minnst 14 mannslíf, samkvæmt upplýsingum frá yfirvöldum, og minnst jafnmargra er saknað. Talsmaður almannavarna upplýsti að enn gæti fjölgað í þessum hópi, og raunar hefur herinn, sem staðið hefur í ströngu í björgunarstörfum, sagt að 39 séu látin og 22 saknað.
13.11.2020 - 06:33
Mikil flóð eftir þriðja fellibylinn á þremur vikum
Mikil flóð eru nú í og við Manila, höfuðborg Filippseyja, eftir að fellibylurinn Vamco fór þar yfir með stólparok og steypiregn. Fjöldi fólks forðaði sér upp á húsþök og kemst hvergi þar sem heilu hverfin mara í hálfu kafi. Yfirvöld vara við hættu á frekari flóðum, aurskriðum og mögulega sjávarflóðum í Manila og nágrenni, þar sem yfir 12 milljónir manna búa.
12.11.2020 - 06:23
Minnst 16 fórust í fellibylnum Goni
Minnst 16 létust í hamförunum af völdum ógnarstormsins Goni, sem gekk yfir hluta Filippseyja um helgina og skildi eftir sig slóð eyðileggingar. Goni er 18. fellibylurinn sem skellur á Filippseyjum í ár og sá öflugasti sem geisað hefur í heiminum það sem af er þessu ári. Mestur meðalvindhraði mældist yfir 60 metrar á sekúndu og í heiftarlegustu hviðunum fór hann upp fyrir 85 metra á sekúndu.
02.11.2020 - 05:35
Erlent · Asía · Hamfarir · Veður · Filippseyjar · Víetnam · fellibylur
Minnst fjögur látin í fárviðri á Filippseyjum
Fellibylurinn Goni, sem nú hamast á sunnanverðum Filippseyjum, hefur kostað minnst fjögur mannslíf til þessa. Yfirvöld vara við „skelfilegum aðstæðum" á hamfarasvæðinu, sem hundruð þúsunda hafa neyðst til að flýja í aðdraganda ofsaveðursins.
01.11.2020 - 06:50
Feiknarstormur skellur á Filippseyjum
Fellibylurinn Goni skall í kvöld á eyjunni Catanduanes við suðausturodda Luzon, stærstu eyju Filippseyja. Goni er fimmta stigs fellibylur og hefur meðalvindhraði mælst allt að 62 metrar á sekúndu á síðustu klukkustundum. Allt að milljón manns hefur yfirgefið heimili sín á Luzon-eyju sunnanverðri, og forðað sér í öruggt skjól.
31.10.2020 - 23:37
Þúsundir flýja fimmta stigs fellibyl á Filippseyjum
Þúsundum Filippseyinga hefur verið fyrirskipað að rýma heimili sín og forða sér í öruggt skjól áður en fellibylurinn Goni skellur á stærstu eyjunni, Luzon, á sunnudag. Goni er fimmta stigs fellibylur sem stefnir í að verða sá öflugasti sem gengið hefur yfir Filippseyjar síðan fellibylurinn Haiyan varð yfir 6.300 manns að bana þar í landi í nóvember 2013. Meðalvindhraðinn mælist nú næstum 60 metrar á sekúndu og tæplega 74 metrar á sekúndu í hviðum.
31.10.2020 - 05:35
Duterte lýsir sig ábyrgan fyrir drápum þúsunda
Rodrigo Duterte, forseti Filippseyja, lýsti því yfir í gærkvöld að hann færi fúslega í fangelsi vegna þeirra drápa sem framin hafa verið í stríðinu gegn eiturlyfjum. Í sjónvarpsviðtali í gærkvöld sagðist forsetinn ekki hafa neitt á móti því að hann yrði gerður ábyrgur fyrir öllum þeim þúsundum manndrápa sem framin hafa verið í stríði yfirvalda á Filippseyjum gegn eiturlyfjum, sem hann lýsti sjálfur yfir þegar hann tók við völdum sumarið 2016.
20.10.2020 - 06:39
Ályktun Íslands um mannréttindi á Filippseyjum samþykkt
Mannréttindaráð Sameinuðu þjóðanna samþykkti samhljóða í morgun ályktun Íslands um stuðning samtakanna við uppbyggingu mannréttinda á Filippseyjum. Ályktunin var lögð fram af Íslendingum í samstarfi við stjórnvöld á Filippseyjum í lok síðasta mánaðar og kveður á um að þau skuldbindi sig til að vinna með mannréttindafulltrúa Sameinuðu þjóðanna að umbótum.
07.10.2020 - 17:51
Beita sér fyrir bættum mannréttindum á Filippseyjum
Ísland hefur lagt fram ályktun í mannréttindaráði Sameinuðu þjóðanna um samstarf stjórnvalda á Filippseyjum við skrifstofu mannréttindafulltrúa Sameinuðu þjóðanna um úrbætur í mannréttindamálum þar í landi.
26.09.2020 - 14:02
Snarpur jarðskjálfti við Filippseyjar
Jarðskjálfti af stærðinni 6,7 varð við miðju Filippseyja í nótt. Að sögn bandarísku jarðfræðistofnunarinnar USGS voru upptök skjálftans um 68 kílómetrum suðaustur af eyjunni Masbate, og litlar líkur á mannskaða eða skemmdum á mannvirkjum. Skjálftar á svæðinu hafa hins vegar valdið annars konar hamförum, á borð við skriðuföll. 
18.08.2020 - 02:08
Færeyskir karlmenn nokkuð fleiri en konur
Nú eru karlmenn í Færeyjum um 15 af hundraði fleiri en konur. Þetta kemur fram í frétt og stuttri heimildamynd á vefsíðunni Local.fo. Færeyingar eru nú um 50 þúsund talsins.
04.08.2020 - 02:22
250.000 aftur í útgöngubann
Um 250.000 íbúar í Navotas-hverfinu í Manila, höfuborg Filippseyja, þurfa aftur að sæta útgöngubanni þar sem kórónuveirutilfellum hefur fjölgað þar á ný. Embættismenn greindu frá þessu í morgun.
13.07.2020 - 10:18
Filippseyjar
Synja gagnrýnum ljósvakarisa um útvarpsleyfi
Einni stærstu fjölmiðlasamsteypu Filippseyja, ABS-CBN, hefur verið synjað um endurnýjun útvarpsleyfis og fær því ekki að hefja útsendingar á ný. Leyfið rann út 4. maí og hafði umsókn fyrirtækisins um 25 ára framlengingu útvarpsleyfisins ekki fengið afgreiðslu. Því var það þvingað til að hætta útsendingum. Umsóknin var svo tekin fyrir hjá fjölmiðlanefnd filippseyska þingsins á föstudag, þar sem henni var hafnað með yfirgnæfandi meirihluta atkvæða.
12.07.2020 - 04:50
Frumkvæði Íslands varpar ljósi á mikil mannréttindabrot
Meiri áhersla er lögð á að heyja stríð gegn fíkniefnum í nafni þjóðaröryggis á Filippseyjum, en að virða mannréttindi, og erfitt getur reynst að vinda ofan af þeirri þróun. Þetta kemur fram í nýrri skýrslu sem unnin var að frumkvæði Íslands.
04.06.2020 - 12:05
Fólk felmtri slegið vegna falsfrétta
Margskonar tíðindi, tengd kórónuveirufaraldrinum, sem eiga sér litla sem enga stoð í veruleikanum hafa valdið uppnámi og skelfingu víða í Asíu.
29.05.2020 - 03:40
Öflugur fellibylur kominn að Filippseyjum
Öflugur fellibylur, kallaður Vongfong, nálgast nú Filippseyjar úr austri og er búist við að það fari að hvessa þar verulega í dag. Þetta er fyrsti fellibylurinn sem fer yfir Filippseyjar á þessu ári.
14.05.2020 - 09:04
Lokað á útsendingar stærstu fjölmiðlasamsteypunnar
Filippeysku ljósvakasamsteypunni ABS-CBN, sem nýtur hvað mestrar hylli í landinu, var gert að hætta útsendingum í gær. Útsendingaleyfi samsteypunnar rann út á mánudag, og skipuðu yfirvöld henni að hætta útsendingum í gær. Forsetinn Rodrigo Duterte hefur ítrekað verið gagnrýndur á stöðvum hennar, meðal annars fyrir að þagga niður í fjölmiðlum.
06.05.2020 - 06:41
Myndskeið
Hungur og fátækt blasir við mörgum
Stór hluti jarðarbúa býr enn við einhvers konar útgöngubann. Við mörgum blasir hungur og fátækt vegna strangra skilyrða. Á Spáni mega börn ekki fara út.
17.04.2020 - 19:50
Erlent · Asía · Evrópa · Spánn · Filippseyjar · Indland · COVID-19
Duterte hótar að beita hörku
Rodrigo Duterte, forseti Filippseyja, hefur fyrirskipað öryggissveitum að skjóta þá sem ekki virða reglur um ferða- og samkomubann vegna kórónuveirufaraldursins.
02.04.2020 - 09:00