Færslur: Evrópa

Fimm fórust í stórhríð á fjallinu Elbrus
Fimm fjallgöngumenn létust í stórhríð í gær á fjallinu Elbrus í Rússlandi. Óveðrið skall á þegar um tuttugu manna hópur var á niðurleið, í fimm þúsund metra hæð.
24.09.2021 - 11:55
Ásakanir um eitt mesta kosningasvindl síðari tíma
Stjórnarandstæðingar í Rússlandi segja kosningar um síðustu helgi þær óheiðarlegustu þar í landi í síðari tíð. Sameinað Rússland, flokkur Vladimírs Pútíns forseta, hlaut um helming atkvæða, samkvæmt talningu yfirvalda, og 324 af 450 sætum í Dúmunni, neðri deild þingsins. Stjórnarandstæðingar voru með kosningaeftirlit og tilkynntu fjölda brota til yfirvalda.
21.09.2021 - 15:24
Heldur virðist hafa dregið úr gosinu á La Palma
Heldur virðist hafa dregið úr krafti eldgossins í fjallinu Rajada á La Palma í Kanaríeyjaklasanum. Gosið hófst á sunnudag og hefur þegar valdið talsverðu eignatjóni.
21.09.2021 - 04:41
Erlent · Hamfarir · eldgos · kanaríeyjar · La Palma · Evrópa · Afríka · Pedro Sanchez · Spánn
Gróðureldar kviknuðu á Grikklandi í kvöld
Gróðureldar brutust út í kvöld nærri bænum Nea Makri norðaustur af Aþenu höfuðborg Grikklands. Um það bil sjötíu slökkviliðsmenn berjast nú við eldana en íbúum hefur verið ráðlagt að yfirgefa heimili sín.
20.09.2021 - 23:53
Hagfræðingar telja framtíð bjarta fyrir stjórn Støres
Norskir hagfræðingar álíta framtíðina bjarta fyrir nýja ríkisstjórn Jónasar Gahr Støre formanns Verkamannaflokksins. Efnahagurinn sé á uppleið, bæði í Noregi og helstu viðskiptalöndum og kórónuveirusmitum sé jafnframt tekið að fækka.
Skemmtanaglaðir Danir fagna frelsinu
Skemmtanaglaðir Danir hafa undanfarnar helgar getað slett úr klaufunum eftir langt hlé. Samkvæmt tölum frá Horesta, samtökum veitingamanna og Danske bank eyddu Danir 49% meira fé um síðustu helgi en sömu helgi árið 2019.
18.09.2021 - 23:24
Færeyskir fiskræktendur fordæma höfrungadráp
Samtök færeyskra fiskræktenda hafa sent frá sér sameiginlega yfirlýsingu þar sem umfangsmiklu höfrungadrápi við eyjarnar 12. september síðastliðinn er harðlega gagnrýnt. Þá var yfir fjórtánhundruð leiftrum, smávöxnum tannhval af höfrungaætt, slátrað.
18.09.2021 - 05:32
Réttarhöld hefjast á morgun vegna smitanna í Ischgl
Réttarhöld hefjast í Vínarborg í Austurríki á morgun vegna viðbragða þarlendra stjórnvalda við kórónuveirusmitum á skíðasvæðinu Ischgl í mars á síðasta ári. Þúsundir manna frá 45 löndum segjast hafa smitast af COVID-19 þar og þannig dreift veirunni víða um heim.
17.09.2021 - 03:20
Öllum Ítölum gert að bera græn covid-vegabréf
Ný lög á Ítalíu skylda starfsmenn allra fyrirtækja og stofnana til að geta sýnt fram á bólusetningu við COVID-19, framvísa neikvæðu prófi eða að staðfesta fyrra smit.
Viðræður hefjast milli Spánarstjórnar og Katalóna
Pedro Sanchez, forsætisráðherra Spánar, fundar með Pere Aragones leiðtoga heimastjórnar Katalóníu á morgun, miðvikudag um samband héraðsins við ríkisstjórnina í Madrid. Ekki er talið að viðræðurnar skili árangri enda eru sjónarmið nánast óásættanleg.
Færeyingar harðlega gagnrýndir vegna höfrungaveiða
Færeyingar liggja nú undir þungu ámæli dýraverndunarsinna eftir að yfir fjórtán hundruð tannhvalir af höfrungaætt voru veiddir við Austurey síðastliðinn sunnudag. Formaður færeyska hvalveiðiráðsins segir Færeyingum sjálfum mjög brugðið.
15.09.2021 - 01:56
Erfiðar aðstæður tefja slökkvistarf á Spáni
Óstöðugir vindar, torfært landslag og mikill hiti tefja baráttu slökkviliðs við skógarelda sem nú geisa á sunnanverðum Spáni. Grunur leikur á að eldarnir hafi verið kveiktir af ásetningi enda komu þeir upp á nokkrum stöðum samtímis.
10.09.2021 - 12:45
Erlent · Hamfarir · Náttúra · Umhverfismál · Veður · Spánn · Evrópa · Skógareldur · Malaga · íkveikja · Bruni · Bretar · ferðamenn · Þurrkur
Stökkbreytt afbrigði draga úr vonum um hjarðónæmi
Umdæmisstjóri Alþjóðaheilbrigðisstofnunarinnar (WHO) í Evrópu er efins um að viðnám bóluefna dugi til að stemma stigu við útbreiðslu kórónuveirufaraldursins. Ný stökkbreyttt afbrigði veirunnar draga úr vonum um að hjarðónæmi náist.
Að jafnaði 50 breskum verslunum lokað hvern dag
Breskar verslunarkeðjur hættu starfsemi meira en 8.700 versluna fyrstu sex mánuði ársins. Það jafngildir því að næstum 50 verslunum hafi verið lokað á hverjum degi.
Landsdómsmál gegn Inger Støjberg tekið fyrir í dag
Mál Inger Støjberg, fyrrverandi ráðherra málefna útlendinga og innflytjenda, verður tekið fyrir í Landsdómi Danmerkur í dag. Gögn málsins verða lögð fram en búist er við að málarekstur taki nokkrar vikur.
Le Pen enn og aftur ákærður fyrir hatursorðræðu
Réttarhöld hefjast á morgun yfir Jean-Marie Le Pen stofnanda Þjóðfylkingarinnar í Frakklandi. Le Pen er ákærður fyrir hatursorðræðu í garð poppstjörnu af gyðingaættum en Le Pen hefur hlotið nokkra dóma í sambærilegum málum.
WHO fylgist grannt með nýlegu afbrigði kórónuveirunnar
Alþjóðaheilbrigðisstofnunin (WHO) fylgist nú grannt með stökkbreyttu afbrigði kórónuveirunnar sem fyrst varð vart í Suður-Ameríkulandinu Kólumbíu í janúar síðastliðnum. Afbrigðið er skráð sem my eða emm í gríska stafrófinu og óttast er að það hafi nokkra mótstöðu gegn bóluefnum.
Olíubrák frá Sýrlandi stefnir að ströndum Kýpur
Stjórnvöld á Kýpur fylgjast nú grannt með allstórum olíuflekki sem stefnir hraðbyri að norðurströnd eyjarinnar. Olían barst frá orkuveri á Miðjarðarhafsströnd Sýrlands í síðustu viku eftir að leki kom að olíutanki.
01.09.2021 - 02:12
Skimunarskylda aflögð við landamæri Færeyja
Ferðalöngum til Færeyja verður ekki gert skylt að fara í skimun vegna COVID-19 við komuna til landsins frá og með morgundeginum 1. september. Landsstjórnin kynnti þessa ákvörðun í síðustu viku.
Kveðst neyddur til að horfa á ríkisáróður tímunum saman
Rússneski stjórnarandstæðingurinn Alexey Navalny kveðst vera neyddur til að horfa á rússneskar ríkissjónvarpsstöðvar í allt að átta tíma á dag í fangelsinu þar sem hann er vistaður. Hann veitti New York Times viðtal á dögunum og er það fyrsta viðtalið við hann eftir að hann var tekinn fastur við komuna til Rússlands frá Þýskalandi 17. janúar síðastliðinn.
26.08.2021 - 16:30
Katalónsk yfirvöld vilja framlengja útgöngubann
Heimastjórnin í Katalóníu á Spáni fer fram á leyfi til að framlengja útgöngubann sem dómstóll ógilti fyrr í vikunni. Einkum er horft til fjölmennustu borga sjálfstjórnarsvæðisins.
Réttarhöld hafin yfir manni sem varð 5 að bana í Trier
Réttarhöld hófust í dag yfir Þjóðverja sem ákærður er fyrir að hafa orðið fimm að bana í þýsku borginni Trier 1. desember síðastliðinn. Auk þess slasaðist fjöldi fólk í árásinni.
19.08.2021 - 13:38
Allt á floti í sænsku borginni Gävle og nágrenni
Úrhellisrigning í borginni Gävle, Vestmannalandi og Dölunum í Svíþjóð hefur valdið miklum flóðum. Enn meiri rigningu er spáð á svæðinu en lögregla segir hamfarir ganga yfir. Vatnshæð nær sums staðar nokkrum metrum. Flætt hefur inn í byggingar og vegum hefur verið lokað.
18.08.2021 - 17:20
Erlent · Hamfarir · Veður · Svíþjóð · Evrópa · Rigning · Flóð · Gavle
Lögregla á Spáni handtók írska glæpaforingjann Munkinn
Lögregla á Spáni tilkynnti í dag um handtöku foringja írskra glæpasamtaka, sem eftirlýstur er fyrir morð. Tvær helstu glæpaklíkur Írlands hafa borist á banaspjótum um árabil og skilja eftir sig slóð eyðileggingar og fallinna glæpamanna.
17.08.2021 - 10:36
Slökkvilið berst við skógarelda á Algarve í Portúgal
Hundruð slökkviliðsmanna berjast nú við skógarelda sem kviknuðu á ferðamannslóðum í Algarve í suðurhluta Portúgals í gær.
17.08.2021 - 10:12