Færslur: El Salvador

Mannskaðaveður í Mið-Ameríku
Að minnsta kosti tuttugu fórust þegar óveðurslægðin Amanda gekk yfir Mið-Ameríku um helgina.
02.06.2020 - 10:43
El Salvador lokar á útlendinga
Stjórnvöld í El Salvador ákváðu í kvöld að banna útlendingum að koma til landsins næstu þrjár vikurnar til þess að sporna við útbreiðslu COVID-19. Nayib Bukele, forseti landsins, greindi frá þessu í sjónvarpsávarpi í kvöld. Bannið á við alla erlenda ríkisborgara sem eiga ekki fasta búsetu í El Salvador eða gegna störfum í sendiráðum. 
12.03.2020 - 00:40
Forseti hyggst beita neitunarvaldi
Þingið í El Salvador samþykkti í gærkvöld frumvarp til laga um stríðsglæpi í borgarastyrjöldinni í landinu á seinni hluta síðustu aldar, en Nayib Bukele, forseti landsins, segist ætla að koma í veg fyrir að það verði að lögum með því að beita neitunarvaldi gegn því.
27.02.2020 - 08:33
Bukele herðir baráttuna gegn glæpum
Nayib Bukele, forseti El Salvador, hefur kallað út liðsauka úr hernum til að berjast gegn glæpahópum í landinu. Fjórtán hundruð hermenn bætast við þá 8.600 sem barist hafa gegn skipulagðri glæpastarfsemi í El Salvador.
19.02.2020 - 08:09
Uppnám á þingi í El Salvador
Uppnám varð í þinghúsinu í San Salvador, höfuðborg El Salvador, í gær þegar her- og lögreglumenn gráir fyrir járnum komu sér þar fyrir að beiðni Nayib Bukele, forseta landsins.
10.02.2020 - 09:54
Margir hælisleitendur drepnir eftir heimkomu
Hátt í 140 Salvadorar, sem vísað hefur verið frá Bandaríkjunum á undanförnum árum, hafa verið drepnir eftir heimkomuna þaðan. Tugir til viðbótar hafa sætt ofbeldi eða pyntingum. Þetta segir í nýrri skýrslu mannréttindasamtakanna Human Rights Watch. 
05.02.2020 - 08:35
Kína greiðir fyrir stórframkvæmdir í El Salvador
Kínversk stjórnvöld ætla að greiða fyrir nýjan þjóðarleikvang og bókasafn í El Salvador. Fjármögnunin er liður í samkomulagi ríkjanna eftir að El Salvador viðurkenndi Taívan sem hérað í Kína.
04.12.2019 - 07:04
Reka diplómata hvers annars úr landi
Stjórnvöld í El Salvador og Venesúela eiga í hörðum deilum. Á laugardag ráku yfirvöld í El Salvador alla erindreka Venesúelastjórnar úr landi og í gær svöruðu stjórnvöld í Venesúela í sömu mynt þegar þau gáfu stjórnaerindrekum í sendiráði El Salvador 48 tíma frest til að koma sér úr landi.
04.11.2019 - 04:20
Myndband
Traustir vinir í nýju landi
Það er gefandi að aðstoða fólk og kynnast því á persónulegum nótum, segir Svala Jónsdóttir, sjálfboðaliði hjá Rauða krossinum. Hún hefur verið leiðsögumaður fjölskyldu frá El Salvador í eitt ár. Þau segja hjálpina hafa skipt sköpum, enda hafi Svala aðstoðað þau við að finna bæði vinnu og íbúð.
Fréttaskýring
Feðginin í Rio Grande: Áhrif átakanlegra mynda
„Ef þessi mynd fær okkur ekki til að endurmeta stöðuna, ef hún hreyfir ekki við þeim sem taka ákvarðanirnar þá er samfélag okkar illa statt.“ Þetta segir Julia le Duc, blaðamaður á dagblaðinu La Jornada sem gefið er út í mexíkósku landamæraborginni Matamoros. Skammt frá borginni rennur stórfljótið Rio Grande og handan þess eru Bandaríkin. Á mánudagsmorgun tók Le Duc átakanlega mynd sem stór hluti þeirra sem fylgjast með heimspressunni hefur líklega séð. En breytir hún einhverju?
Bukele settur í embætti forseta El Salvadors
Nayib Bukele, sem fór með sigur af hólmi strax í fyrri umferð forsetakosninganna í El Salvador í febrúar síðastliðnum, sór í gær embættiseið sem forseti landsins til næstu fimm ára. Bukele tilheyrir hvorugum hinna hefðbundnu valdaflokka í landinu heldur mið-hægriflokknum GANA.
02.06.2019 - 07:46
Stúlka sem fæddi andvana barn laus úr fangelsi
Hæstiréttur í El Salvador sneri í gær við 30 ára dómi sem Evelyn Beatriz Hernandez Cruz hlaut árið 2017, þá 17 ára gömul. Guardian greinir frá þessu. Hún var þá fundin sek um manndráp eftir að hún fæddi andvana barn.
Nýr forseti kjörinn í El Salvador
Nayib Bukele, fyrrverandi borgarstjóri San Salvador, hrósaði sigri í forsetakosningunum í El Salvador í gær. Nokkrum mínútum áður en hann lýsti yfir sigri greindi kjörstjórn frá því að hann hafi hlotið tæplega 53% atkvæða þegar búið var að telja um 70 af hundraði atkvæða.
04.02.2019 - 05:56
Fyrirburamóðir sýknuð af ákæru um morðtilraun
Imelda Cortez, tvítug salvardorsk kona sem var ákærð fyrir morðtilraun eftir að hún eignaðist barn fyrir tímann, var í gær úrskurðuð sýkn saka og látin laus úr fangelsi. „VIð vitum öll að Imelda hefur ekki brotið neitt af sér,“ sagði lögmaður hennar, Keyla Caceres, við fréttamann AFP. Mál Imeldu Cortez vakti mikla athygli og reiði innan El Salvadors jafnt sem utan. Hún hefur setið í fangelsi í hálft annað ár með þessa ákæru yfir höfði sér, sem getur leitt til allt að 20 ára fangelsisdóms.
Sat inni í 11 ár fyrir andvana fæðingu
Hin 34 ára gamla Teodora del Carmen Vasquez var leyst úr haldi í El Salvador í gær eftir að hafa setið í fangelsi í 11 ár. Hún var dæmd í 30 ára fangelsi fyrir morð eftir að hafa fætt andvana barn.
16.02.2018 - 04:44
Mótmæla brottvísun frá Bandaríkjunum
Ákvörðun bandarískra stjórnvalda um brottvísanir fólks með tímabundið dvalarleyfi var mótmælt í Washington í gær. Í þeim hópi eru 200.000 manns frá El Salvador sem fengu tímabundið dvalarleyfi eftir mikla jarðskjálfta í Mið-Ameríku árið 2001 þar sem yfir þúsund manns fórust.
09.01.2018 - 17:18
Trump vísar 200.000 Salvadorum úr landi
Um tvö hundruð þúsund íbúum El Salvador, sem hafa búið í Bandaríkjunum um árabil eftir mannskæða jarðskjálfta í heimalandinu, hefur verið gert að halda heim. Ríkisstjórn Trumps Bandaríkjaforseta hefur þegar vísað tugþúsundum í svipaðri stöðu úr landi.
08.01.2018 - 18:56
Dæmd í 30 ára fangelsi vegna andvana fæðingar
Nítján ára kona, sem varð þunguð eftir nauðgun, hefur verið dæmd í 30 ára fangelsi í El Salvador fyrir morð. Dómari komast að þeirri niðurstöðu að konan hafi ekki sótt sér þá læknishjálp sem nauðsynleg var þegar barnið fæddist, nokkru fyrir tímann. Sú vanræksla jafngildi morði.
Einn dó í jarðskjálfta í El Salvador
Jarðskjálfti af stærðinni 5,1 varð minnst einum manni að fjörtjóni í El Salvador á mánudag. Tveir slösuðust í skjálftanum, svo vitað sé. Upptök skjálftans, sem reið yfir laust fyrir miðnætti í gær að íslenskum tíma, voru á um fjögurra kílómetra dýpi við bæinn Antiguo Cuscatlan, nærri höfuðborginni San Salvador. Lögregla greinir frá því að einn maður hafi látist þegar grjóthnullungur hrundi úr fjallshlíð og lenti á bíl hans á þjóðvegi vestur af höfuðborginni.
11.04.2017 - 04:08