Færslur: Ebóla

Ebólu-faraldri ekki lokið í Kongó
Eftir rúmar sjö vikur án Ebólu-smits greindist 26 ára karlmaður með sjúkdóminn í Lýðstjórnarlýðveldinu Kongó. Hann var sá fyrsti til að fá sjúkdóminn síðan í febrúar að sögn Alþjóðaheilbrigðisstofnunarinnar. Að sögn heilbrigðisyfirvalda í heimahéraði mannsins er hann látinn. 
Segja bóluefni gegn ebólu haldið frá Kongó
Alþjóðlegu hjálparsamtökin Læknar án landamæra saka Alþjóðaheilbrigðisstofnunina um að skammta Kongómönnum of naumt af bóluefni gegn ebólu. Um 2.100 manns hafa dáið úr þessari skæðu pest í yfirstandandi faraldri, þeim næst-mannskæðasta sem upp hefur komið.
Sakaður um spillingu í ebólufaraldrinum
Fyrrverandi heilbrigðisráðherra Austur-Kongó hefur verið handtekinn og sætir nú rannsókn vegna gruns um spillingu. Hann er talin hafa misnotað aðstöðu sína varðandi fjármagn sem barst til landsins vegna ebólufaraldursins sem þar geysar.
15.09.2019 - 09:28
Ný ebólu-smit í Kongó
Staðfest hafa verið ebólu-smit í Suður-Kivu héraði í austurhluta Lýðstjórnar­lýð­veldi­sins Kongó. 26 ára maður er þegar látinn og eitt barna hans hlýtur læknismeðferð vegna smits.
Tvö ný lyf gegn ebólu lofa afar góðu
Góðar líkur eru á að brátt verði bæði hægt að lækna ebólu og bólusetja gegn henni með árangursríkum hætti, að sögn vísindamanna hjá Alþjóða heilbrigðisstofnuninni. Tvö af fjórum lyfjum sem notuð hafa verið í tilraunaskyni í yfirstandandi ebólufaraldri í Lýðstjórnarlýðveldinu Kongó gefa ástæðu til þessarar bjartsýni.
Trúa ekki að ebólufaraldurinn sé raunverulegur
Vantrú á heilbrigðisstarfsfólk og átök í Austur-Kongó hafa torveldað verulega störf þeirra sem vinna að því að hefta útbreiðslu ebólufaraldursins sem þar geisar, segir íslenskur hjúkrunarfræðingur sem unnið hefur á svæðinu. Enn trúi margir ekki að sjúkdómurinn sé raunverulegur.
03.08.2019 - 13:01
Myndskeið
Tólf ný ebólusmit í Kongó á hverjum degi
Yfir 1600 hafa látist í ebólufaraldri í Kongó og 12 ný tilfelli greinast á hverjum degi. Smit hefur greinst í nágrannaríkinu Úganda og Magna Ólafsdóttir, hjúkrunarfræðingur þar, segir tilfellum fjölga jafnt og þétt.
15.07.2019 - 20:10
Fyrsta ebólutilfellið greinist í milljónaborg
Fyrsta staðfesta ebólusmitið greindist í milljónaborginni Goma í Lýðstjórnarlýðveldinu Kongó á sunnudag. Skæðasti ebólufaraldur sem upp hefur komið í Kongó hefur nú geisað í tæpt ár og lagt yfir 1.600 manns í valinn í landinu austanverðu. Hingað til hefur tekist að halda veirusýkingunni frá stærstu þéttbýlisstöðum á svæðinu, þar sem smitleiðir eru greiðar og mannfjöldinn svo mikill að ómögulegt getur reynst að hefta útbreiðslu hennar.
Neyðarfundur vegna útbreiðslu ebólu
Alþjóðaheilbrigðisstofnunin hefur boðað til neyðarfundar vegna útbreiðslu ebólu. Staðfest er að sjúkdómurinn hefur borist yfir landamæri Austur-Kongó til Úganda.
12.06.2019 - 16:10
Óttast ebólufaraldur í Austur-Kongó
Heilbrigðisyfirvöld í Austur-Kongó hafa miklar áhyggjur af því að ebólafaraldur brjótist út í landinu ef átökum lynnir ekki. Vopnaðar sveitir hafa undanfarið herjað á heilbrigðisstofnanir og -starfsmenn í landinu og valda þannig verulegu tjóni.
23.05.2019 - 06:45
Yfir 1.000 hafa dáið í ebólufaraldri í Kongó
Yfir 1.000 manns hafa nú dáið af völdum ebólusýkingar í faraldri sem hefur geisað í Lýðstjórnarlýðveldinu Kongó síðan í ágúst í fyrra. Heilbrigðisyfirvöld í Kinshasa tilkynntu þetta í gær. Í tilkynningu heilbrigðisráðuneytisins segir að borist hafi fregnir af 14 dauðsföllum af völdum ebólu á síðustu dögum og þar með sé staðfestur fjöldi látinna orðinn 1.008. Yfir 1.450 smit hafa verið staðfest, þar af 126 í síðustu viku.
Næstskæðasti Ebólu-faraldur sögunnar
Tæplega 100 börn hafa látist í Kongó vegna ebólu-smits frá því að faraldur braust út í landinu í ágúst í fyrra. Faraldurinn í Kongó er nú orðinn næstskæðasti ebólu-faraldur sögunnar og fjöldi smitaðra hefur tvöfaldast á milli mánaða.
12.02.2019 - 15:09
Erlent · Afríka · Ebóla
Lýðstjórnarlýðveldið Kongó
Yfir 500 hafa dáið úr ebólu síðan í ágúst
Yfir 500 hafa nú látist í ebólufaraldrinum sem geisað hefur í Lýðstjórnarlýðveldinu Kongó að undanförnu. Heilbrigðisráðherra landsins greindi frá þessu í gær. Í tilkynningu frá ráðuneyti hans segir að 502 dauðsföll af völdum ebóluveirunnar hafi verið staðfest síðan faraldurinn braust út í austurhluta landsins í ágúst í fyrra, en tekist hefði að lækna 271, sem smitast hefði af veirunni á sama tíma.
Grunur um eitt tilvik ebólu í Svíþjóð
Grunur er um að manneskja í Svíþjóð sé smituð af sjúkdómnum ebólu, að því er sænska ríkisútvarpið, SVT, greinir frá. Heilbrigðisyfirvöld tilkynntu opinberlega um málið í dag.
04.01.2019 - 13:13
Starfsmenn WHO flýja átök í Austur-Kongó
16 starfsmönnum Alþjóðaheilbrigðisstofnunarinnar, WHO, var tímabundið forðað úr borginni Beni í austurhluta Austur-Kongó eftir að sprengja lenti á híbýlum þeirra. Liðsmenn sameinaða lýðveldishersins, ADF, og friðargæslusveitar Sameinuðu þjóðanna kljást á svæðinu, og segir Michel Yao, stjórnandi WHO á svæðinu, að hann viti ekki hverjir vörpuðu sprengjunni.
17.11.2018 - 23:34
198 dáin í skæðasta ebólufaraldri Austur-Kongó
Í Austur-Kongó geisar nú skæðasti ebólufaraldur sem upp hefur komið þar í landi, að sögn heilbrigðisyfirvalda. Oly Ilunga Kalenga, heilbrigðisráðherra, segir 319 staðfest eða mjög líkleg ebólu-tilfelli komin á skrá ráðuneytisins, einu fleira en þegar ebóla gaus fyrst upp í landinu árið 1976. Af þeim 319 sem hafa smitast hafa 198 dáið síðan fyrsta tilfellið greindist í ágúst síðastliðnum.
55 látnir í ebólu-faraldri í Kongó
55 eru látnir af völdum ebólu-faraldurs í austurhluta Lýðstjórnarlýðveldisins Kongó. Faraldurinn hófst í byrjun ágústmánaðar og er vitað af 96 tilfellum, að sögn heilbrigðisyfirvalda. Stjórnvöld tilkynntu að meðferð við sjúkdómnum verði gjaldfrjáls næstu þrjá mánuði.
Níu dáin úr ebólu í nýjum faraldri í Kongó
Níu hafa látist af völdum ebólusýkingar í Lýðstjórnarlýðveldinu Kongó eftir að veiran lét enn og aftur á sér kræla þar í landi um mánaðarmótin. Þetta kemur fram í tilkynningu frá heilbrigðisráðuneytinu í Kinshasa. Er þetta tíundi ebólufaraldurinn sem upp gýs í landinu síðan 1976, en ekki var liðin nema vika frá því að sá níundi rann sitt skeið formlega á enda, hinn 24. júlí síðastliðinn, þegar fyrsta smitið í þessum nýjasta faraldri var greint, hinn 1. ágúst.
Ebólufaraldur í Kongó að baki
Ebólu-faraldur sem orðið hefur minnst 33 að bana í Lýðstjórnarlýðveldinu Kongó á síðustu tíu vikum virðist nú vera afstaðinn, eða í það minnsta mjög í rénun. Heilbrigðisráðuneytið í landinu sendi frá sér yfirlýsingu í dag þar sem fram kemur að 42 dagar séu nú liðnir frá því að smit greindist síðast. Því megi nú segja að tekist hafi að stöðva útbreiðslu þessarar skæðu pestar.
Bólusett við ebólu í fyrsta sinn
Heilbrigðisyfirvöld í Austur-Kongó nota nú bólusetningu fyrst ríkja í þeim tilgangi að stemma stigu við útbreiðslu ebólu. Bóluefni gegn ebóluvírus hefur verið í þróun síðan 2014 eftir að mannskæður faraldur braust út í Vestur-Afríku árið 2013. Faraldurinn dró mörg þúsund manns til dauða á árunum 2013 til 2016.
31.05.2018 - 12:42
Þrjú ný ebólu-smit í Mbandaka
Þrjú ný tilfelli af ebólu-smiti hafa verið staðfest í hafnarborginni Mbandaka á bökkum Kongó-fljóts í Austur-Kongó. Heilbrigðisyfirvöld í landinu greina frá þessu. Ebólufaraldur hefur verið í uppsiglingu í Austur-Kongó síðustu vikur og hafa 23 dáið af völdum ebólu síðan í apríl og nokkrir tugir til viðbótar smitast. Til skamms tíma var útbreiðsla veirunnar takmörkuð við hinar dreifðari byggðir en fyrr í þessari viku greindist fyrsta tilfellið í hinni þéttbýlu Mbandaka.
19.05.2018 - 05:30
Hættan eykst á skæðum ebólufaraldri
Hættan á að skæður ebólufaraldur brjótist út í Austur-Kongó hefur aukist til muna eftir að íbúi stórborgarinnar Mbandaka greindist með ebólu í vikunni. Oly Ilunga Kalenga, heilbrigðisráðherra landsins, segir faraldurinn í raun hafa komist á annað og alvarlega stig við þessi tíðindi, en um ein milljón manna býr í Mbandaka. Talið er að minnst 23 hafi dáið af völdum ebólu-veirunnar síðan hennar varð fyrst vart í Austur-Kongó eftir nokkurt hlé, í apríl síðastliðnum.
Óttast hið versta í Austur-Kongó
Alþjóðaheilbrigðismálastofnunin segir að búast megi við nýjum ebólufaraldri í Austur-Kongó. Peter Salama, sem er yfirmaður neyðarviðbragðs stofnunarinnar segir að þetta sé mönnum mikið áhyggjuefni og menn búi sig undir hið allra versta. 32 ebólutilfelli hafa verið staðfest í hinu hrjáða landi frá því byrjun apríl og og 18 hafi þegar látist.
11.05.2018 - 10:30
Komu í veg fyrir 10.000 smit
Sjálfboðaliðar Rauða krossins sem aðstoðuðu við greftrun þeirra sem létust af völdum Ebólu kunna að hafa komið í veg fyrir meira en 10.000 banvænar smitanir. Örugg greftrun hafi verið lykilatriði í að sporna gegn útbreiðslu vírussins. Þetta gefur ný rannsókn til kynna samkvæmt umfjöllun BBC. Meira en 28.000 manns smituðust af vírusnum í vestanverðri Afríku á árunum 2014 til 2015, en þar af létust 11.310.  
23.06.2017 - 03:50
Erlent · Afríka · Ebóla
Líbería
Tólf hafa látist úr dularfullum sjúkdómi
Torkennilegur sjúkdómur sem ekki hefur enn tekist að greina hefur orðið tólf manns að aldurtila í Líberíu á síðustu tíu dögum. Sérfræðingar Alþjóða heilbrigðisstofnunarinnar, WHO, hafa staðfest að ekki sé um ebólu-sýkingu að ræða, þótt einkennin séu svipuð um margt. WHO hefur einnig útilokað lassa-vírusinn sem dánarorsök, en hann er landlæg plága á þessum slóðum. Allir hinna látnu hafa bein eða óbein tengsl við jarðarför trúarleiðtoga í Sinoe-héraði í suðurhluta landsins.
03.05.2017 - 02:50