Færslur: BSRB

Sjónvarpsfrétt
Átök innan ASÍ tefja gerð kjarasamninga
Ellefu formenn stéttarfélaga harma þær aðstæður í verkalýðshreyfingunni sem urðu til þess að forseti ASÍ hafi þurft að segja af sér. Formaður Bandalags háskólamanna segir að ef átök haldi áfram innan ASÍ tefji það kjarasamningaviðræður á opinbera markaðnum. 
11.08.2022 - 19:19
Viðtal
7 af hverjum 10 ánægð með styttingu vinnuvikunnar
Samið var um styttingu vinnuvikunnar í mörgum kjarasamningum hér á landi árið 2020. Nokkuð hefur verið deilt um hvernig til hefur tekist við styttinguna á landi hjá mismunandi starfsstéttum en Íslendingar hafa í gegnum tíðina unnið mun lengri vinnudag en þær þjóðir sem við berum okkur gjarnan saman við. Sonja Ýr Þorbergsdóttir, formaður BSRS, ræddi styttingu vinnuvikunnar í Morgunútvarpinu á Rás 2 í morgun.
30.05.2022 - 09:38
Viðtal
Umönnunarbilið hafi neikvæð áhrif á jafnrétti kynjanna
BSRB hefur ráðist í viðamikla rannsókn á stöðu leikskólamála hér á landi en samtökin hafa lengi gert þá kröfu að ríki og sveitarfélög grípi til aðgerða til að öllum börnum verði tryggð leikskólapláss að loknu fæðingarorlofi.
Viðtal
„Ekki hefur verið gripið til réttra aðgerða“ segir BSRB
Aðgerðir stjórnvalda ná ekki til þeirra sem mest þurfa á þeim að halda. Þetta segir formaður BSRB. Ný könnun leiðir í ljós að útivinnandi einstæðir foreldrar eru stærsti hópurinn sem glímir við fjárhagserfiðleika. Ríkisstjórnin verði að nýta barnabótakerfi til að aðstoða einstæða foreldra betur.
19.01.2022 - 18:34
30% félaga í ASÍ og BSRB eiga í fjárhagserfiðleikum
Þrjátíu prósent félagsmanna í BSRB og aðildarfélögum Alþýðusambandsins eiga erfitt með að ná endum saman. Þetta leiða niðurstöður nýrrar könnunar í ljós. Sextíu prósent einstæðra foreldra á vinnumarkaði eiga erfitt með að ná endum saman.
19.01.2022 - 13:29
Þungar áhyggjur af stórauknu álagi á starfsfólk
Væntanleg könnun Vörðu, rannsóknaseturs vinnumarkaðarins, sýnir að álag á launafólk vegna kórónuveirufaraldursins hefur aukist mjög undanfarið ár. Þetta sagði Drífa Snædal, forseti ASÍ, á opnum fundi efnahags- og viðskiptanefndar Alþingis.
11.01.2022 - 15:09
Spegillinn
Vill finna nýjar leiðir í kjaramálum
Sonja Ýr Þorbergsdóttir, formaður Bandalags starfsmanna ríkis og bæja, vill að aðilar vinnumarkaðarins nýti næsta ár til þess að hugsa kjaramálin upp á nýtt og setji sér sameiginleg langtímamarkmið um að gera samfélagið betra.
03.01.2022 - 17:36
Sjónvarpsfrétt
Fagna hækkun en segja kerfið enn of flókið
Barnabótakerfið er of flókið og tekur ekki mið af hagsmunum barna. Þetta segir hagfræðingur hjá BSRB. Hún fagnar þeim hækkunum sem boðaðar eru í nýju fjárlagafrumvarpi en segir markmiðum kerfisins hvergi náð. Þá sé það áhyggjuefni að útgjöld til kerfsins aukist ekki á milli ára.
05.12.2021 - 19:37
Morgunvaktin
Heilbrigðisþjónusta ekki eins og að kaupa vöru úr búð
Formaður BSRB segir ekki hægt að sýna fram á með vísindalegum rökum að markaðurinn leysi vanda heilbrigðiskerfisins. Brýnt sé að tryggja fjármagn, jafna möguleika og samhæfingu kerfisins.
Næsti faraldur verði faraldur kulnunar
Alþjóðastofnanir spá því að næsti heimsfaraldur verði faraldur kulnunar. BSRB sendi minnisblað vegna þessa til yfirvalda í dag, þar sem lagðar eru til heilsuverndandi aðgerðir fyrir framlínustarfsfólk sem og almenning.
Bjarg lækkar leigu um allt að 35 þúsund
Íbúðafélagið Bjarg ætlar lækka leigu stórs hóps leigjenda sinna frá og með 1. september næstkomandi og nemur lækkunin allt að 35.000 kr. á mánuði. Íbúðafélagið er húsnæðissjálfseignarstofnun stofnuð af ASÍ og BSRB.
Síðdegisútvarpið
Bið vanfjármögnun að kenna en ekki styttingu vinnuviku
Sonja Ýr Þorbergsdóttir, formaður BSRB, segir biðlistar á sjúkrahúsum lengjast vegna vanfjármögnunar í heilbrigðiskerfinu, vegna langtímaveikinda starfsfólks og þess að fólk er að minnka við sig starfshlutfall vegna lífeyristöku. Hún var í viðtali í síðdegisútvarpinu á Rás 2 í dag þar sem hún kvað mönnunarvanda sjúkrahúsanna eiga sér langa sögu.
Myndskeið
Ekki stöðugleiki þegar gæðunum er misskipt
Þótt engar væru kröfugöngurnar í dag þá er kjarabaráttan í fullum gangi. Forseti ASÍ segir stöðugleika ekki í boði þegar sumir valsi um auðlindir landsins og maki krókinn á meðan aðrir nái ekki endum saman. Formaður BSRB telur hættu á auknum ójöfnuði. 
Spegillinn
1. maí: Það er nóg til
Slagorð eða kjörorð 1. maí, baráttudags verkalýðsins, er: Það er nóg til. Drífa Snædal, forseti ASÍ, segir að það sé ekki úr lausu lofti gripið. Oft sé sagt þegar gesti ber að garði að það sé nóg til. Við eigum nóg til skiptanna. Ef gæðin eru af skornum skammti þá deilum við gæðunum með sanngjarnari hætti.
30.04.2021 - 17:00
Viðtal
Stórt skref í átt að jafnrétti á vinnumarkaði
96 prósent vaktavinnufólks í hlutastarfi hjá ríki og sveitarfélögum hafa samþykkt að auka starfshlutfall sitt en vinna áfram jafnmikið. Er það liður í styttingu vinnuvikunnar. Sonja Ýr Þorbergsdóttir, formaður BSRB, segir að þetta eigi fyrst og fremst við um konur sem hafi ekki treyst sér til að vera í fullu starfi vegna þess hversu þung störfin eru og þetta sé því stórt skref í jafnréttisátt á vinnumarkaði.
29.04.2021 - 10:23
Vara við einkavæðingu hjúkrunarheimila
Miðstjórn ASÍ gagnrýnir harðlega að breytingar á rekstri hjúkrunarheimila kunni að fela í sér kjaraskerðingu þeirra sem starfa við aðhlynningu. „Við breytingar á rekstri er greinilega ætlunin að miða við lægstu mögulega taxta á höfuðborgarsvæðinu við nýráðningar og getur þar munað allt að 48.000 krónum í grunnlaunum,“ segir í yfirlýsingu sem miðstjórnin sendi frá sér í dag. Formaður BSRB segir einnig óásættanlegt að þjónusta við aldraða verði einkavædd.
23.04.2021 - 12:23
Spegillinn
Loftslagsaðgerðir mest íþyngjandi fyrir lágtekjuhópa
Verkalýðshreyfingin leggur til að stofnaður verði sérstakur vinnuhópur innan Þjóðhagsráðs til að tryggja að umskipti yfir í kolefnislaust Ísland verði réttlát. Aðgerðir stjórnvalda í loftslagsmálum núna séu hlutfallslega mest íþyngjandi fyrir lágtekjuhópa og ívilnanirnar gagnist helst fólki í efri tekjuhópum. Þetta kemur fram í nýrri skýrslu sem verkalýðshreyfingin kynnti í dag. 
18.03.2021 - 16:08
Óttast að fólk fari að neita sér um læknisþjónustu
Formaður Öryrkjabandalagsins segir að það bitni á viðkvæmustu hópnunum í samfélaginu og þeim sem minnst mega sín geri sérfræðilæknar alvöru úr að hætta að hafa milligöngu um niðurgreiðslu Sjúkratrygginga til sjúklinga. 
Segir að tryggt verði að engir hópar lækki í launum
Sonja Ýr Þorbergsdóttir, formaður BSRB, segir mikla vinnu hafa verið lagða í að tryggja að markmið vaktavinnubreytinga samkvæmt kjarasamningum náist. Tollverðir á Keflavíkurflugvelli hafa lýst yfir óánægju með fyrirhugaðar breytingar á vaktavinnukerfinu sem ætlað er að taki gildi 1. maí næstkomandi.
Ólga í garð BSRB meðal tollvarða á Keflavíkurflugvelli
Tollvörðum í vaktavinnu finnst sem komið hafi verið aftan að þeim með með gerð kjarasamings BSRB. Því er mikil ólga í hópi starfsmanna, að sögn Jens Guðbjörnssonar trúnaðarmanns tollvarða á Keflavíkurflugvelli.
Álag á starfsfólk hins opinbera hefur aukist mikið
Meira en helmingur launafólks finnur fyrir auknu álagi í starfi vegna kórónuveirufaraldursins, samkvæmt nýrri könnun sem Maskína gerði fyrir BSRB. Sonja Þorbergsdóttir, formaður BSRB, segir aukið álag mikið áhyggjuefni.
25.02.2021 - 08:59
„Við erum stöðnuð í jafnréttismálum“
„Við erum stöðnuð í jafnréttismálum. Það er engin raunveruleg framþróun,“ segir Sonja Ýr Þorbergsdóttir, formaður BSRB, um þann mikla mun á tekjum kvenna og karla sem fréttastofa fjallaði um í gær. Konur í sambúð með meistaragráðu hafa að jafnaði næstum hundrað þúsund krónum lægri heildartekjur á mánuði en karlar í sambúð með grunnháskólamenntun. Konur með grunnháskólamenntun hafa svipaðar heildartekjur og karlar sem aðeins hafa lokið grunnskóla og á landsbyggðinni hafa þeir hærri tekjur en þær.
Vilja atvinnuleysisbætur í fjögur ár
Lengja ætti tímabil atvinnuleysisbóta tímabundið í að minnsta kosti fjögur ár. Þetta segir Sonja Ýr Þorbergsdóttir formaður BSRB. Fjölga þyrfti opinberum störfum til að bregðast við þeirri stöðu sem komin er upp á vinnumarkaði, verði það ekki gert verður kostnaðurinn mun meiri til lengri tíma.
Spegillinn
Ótrúlega sláandi tölur
Um fjórðungur launafólks á erfitt með að ná endum saman. Staða atvinnulausra er verri en launafólks og staða innflytjenda er talsvert verri en innfæddra. Yfir 40 af hundraði atvinnulausra mælast með slæma andlega heilsu miðað við um fimmtung launafólks. Fjórðungur kvenna á vinnumarkaði býr við slæma andlega heilsu. Þetta er meðal þess sem kemur fram í nýrri könnun Vörðu á stöðu launafólks. Varða er ný rannsóknastofnun vinnumarkaðarins sem ASÍ og BSRB komu á laggirnar.
10.02.2021 - 10:00
Spegillinn
Stytting á ekki að draga úr þjónustu
Formaður BSRB segir að forsendur styttingar vinnuvikunnar séu að fólk lækki ekki í launum og að launakostnaður hækki ekki. Styttingin megi ekki heldur bitna á þeirri þjónustu sem veitt er.
20.01.2021 - 11:33