Færslur: Afganistan

Átta fórust í sprengingu í Kabúl í morgun
Átta féllu í bílsprengjuárás í vesturhluta Kabúl, höfuðborg Afganistan í morgun. Að minnsta kosti fimmtán særðust í sprengingunni að sögn Tariq Arian talsmanns innanríkisráðuneytis landsins.
20.12.2020 - 08:20
Mannskæð eldflaugaárás á Kabúl
Einn maður lést og annar særðist þegar fjórum flugskeytum var skotið á Kabúl, höfuðborg Afganistans, snemma í morgun. Talsmaður innanríkisráðuneytisins greindi frá þessu á fréttamannafundi. Flugskeytin lentu öll í austanverðri borginni, að sögn lögreglu.
Dauðsföllum óbreyttra borgara fjölgað gríðarlega
Fjöldi óbreyttra borgara sem féll í loftárásum alþjóðlegs herliðs í Afganistan fjölgaði mikið frá 2016 til 2019. Þetta er afleiðing rýmri reglna um valdbeitingu sem Donald Trump Bandaríkjaforseti setti árið 2017 samkvæmt nýrri skýrslu.
Minnst 40 fórust í sjálfsmorðsárás í Afganistan
Minnst 40 afganskir stjórnarhermenn fórust þegar bílsprengja sprakk við bækistöð hersins í Ghazni-héraði um miðbik Afganistans í morgun. Á þriðja tug til viðbótar særðust í árásinni, samkvæmt heilbrigðisyfirvöldum í Ghazni. Í tilkynningu varnarmálaráðuneytisins segir að maður hafi ekið bíl, hlöðnum sprengiefni, að herstöðinni. Hann var stöðvaður í hliðinu og virkjaði þá sprengjuna, með þessum afleiðingum.
30.11.2020 - 01:13
Íslamska ríkið lýsir yfir ábyrgð á eldflaugaárás
Amrullah Saleh varaforseti Afganistan heitir því að hendur verði hafðar í hári þeirra sem ábyrgir eru fyrir eldflaugaárás á höfuðborgina Kabúl í gær.
Miklar sprengingar í Kabúl
Nokkrar háværar sprengingar skóku miðborg Kabúl, höfuðborgar Afganistan í morgun. Að sögn fréttaritara AFP fréttastofunnar var líkast því sem eldflaugum hefði verið skotið hverri á eftir annarri.
Sannað þykir að ástralskir hermenn hafi myrt 39 Afgani
Áralöng rannsókn leiðir í ljós trúverðuga sönnun þess að áströlsk sérsveit hafi orðið minnst 39 óbreyttum borgurum og föngum að bana í Afganistan.
Varhugaverðir tímar er hermönnum fækkar
Donald Trump Bandaríkjaforseti hefur fyrirskipað að fjöldi bandarískra hermanna í Írak og Afganistan snúi aftur heim. Starfandi varnarmálaráðherra Bandaríkjanna, Christopher C. Miller, segir að fram undan sé vandasamt verkefni sem framkvæmt verði af kostgæfni.
Fækkun í herafla Bandaríkjanna í Afganistan og Írak
Ákveðið hefur verið að fækka bandarískum hermönnum í Afganistan um 2.500, jafnframt verður nokkur fækkun hermanna í Írak. Þetta kemur fram í yfirlýsingu frá varnarmálaráðuneyti Bandaríkjanna.
Biðja Bandaríkjamenn að halda sig í Afganistan
Frönsk stjórnvöld ætla að fara þess á leit við bandarísk yfirvöld að þau kalli herlið sitt ekki heim frá Afganistan eða Írak. Donald Trump Bandaríkjaforseti hefur undanfarið dregið mjög úr fjölda hermanna í Afganistan og við það eru Frakkar ekki sáttir.
Talibanar í ímyndarherferð
Leiðtogar Talibana gera hvað þeir geta að sanna að þeir séu stjórntækir og leggja sig í líma við að bæta ímynd sína. Friðarviðræður standa nú yfir í Katar milli Talibana og ríkjandi stjórnvalda í Afganistan.
26.10.2020 - 04:23
Háttsettur Al Kaída leiðtogi felldur í Afganistan
Afganskar sérsveitir felldu háttsettan Al Kaída leiðtoga síðdegis í gær laugardag. Egyptinn Abu Mushin al-Masri sem álitinn er næstæðsti leiðtogi hryðjuverkasamtakanna var eftirlýstur af Bandaríkjastjórn.
Afgönsk stjórnvöld hóflega bjartsýn
Samningamenn afganskra stjórnvalda virtust í dag hóflega bjartsýnir um lausn erfiðra ágreiningsmála í friðarviðræðum við Talíbana. Friðarviðræðurnar hófust í Doha í Katar í gær.
13.09.2020 - 18:18
Friðarviðræður hafnar í Doha
Friðarviðræður afganskra stjórnvalda og Talibana hófust í Doha í Katar í morgun. Abdullah Abdullah, aðalsamningamaður stjórnvalda í Afganistan, opnaði fundinn á því að þakka Talibönum fyrir sýndan friðarvilja. Hann sagðist bjartsýnn á að þessi dagur eigi eftir að vera lengi í minnum þjóðarinnar hafður sem sá dagur sem endi var bundinn á stríð og þjáningar hennar.
12.09.2020 - 07:49
Réttað um framsal Assange til Bandaríkjanna
Málflutningur varðandi fyrirhugað framsal Julians Assange til Bandaríkjanna hefst í London í dag. Vestra gæti hann staðið hann frammi fyrir réttarhöldum vegna birtingar gagna sem varða framferði Bandaríkjamanna í stríðunum í Afganistan og Írak.
Þrettán almennir borgarar létust vegna jarðsprengju
Að minnsta kosti 13 almennir borgarar létust í Kandahar-héraði í Afganistan í morgun eftir að hafa ekið yfir jarðsprengju. Fólkið var á leið á markað, þar sem hundruð koma saman um helgar.
28.08.2020 - 09:27
Tala látinna komin yfir 160 og enn leitað í rústum
Björgunarfólk hélt í dag áfram að leita að fórnarlömbum flóðanna sem urðu í norðurhluta Afganistans í fyrrinótt. Flóðin riðu yfir þegar flestir voru enn í fastasvefni og hundruð bygginga hrundu. Tala látinna er komin yfir 160.
27.08.2020 - 14:32
Hundrað manns fórust í flóðum í Afganistan
Hundrað manns, hið minnsta, létust í flóðum í norðurhluta Afganistans í nótt. Fjölda er enn saknað. Mikið úrhelli hefur verið síðustu daga. Flóðin riðu yfir snemma í morgun þegar flestir voru enn í fastasvefni.
26.08.2020 - 18:05
Aukin umsvif hryðjuverkamanna í Írak og Sýrlandi
Um 10.000 virkir liðsmenn hryðjuverkasamtakanna sem kenna sig við íslamskt ríki eru enn í Írak og Sýrlandi tveimur árum eftir að samtökin voru yfirbuguð í löndunum tveimur. Þetta sagði Vladimir Voronkov, fullrúi Sameinuðu þjóðanna í baráttunni gegn hryðjuverkjastarfsemi, á fundi í öryggisráði samtakanna í gærkvöld. 
25.08.2020 - 10:58
Frakkar andmæla lausn fanga í Afganistan
Frönsk stjórnvöld andmæltu formlega í gær lausn þriggja fanga í Afganistan. Mennirnir þrír eru allir í haldi fyrir að hafa myrt franska ríkisborgara. Lausn þeirra er liður í ákvörðun stjórnvalda í Kabúl um að leysa 400 Talibana úr haldi í fangelsum landsins.
16.08.2020 - 01:41
Skotárás á fangelsi í Afganistan
Að minnsta kosti þrír létust og fimm særðust í skotárás á fangelsi í borginni Jalalabad í Austur-Afganistan í dag. Árásarmenn komu fyrir bíl fullum af sprengjum við fangelsið og skutu að fangavörðum. AFP fréttastofan greinir frá.
02.08.2020 - 18:10
Vopnahlé í Afganistan
Lýst hefur verið yfir þriggja daga vopnahléi í Afganistan. Þetta er í þriðja sinn á nítján árum sem það gerist og alltaf í tengslum við trúarhátíðir múslíma, að þessu sinni Eid al-Adha-hátíðina.
31.07.2020 - 03:29
45 talibanar og óbreyttir borgarar féllu í loftárásum
Minnst 45 fórust í loftárásum afganska hersins á ætlaðar bækistöðvar talibana í austurhluta Afganistans í gær, miðvikudag. Fréttastöðin Al Jazeera hefur eftir Ali Ahmad Faqir Yar, svæðisstjóra í Adraskan í Herat-héraði, að minnst átta óbreyttir borgarar hafi verið í hópi hinna látnu. Hvort fleiri óbreyttir borgarar hafi fallið er óljóst enn.
23.07.2020 - 06:38
Frelsaðir Talíbanar ákveðnir að hefja bardaga að nýju
Yfirvöld í Afganistan hafa sleppt þúsundum Talíbana lausum úr fangelsi í þeirri von að uppreisnaröflin í landinu hefji friðarviðræður við stjórnina í Kabúl. Von til þess jókst eftir að uppreisnarmenn höfðu lýst yfir þriggja daga vopnahléi í maí meðan Eid al-Fitr helgidagarnir stóðu yfir.
10.06.2020 - 06:23
Reiðubúnir til viðræðna við talibana
Aðalsamningamaður afganskra stjórnvalda í friðarviðræðum við talíbana segir að hans fólk sé reiðubúið til að hefja þegar í stað viðræður við talíbana.
30.05.2020 - 10:02