Maður er nefndur

Einar Laxness

Sigurður G. Valgeirsson ræðir við Einar Laxness sagnfræðing. Einar segir frá æsku sinni og uppvexti í Reykjavík. Hann segir frá foreldrum sínum, Halldóri Laxness rithöfundi og Ingu Einarsdóttur. Hann segir einnig frá ömmu sinni og afa sem hann dvaldi langdvölum hjá, þeim Einari Arnórssyni hæstaréttardómara og Sigríði Þorláksdóttur. Einar talar um skólagöngu sína en hann gekk í Gagnfræðaskóla Reykvíkinga, Menntaskólann í Reykjavík og fór að lokum í Háskóla Íslands. Einar rekur starfsferil sinn en hann var m.a. kennari við Lindargötuskóla, Menntaskólann við Hamrahlíð og kennari í sagnfræði við Háskóla Íslands. Einar segir frá ritstörfum sínum á sagnfræðisviðinu og frá trúnaðar- og félagsstörfum sem hann hefur gegnt. Dagskrárgerð: Ásgrímur Sverrisson.