Smástund hentar vel fyrir þau allra yngstu, í hverjum þætti lærum við orð, liti, tölur og tónlist. Dagskrárgerð: Agnes Wild. Tónlist: Sigrún Harðardóttir.

Fílsi lærir ýmislegt um mismunandi verkfæri, sem getur svo sannarlega komið sér vel að kunna!

Krúttlegir og vinalegir þættir fyrir þau allra yngstu. Molang er búttaður lítill „kanínugrís“. Hún er sérvitur, glaðvær og áhugasöm. Besti vinur hennar er litli hænuunginn Piu Piu. Molang er kóresk teiknimyndapersóna og afskaplega vinsæl í heimalandinu.

Þriðja þáttaröðin um vinalega hundinn Sám og krílin sem vinna sér inn merki á leikskólanum hans.

Önnur þáttaröð um Lalla, sem færir ykkur allan heiminn þegar hann grípur litina sína. Hann er svo flinkur að teikna hann Lalli!

Þegar sex börn reka dagvistun fyrir hunda, þá getur sko allt gerst! Búðu þig undir ofur krúttlega sjónvarpsþætti, sem fá alla til að brosa.

Huggulegir þættir þar sem snjómaðurinn les úr sínum uppáhaldsbókum fyrir litlu mýsnar í bókabúðinni.

Fyrsta þáttaröðin af hinni vinsælu Blæju. Blæja er sex ára hundur sem er stútfull af óstöðvandi gleði. Allir venjulegir hlutir geta orðið ævintýri hjá Blæju og fjölskyldu hennar.

Krúttlegir teiknimyndaþættir um litla hafbúa sem eru saman í bekk og elska að syngja og dansa. Kennarinn þeirra er hress gullfiskur sem kennir þeim ýmislegt um lífið og tilveruna.

Leikföngin í Háaloftsbæ lifna við og breyta hversdagslegum hlutum í stórskemmtilegar uppfinningar. Krílin eru nefnilega snillingar í að nota ímyndunaraflið og um leið hvetja börn til þess að skapa og prófa sig áfram.

Í þessari seríu fylgjumst við með hetjunni Bjössa brunabangsa, sem elskar að keyra slökkviliðsbíl og slökkva elda. Á hverjum einasta degi leysir hann spennandi verkefni með hjálp frá samstarfsfólki sínu.

Þessar þáttaraðir eru áhorfendum að góðu kunnar, enda eru þættirnir bæði afar fræðandi og skemmtilegir. Að þessu sinni fræðumst við um mannslíkamann.

Karla er 8 ára kjúklingur, sem hefur það að markmiði að halda öllum ánægðum, svo lengi sem það kemur ekki niður á lífi hennar. Hún elskar skólann sinn og alla vini sína. Hún leggur hart að sér til að þóknast öllum, en stundum ganga hlutirnir ekki alveg eins og áætlað var. Í þessum þáttum eru félagsleg samskipti og tilfinningar þeim tengd könnuð út frá heimi krakkanna. Hvað er rétt og hvað er rangt? Getur maður átt fleiri en einn besta vin?

Velkomin til Eplabæjar. Eplabær er svo daufur og óspennandi að hann hefur verið tekinn út af landakortum. En ef betur er að gáð fela jafnvel mestu leiðindin í sér ævintýri. Stundum getur ómerkilegasti staðurinn orðið vettvangur stórkostlegra uppátækja – ef ímyndunaraflið fær að ráða.

Ástsælu Múmínálfar Tove Jansson snúa aftur og lenda í alls kyns skemmtilegum ævintýrum.

Jöklarnir hafa hopað og allar þjóðsagnaverurnar úr gömlu bókunum eru komnar fram í dagsljósið. Ormhildur og Albert gamli leggja af stað í leiðangur með Guðrúnu og Brynhildi. Þau ætla að fremja galdraseið til að kveða vættirnar aftur inn í jöklana. Allt fer á hliðina þegar Albert er tekinn höndum og hópurinn hrapar í fjallinu. Á ferðalaginu uppgötvar Ormhildur að hún býr yfir leyndum hæfileika og kemst að því að töfraverurnar eru ekki allar þar sem þær eru séðar.

Hópurinn uppgötvar að ræningjar hafa látið greipar sópa um þorpið og fólkið sveltur. Brynhildur hvetur það til að berjast. Albert reynir að flýja en skessurnar breyta honum í fisk. Ormhildur og Guðrún halda að þær hafi fundið jeppa til að komast nær eldfjallaeyjunni Heklu en það reynist sjónhverfing. Loks ákveða nágrannaþorpin tvö að vinna saman í staðinn fyrir að berjast.

Talsett Disney-teiknimynd frá 2015. Risaeðlan Arlo leggur af stað í langt og strangt ferðalag. Á leiðinni kynnist hún litlum dreng og með þeim tekst óvænt vinátta.

Þýskur heimildarþáttur frá 2022. Dregin er upp einstök mynd af þeirri náttúrufegurð sem jörðin skartar allan ársins hring, hvort heldur er á suður- eða norðurhveli jarðar. Leikstjóri: Christian Baumeister.

30 ára ferill Spaugstofunnar og þeirra sem stóðu á bak við hana rakinn í upprifjun á gömlu sjónvarpsefni, viðtölum við mennina á bak við þættina og fjölmarga aðra sem tengdust þeim, birtust í þeim eða voru fórnarlömb þeirra. Umsjón: Gísli Marteinn Baldursson. Dagskrárgerð: Eiríkur Ingi Böðvarsson.

Helstu fréttir dagsins af innlendum og erlendum vettvangi. Alla daga, árið um kring.

Friðarviðræður aftur á skrið

Þáttaröð frá árinu 2006 um íslenska einleikara sem allir hafa staðið framarlega í íslensku tónlistarlífi um lengri eða skemmri tíma. Umsjón: Jónas Sen. Dagskrárgerð: Jón Egill Bergþórsson.

Jónas Sen ræðir við Kolbein Bjarnason flautuleikara.

Þáttaröð í tíu hlutum um íslenskar kvikmyndir allt frá fyrri hluta 20. aldar til samtímans. Í hverjum þætti er ákveðið tímabil tekið fyrir, fjallað um kvikmyndir þess tímabils og sýndir valdir hlutar úr þeim. Rætt er við á annað hundrað kvikmyndagerðarmenn, leikara og kvikmyndasérfræðinga um verkin og margvíslega fleti íslenskrar kvikmyndagerðar. Leikstjóri: Ásgrímur Sverrisson.

Á síðari hluta tíunda áratugarins eru Friðrik Þór Friðriksson og Íslenska kvikmyndasamsteypan alltumlykjandi. Á þessum tíma gerir Friðrik tvær myndir, Djöflaeyjuna og Engla alheimsins. Aðrar myndir frá þessum tíma eru til dæmis Ungfrúin góða og húsið, Íslenski draumurinn, 101 Reykjavík og Myrkrahöfðinginn.

Heimildarþættir um unglingamenningu á Íslandi í gegnum tíðina. Hver þáttur spannar einn áratug og eru unglingsárin krufin í gegnum viðtöl við þjóðþekkta Íslendinga. Leikstjórn: Björn B. Björnsson. Framleiðsla: Reykjavík Films.

Síðasti þáttur Unga Íslands skoðar unglingamenningu á árunum 1940-1950. Viðmælendur í þættinum eru Eggert Ásgeirsson, Sigríður Björnsdóttir, Vigdís Finnbogadóttir og Vilborg Dagbjartsdóttir.

Ferskur og hispurslaus þáttur fyrir ungt fólk. Katrín og Unnsteinn halda áfram að kryfja ýmis óvenjuleg en aðkallandi málefni út frá skemmtilegu sjónarhorni og leita svara við spurningum sem brenna á ungu fólki í dag. Umsjón: Katrín Ásmundsdóttir og Unnsteinn Manuel Stefánsson. Framleiðandi: Sævar Guðmundsson.

Íslensk heimildarmynd um ferð Guðna Th. Jóhannessonar, þáverandi forseta Íslands, á þungarokkshátíðina Wacken í Þýskalandi árið 2023. Hátíðin er ein sú stærsta og sögufrægasta sinnar tegundar. Íslenskar þungarokksveitir hafa verið aufúsugestir á hátíðinni um árabil og árið 2023 var þar engin undantekning. Fjórar annálaðar sveitir léku á hátíðinni, Skálmöld, Sólstafir, The Vintage Caravan og Krownest. Guðna þótti við hæfi að heiðra sveitirnar með nærveru sinni. Hann var heiðursgestur á hátíðinni og eini þjóðarleiðtoginn á staðnum. Ólafur Páll Gunnarsson fylgdi Guðna og sveitunum á hátíðina. Dagskrárgerð: Ólafur Páll Gunnarsson, Ívar Kristján Ívarsson og Jóhannes Tryggvason.

Norsk heimildarþáttaröð um ungt fólk og óvenjulega íþróttir sem það stundar.

Ólympísk íþróttagrein fyrir fatlaða keppendur.

Krakkarnir bjarga vinum sínum Lofti og Sjón úr svartholinu – eða hvað? Nýjar og dularfullar verur koma í þeirra stað! Nú þurfa krakkarnir að finna hið sanna Loft og hina sönnu Sjón, en leiðin er full af ævintýrum og gleymdum minningum.

Áróra vill verða fréttakona en kemst að því að það er ekki alltaf auðvelt!

Dýralífsþættir sem gefa okkur dásamlega innsýn inn í undraveröld villtu dýranna.

Gleðiverkfæri Gleðiskruddunnar eru þættir sem byggjast á hugmyndafræði jákvæðrar sálfræði. Í hverjum þætti er eitt gleðiverkfæri kynnt sem hefur þann tilgang að efla sjálfsþekkingu, jákvæðar tilfinningar, auka vellíðan, bjartsýni og von og um leið aðstoða börn og ungmenni að takast á við verkefni og áskoranir daglegs lífs. Verkefni tengd þættinum má finna á glediskruddan.is

Umsjón: Marit Davíðsdóttir og Yrja Kristinsdóttir.

Hvað er bjartsýni og von? Í þessum þætti lærum við um bjartsýni og von og hvernig við getum notað ímyndunaraflið til að æfa okkur í að trúa því að allt það besta geti gerst.

Kristín og Arnór kynnast dularfullri stelpu sem grunar sögukennarann um eitthvað skuggalegt. Hvað ætli sé í gangi hjá honum Sigurjóni sögukennara?

Leikarar: Kristín Erla Pétursdóttir, Arnór Orri Atlason, Arnþrúður Karen Viktorsdóttir, Agnes Wild og Karl Pálsson. Dagskrárgerð: Eva Rún Þorgeirsdóttir og Elvar Egilsson

Það reynir á Arnór, Kristínu og Addú þegar þau þurfa að fela sig fyrir Sigurjóni. Síðan bætist við óvæntur gestur.

Sigyn Blöndal fær fluggáfaða krakka til að hjálpa sér að leysa ráðgátur um land allt.

Við stoppum á Hólmavík í dag og förum í skrímslaleit. En það er engin venjuleg skrímslaleit heldur fréttum við af skrímsli sem kom þar á land um 1960 sem á að hafa verið risastórt, eldgamalt og níðþungt.

Það voru tveir strákar sem voru alveg til í þessa ævintýraför og það voru þeir Elías Guðjónsson Krysiak og Marinó Helgi Sigurðsson.

Bolli og Bjalla lýsa hörkuspennandi íþróttakeppni þar sem krakkar keppast við að klára allskonar íþróttaþrautir.

Bolli og Bjalla mæta aftur í íþróttatíma, þrátt fyrir að Bjalla sé meidd í fætinum.

ÍþróttaTÍMI er æsispennandi keppni á milli tveggja liða sem mætast í þrem þrautum: Svampasundi, Buxnaflækju og Kúlustigakasti.

Í þessum þætti mætast liðin Tveir fellar og Stjörnunar. Keppendur eru: Hrafnhildur Lilja Kristjánsdóttir, Myrra Hólm Matthíasdóttir, Jökull Máni Davíðsson og Úlfar Kári Eðvarðsson

Sextánda þáttaröð þessara margverðlaunuðu þátta sem vakið hafa athygli fyrir nýstárleg og frumleg efnistök. Fólk með þroskahömlun vinnur þættina með fagfólki í sjónvarpsgerð og miðlar þannig fjölbreytileika íslensks samfélags. Dagskrárgerð: Elín Sveinsdóttir.

Í þessum þætti eigum við einlægt samtal við Þórdísi Kolbrúnu, nýjasta sendiherra Íslendinga. Við höldum áfram að smakka hjá kokkalandsliðinu, fjöllum um íþróttir og menningu og atvinnumál og stígum bensínsgjöfina í botn hjá Bílaklúbbi Akureyrar sem er sá mest reykspólandi á landinu.

Helstu fréttir dagsins af innlendum og erlendum vettvangi. Alla daga, árið um kring.

Íþróttafréttir.

Veðurfréttir.

Í safni sjónvarpsins er að finna efni allt frá stofnun þess en sjónvarpið hefur fylgt þjóðinni í sextíu ár. Helga Lára Þorsteinsdóttir og Viktoría Hermannsdóttir demba sér á kaf í safnkostinn og sýna þjóðinni valda gullmola. Áhugaverð, forvitnileg og óvenjuleg brot úr sjónvarpssögunni sem sum hafa nýlega verið gerð aðgengileg. Dagskrárgerð: Ragnheiður Thorsteinsson.

Tæknin tekur sífelldum framförum og í safni sjónvarpsins er að finna ýmislegt tengt tækni. Helga Lára Þorsteinsdóttir og Viktoría Hermannsdóttir grúska í kistum safnsins og skoða þar skemmtileg og áhugaverð myndbrot tengd tækninýjungum síðustu 60 ára.

Íslenskir viðtalsþættir þar sem skyggnst er inn í líf fólks sem nýtur eftirlaunaáranna á aðdáunarverðan og jákvæðan hátt. Í hverjum þætti fáum við innsýn í líf einnar manneskju, heyrum sögu hennar, lífssýn og lærdóm sem hún hefur dregið af lífinu, auk þess sem við ræðum þær áskoranir sem fylgja því að eldast. Dagskrárgerð: Ragnhildur Steinunn Jónsdóttir. Framleiðsla: Elín Sveinsdóttir.

Hinn 92 ára Rúnar Guðbjartsson ákvað að láta gamlan draum rætast og kaupa sér rauðan blæjubíl. Honum finnst fátt skemmtilegra en að bjóða vinum á rúntinn og hlusta á tónlist. Hann starfaði um áratugaskeið sem flugstjóri. Eftir baráttu við bakkus venti hann kvæði sínu í kross og gerðist sálfræðingur 63 ára. Áföll, sorgir og sigrar lita líf Rúnars sem hefur einsett sér að njóta lífsins á gamans aldri.

Belgískir spennuþættir frá 2025. Árið er 1936 og hópur súrrealista, þar á meðal ungur Salvador Dalí og René Magritte, kemur saman á ensku sveitasetri. Þegar morð er framið liggja allir undir grun. Aðalhlutverk: Pierre Gervais, Stephen Tompkinson og Donna Banya. Þættirnir eru ekki við hæfi barna yngri en 12 ára.

Fjallað er um Íslendinga sem settu svip sinn á íslenskt samfélag um sína daga með margvíslegum hætti. Þættirnir spegla jafnframt sögu þjóðarinnar og samtíð á ýmsum tímum, menningu, listir, stjórnmál og fleira. Þeir eru byggðir á efni úr safni RÚV á nærfellt hálfrar aldar tímabili. Dagskrárgerð: Andrés Indriðason.