Bursti heimsækir leikskólann! Allt er nýtt og spennandi og margt sem Bursti þarf að læra í hinum stóra leikskólaheimi.

Trymbill fer á flakk með systkinunum Hildi og Theó, sem eiga það þó til að gleyma honum. Þá hefjast sko ævintýri Trymbils!

Teiknimyndaþættir fyrir börn byggðir á samnefndri breskri barnabók frá árinu 1994 eftir Sam McBratney, með myndskreytingum eftir Anitu Jeram. Bókin hefur verið gefin út á yfir 53 tungumálum og selst í yfir 28 milljónum eintaka.

Krúttlegir og vinalegir þættir fyrir þau allra yngstu. Molang er búttaður lítill „kanínugrís“. Hún er sérvitur, glaðvær og áhugasöm. Besti vinur hennar er litli hænuunginn Piu Piu. Molang er kóresk teiknimyndapersóna og afskaplega vinsæl í heimalandinu.

Fjólublái fíllinn Fílsi lærir ýmislegt um allskonar mismunandi vélar.

Litla Ló býr með Kisu, bróður sínum Húgó, foreldrum sínum - og líka álfinum Búa sem býr í holu í veggnum. Búi er algjör töframaður og á hverjum degi býður hann Litlu Ló og Kisu í nýtt ævintýri úti í náttúrunni.

Vinirnir Begga og Fress leika sér að tölum og leysa saman ýmsar þrautir og gátur.

Flóra er níu ára og finnur gat í limgerðinu úti í garði. Hún skríður í gegn og er skyndilega stödd í skóginum endalausa – galdraheimi þar sem allt getur gerst. Þar ráfa um skrítnar og stórkostlegar verur. Þær lenda í ýmiss konar vandræðum og enginn getur hjálpað þeim – nema kannski Flóra sjálf?

Danni tígur er þáttaröð sem kennir börnum að túlka tilfinningar sínar. Hvenær upplifa þau sorg, reiði og hvenær eru þau þakklát. Danni notar tónlist og syngur um það sem hann upplifir sem leyfir börnum að tileinka sér það frekar. Þátturinn er ætlaður leikskólabörnum og kennir tilfinningagreind og sjálfsvirðingu sem og virðingu fyrir öðrum.

Litlu lundasystkinin Úna og Bubbi búa á eyjunni Lundakletti. Þau lenda sífellt í nýjum ævintýrum með vinum sínum.

Önnur þáttaröð af Monsunum Kára, Villa og Hönnu sem lenda í alls kyns ævintýrum og þurfa að standa saman til að takast á við illmennið Ívar.

Stærðfræðiofurhetjurnar Millý, Geó og Bói hjálpa krökkum að læra tölur, form og mynstur.

Jojo er alveg að verða fimm ára. Hún er svo heppin að búa í nágrenni við ömmu sína. Saman bralla þær ýmislegt

Huggulegir þættir þar sem snjómaðurinn les úr sínum uppáhaldsbókum fyrir litlu mýsnar í bókabúðinni.

Lærið um tölustafina með Tölukubbunum!

Friðþjófur forvitni er forvitinn og yndislegur api sem getur oft á tíðum verið full ævintýragjarn. Fylgjumst með ævintýrum hans og mannsins með gula hattinn eiganda hans.

Töfratú er fantasíuland dásamlegra álfa og hafmeyja þar sem raunveruleg viðfangsefni á borð við systkinaerjur, sanngirni og sjálfstraust eru könnuð nánar.

Edduverðlaunaþættir frá 2016 úr smiðju Ævars vísindamanns. Sem fyrr kannar Ævar furðulega og spennandi hluti úr heimi vísindanna. Hann fer meðal annars í svaðilför til Surtseyjar og rannsaka stærstu tilraun í heimi. Stórskemmtilegir þættir fyrir alla fjölskylduna. Dagskrárgerð: Gunnar B. Gudmundsson og Ævar Þór Benediktsson.

Í fyrsta þætti vetrarins heimsækir Ævar Surtsey, spjallar við hina einu sönnu Dr. Jane Goodall, skoðar íslenska tilraun sem gæti bjargað heiminum og hægir allverulega á sér.

Þáttur um mannlífið í landinu. Landinn leitar uppi skemmtilegt fólk í bæjum og sveitum og skoðar áhugaverða staði landshorna á milli. Ritstjóri er Gísli Einarsson. Aðrir umsjónarmenn: Edda Sif Pálsdóttir, Þórdís Claessen, Hafsteinn Vilhelmsson, Amanda Guðrún Bjarnadóttir og Andri Freyr Viðarsson. Dagskrárgerð: Jóhannes Jónsson, Hjalti Stefánsson, Benedikt Nikulás Anes Ketilsson, Björgvin Kolbeinsson og Adelina Antal.

Í Landanum í kvöld berum við saman tímana tvenna með piltum í Hrísey, við fylgjumst með listsköpun á Ísafirði, við hittum bónda sem opnaði veitingastað í gróðurhúsi og kíkjum á rokkaðan söngleik í Keflavík.

Gísli Marteinn tekur á móti góðum gestum á föstudagskvöldum í vetur og fer með þeim yfir helstu atburði vikunnar í stjórnmálum, menningu og mannlífi. Persónur og leikendur koma í spjall og brakandi fersk tónlistaratriði koma landsmönnum í helgarstemninguna. Stjórn útsendingar: Ragnar Eyþórsson.

Heimildarþættir frá 2023 um sögu raftónlistar á Norðurlöndunum. Norræn raftónlist hefur notið vinsælda víðs vegar um heiminn síðan á níunda áratug síðustu aldar og hún hefur átt stóran þátt í að móta senuna. Fjallað er um tónlistarfólk eins og Björk, Röyksopp, Kygo, Aqua og E-Type.

Færeyskir matreiðsluþættir frá 2024. Mataraktívistinn Sunniva Gudmundsdóttir Mortensen gefur áhorfendum góð ráð um hvernig hægt er að nýta alls kyns hráefni úr umhverfinu í matargerð.

Helstu fréttir dagsins af innlendum og erlendum vettvangi. Alla daga, árið um kring.

Hafa litla trú á hallalausum fjárlögum

Íslensk heimildarþáttaröð í fjórum hlutum um mannskæð snjóflóð sem féllu á byggðina í Norðfirði 20. desember 1974 og sópuðu burt öllu sem á vegi þeirra varð.

Í fyrsta þætti er fjallað um einangrað bæjarfélag og lífshættulegar aðstæður í fjallinu ofan við bæinn. Farið er yfir dagana fyrir flóðin og sagt frá fólkinu sem lenti í fyrra flóðinu.

Umræðuþáttur í beinni útsendingu þar sem fólkið í landinu varpar fram spurningum og stendur fyrir máli sínu. Á Torginu er talað um málefnin sem rædd eru af kappi á kaffistofum landsins. Umsjón: Sigríður Halldórsdóttir og Baldvin Þór Bergsson. Stjórn útsendingar: Þór Freysson.

Ríkisstjórnin hefur lagt til að gengið verði til þjóðaratkvæðagreiðsu um framhald viðræðna við ESB þann 29. ágúst næstkomandi. Þáttur kvöldsins var helgaður spurningum frá almenningi um atkvæðagreiðsluna og mögulega inngöngu í Evrópusambandið. Hátt í 300 spurningar bárust í aðdraganda þáttar.

Þátttakendur:

Erna Bjarnadóttir, stjórnarmaður í Heimssýn

Gunnar Þór Pétursson, lagaprófessor

Katrín Ólafsdóttir, dósent í hagfræði

Konráð S Guðjónsson, hagfræðingur og ráðgjafi

Margrét Adamsdóttir, fréttamaður og umsjónarmaður RÚV polski

Ragnhildur Helgadóttir, lagaprófessor og rektor HR

Snærós Sindradóttir, framkvæmdastjóri Evrópuhreyfingarinnar

Vilborg Ása Guðjónsdóttir, alþjóðastjórnmálafræðingur

Auk þess var spilað brot úr viðtali við Mörtu Kos, stækkunarstjóra ESB .

Þáttaröð í umsjón Egils Helgasonar þar sem saga Siglufjarðar er rakin. Bærinn var lengi utan alfaraleiðar en vegna mikils uppgangs á 20. öld varð hann þungamiðja síldveiða sem um skeið voru arðvænlegasta atvinnugrein á Íslandi. Í þáttunum er einnig sagt frá skemmtanalífi, rómantík, slagsmálum, tónlist, skíðaiðkun og einstökum bæjarbrag. Dagskrárgerð: Ragnheiður Thorsteinsson.

Í þriðja þætti er fjallað um það sem kallað var stærsti hjónabandsmarkaður Íslands, strit kvennanna á síldarplönunum og síldargróðann, en einnig síldarleysisár sem komu inn á milli. Fjallað er um harða verkalýðsbaráttu, Rauða planið og fyrirætlanir um að setja upp vísi að Sovét-Íslandi og loks dularfullt hvarf verkalýðsforingjans Guðmundar Skarphéðinssonar.

Íslensk heimildarmynd um tengsl íbúa við heimabæinn sinn, sjálfsmyndina sem er samofin firðinum og samfélagsleg áhrif sem heldur fólki heima, eða ber það á önnur mið. Austur á Vopnafirði eiga 645 manns heima. Í daglegu amstri samfélagsins vofir yfir ógnin af fólksfækkun en hver einstaklingur skiptir miklu máli til að halda voninni um að litla byggðarlagið eigi sér framtíð. Leikstjóri: Karna Sigurðardóttir.

Menningarþættir fyrir ungt fólk frá 2002-2003. Í þáttunum er m.a. fjallað um tónlist og mannlíf, kynntar ýmsar starfsgreinar og fastir liðir eins og dót og vefsíða vikunnar verða á sínum stað.

Umsjón: Sigrún Ósk Kristjánsdóttir og Vilhelm Anton Jónsson.

Dagskrárgerð: Helgi Jóhannesson og Hjördís Unnur Másdóttir.

Jöklarnir hafa hopað og allar þjóðsagnaverurnar úr gömlu bókunum eru komnar fram í dagsljósið. Ormhildur og Albert gamli leggja af stað í leiðangur með Guðrúnu og Brynhildi. Þau ætla að fremja galdraseið til að kveða vættirnar aftur inn í jöklana. Allt fer á hliðina þegar Albert er tekinn höndum og hópurinn hrapar í fjallinu. Á ferðalaginu uppgötvar Ormhildur að hún býr yfir leyndum hæfileika og kemst að því að töfraverurnar eru ekki allar þar sem þær eru séðar.

Þyrstur og uppgefinn kemur hópurinn að vin í eyðimörkinni. Þau falla niður í kongungsríki nykranna. Eftir að hafa borðað matinn þeirra fara Brynhildur og Guðrún að tala á nykurtungu en Ormhildur virðist ónæm fyrir þessum göldrum. Hún fær óvænt hjálp frá agnarsmáu nátttrölli sem heitir Kubbur. Nykurkóngurinn vill að þau verði sendiherrar og fái íbúa Breiðholtseyju til að hætta að notfæra sér nykrana á eyjunni. Álfur, sem er orðinn skeggjaður, sér þau skjótast út úr vininni.

Velkomin til Eplabæjar. Eplabær er svo daufur og óspennandi að hann hefur verið tekinn út af landakortum. En ef betur er að gáð fela jafnvel mestu leiðindin í sér ævintýri. Stundum getur ómerkilegasti staðurinn orðið vettvangur stórkostlegra uppátækja – ef ímyndunaraflið fær að ráða.

Þegar afi ykkar er búin að þjálfa ykkur sem skrímslaveiðimenn, þá er ekkert annað í stöðunni en að veiða öll skrímslin! Það er þó eitt vandamál, krakkarnir elska skrímslin og vilja helst bara bjarga þeim. Það geta þau gert á meðan afi blundar, eða hvað?

Þáttaröð í sex hlutum þar sem nafnarnir og sjónvarpsmennirnir Andri Freyr Viðarsson úr þáttunum Andri á flandri og Andri Freyr Hilmarsson úr Með okkar augum leggja land undir fót og er ferðinni heitið til Bretlandseyja. Þar freista þeir þess að hitta átrúnaðargoð Andra Freys Hilmarssonar, Mr. Bean. Á meðan Andri Freyr Viðarsson reynir að komast í samband við leikarann Rowan Atkinson nota nafnarnir tímann og skoða sig um á Bretlandseyjum.

Í Wales ræða nafnarnir hvernig það hafi verið að búa í kastala auk þess sem þeirdrekka alvöru te, skoða gröf sögufrægs veiðihunds, háma í sig fisk og franskar og heimsækja bæinn Llanfairpwllgwyngyllgogerychwyrndrobwllllantysiliogogogoch.

Lottó-útdráttur vikunnar.

Helstu fréttir dagsins af innlendum og erlendum vettvangi. Alla daga, árið um kring.

Íþróttafréttir.

Veðurfréttir.

Hildur Vala Baldursdóttir tekur á móti góðum gestum í nýjum skemmtiþætti þar sem boðið er upp á skemmtiatriði í beinni útsendingu í bland við upptekin atriði og lifandi tónlistarflutning. Tónlistarstjóri: Magnús Jóhann Ragnarsson. Leikstjórn: Allan Sigurðsson, Hannes Þór Arason og Hannes Þór Halldórsson. Framleiðsla: Atlavík.

Kafað ofan í framlög Íslands í keppnina sem við getum ekki unnið, Söngvakeppni evrópskra sjónvarpsstöðva. Gestastjórnendur eru Sóli Hólm og Friðrik Dór.

Gamansöm fjölskyldumynd frá 1993 í leikstjórn Chris Columbus. Eftir erfiðan skilnað ákveður leikarinn Daniel Hillard að dulbúa sig sem húshjálp í því skyni að umgangast börnin sín, beint fyrir framan nefið á fyrrum eiginkonu sinni. Myndin hlaut Óskarsverðlaun fyrir bestu förðunina. Aðalhlutverk: Robin Williams, Sally Field og Pierce Brosnan.

Gamanmynd frá 2014 með Bill Murray í aðalhlutverki. Oliver er ungur drengur sem flytur í nýtt hverfi með móður sinni eftir að foreldrar hans skilja. Nágranni þeirra, Vincent, er sérlundaður fyrrverandi hermaður og á milli þeirra myndast óvænt vinátta. Leikstjóri: Theodore Melfi. Meðal leikenda eru Melissa McCarthy, Naomi Watts og Jaeden Martell. Myndin er ekki við hæfi barna yngri en 12 ára.