Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Baldvin Þór Bergsson, Bergsteinn Sigurðsson, Guðrún Sóley Gestsdóttir, Óðinn Svan Óðinsson og Viktoría Hermannsdóttir.
Jarðhræringar í Grindavík hafa lítil áhrif haft á sauðburð og grindvískir sauðfjárbændur eru önnum kafnir við móttöku nýrra lamba.
Rannsóknarnefnd samgönguslysa skilaði nýverið þeirri niðurstöðu að meginorsök banaslyss á Þrengslavegi í júlí í fyrra hafi verið farsímanotkun við stýri. Mikil hætta farsímanotkunar við akstur ætti að vera öllum ljós en hefur engu að síður aukist. Þórhildur Elín Elínardóttir, samskiptastjóri hjá Samskiptastofu og Árni Friðleifsson, aðalvarðstjóri hjá Lögreglunni á höfuðborgarsvæðinu ræða skýringar að baki því og átakið Ekki taka skjáhættuna sem ætlað er að brýna fyrir ökumönnum lífsanuðsyn þess að láta af notkun farsíma við akstur.
Þáttaröð um hamfarahlýnun og hlutverk okkar sjálfra í baráttunni við loftslagsbreytingar. Hvers vegna reynist oft erfitt að gera breytingar sem við vitum að eru mikilvægar og jafnvel nauðsynlegar? Hvernig verðum við loftslagssnjallari?
Spurningakeppni framhaldsskólanna þarf vart að kynna og einkennist af stemningu, spennu og virkri þátttöku allra í salnum. Spyrill er Björn Bragi Arnarsson, spurningahöfundar og dómarar eru þau Bryndís Björgvinsdóttir, Vilhelm Anton Jónsson og Sævar Helgi Bragason. Dagskrárgerð: Elín Sveinsdóttir.
Tekið er á móti góðum gestum í sjónvarpssal, slegið á létta strengi, stiginn dans og sungið. Hljómsveit: Ásgeir Óskarsson, Finnbogi Kjartansson, Magnús Kjartansson og Vilhjálmur Guðjónsson. Dagskrárgerð: Egill Eðvarðsson. Umsjónarmaður: Hermann Gunnarsson.
Í þáttunum skyggnumst við inn í líf ungra Íslendinga sem takast á við krefjandi og spennandi hluti. Í þessari þáttarröð fylgjumst við meðal annars með eina íslenska atvinnumanninum á brimbretti, förum í tónleikaferðalag með hljómsveitinni Kaleo og kynnumst einum færasta húðflúrara í heimi. Dagskrárgerð: Eiríkur Ingi Böðvarsson og Ragnhildur Steinunn Jónsdóttir.
Sara Pétursdóttir, eða Glowie eins og hún kallar sig opinberlega, er ein vinsælasta söngkona landsins. Ferill hennar fór á flug árið 2014 þegar hún sigraði í Söngkeppni framhaldsskólanna fyrir hönd Tækniskólans. Í framhaldi af því hóf hún samstarf við upptökuteymið Stop Wait Go og hefur gefið út hvern stórsmellinn á fætur öðrum.
Sprenghlægilegir þættir um strútapabbann Edda og áttburana hans. Eddi strútapabbi er fullkomnunarsinni og reynir að gera allt sem í hans valdi stendur til að vernda áttburana sína. Hann á fullt í fangi með það enda eru ævintýrin hjá stórri fjölskyldu mörg og ímyndunaraflið mikið.
Eddi strútapabbi er dauðhræddur um að háa tónlistinn sem sonur hans spilar úr hátalaranum muni breyta krökkunum í uppreisnarmenn! Hann verður að slökkva á tónlistinni áður en það verður of seint!
Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Baldvin Þór Bergsson, Bergsteinn Sigurðsson, Guðrún Sóley Gestsdóttir, Óðinn Svan Óðinsson og Viktoría Hermannsdóttir.
Sjósund er fyrir löngu orðið heilsárssport á Íslandi og nýverið reis ný aðstaða í Gufunesi sem nefnist Katla sem arkitektúrnemar við Listaháskólann hönnuðu og byggðu. Um fimmtán þúsund eldri borgarar lifa undir fátæktarmörkum. Þetta kom fram á landsfundi Landssambands eldri borgara sem haldinn var í gær. Þorbjörn Guðmundsson, formaður kjararáðs Landssambands eldri borgara og Steinunn Þóra Árnadóttir, formaður velferðarnefndar Alþingis ræða þetta.
Þýskir dramaþættir frá 2022. Christine er dansari í Friedrichstadt-Palast-leikhúsinu í Austur-Berlín árið 1988. Þegar hún kemst óvænt að því að hún á tvíburasystur frá Vestur-Þýskalandi vakna ýmsar spurningar. Í von um að komast að uppruna sínum ákveða þær að skiptast á hlutverkum. Aðalhlutverk: Luise Befort, Svenja Jung og Anja Kling.
Nýjustu fréttir og íþróttir kvöldsins. Alla mánudaga til fimmtudaga.
Veðurfréttir
Breskir heimildarþættir sem skoða kvikmyndasöguna í gegnum linsu kvikmyndagerðakvenna. Þættirnir skiptast í 40 kafla sem taka fyrir ólíkar hliðar kvikmyndagerðar og eingöngu er stuðst við dæmi úr kvikmyndum sem konur leikstýra. Sögukonur eru Tilda Swinton, Jane Fonda, Debra Winger, Adjoa Andoh, Kerry Fox, Thandie Newton og Sharmila Tagore. Leikstjóri: Mark Cousins. Þættirnir eru ekki við hæfi barna yngri en 12 ára.
Heimildarþættir þar sem norrænir rannsóknarblaðamenn rannsaka það hvernig Rússar stunda njósnir á Norðurlöndunum. Þættirnir eru ekki við hæfi barna yngri en 12 ára.