Endursýning á Heimavistinni sem var upprunalega á dagskrá í byrjun samkomubanns í lok mars 2020.

Umsjón: Sigyn Blöndal, Sævar Helgi Bragason og Hafsteinn Vilhelmsson. e.

Í þættinum kynnumst við stuttmyndagerð. Hvað skal varast þegar tekin er upp stuttmynd eða myndband. Við förum yfir helstu atriði í lýsingu, og upptöku á hljóði og mynd. Við sjáum líka nokkrar vel valdar stuttmyndir.

Umsjón: Sigyn Blöndal og Hafsteinn Vilhelmsson

Góð ráð og æfingar sem tilvalið er að gera heima. Íris Rut Garðarsdóttir sjúkraþjálfari hefur umsjón með leikfiminni.

Æfingar fyrir háls og herðar. Sitjandi.

Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt.

Brot úr menningarumfjöllun liðinnar viku. Fjallað á snarpan og líflegan hátt um það sem efst er á baugi hverju sinni í menningar- og listalífinu, jafnt með innslögum, fréttaskýringum, gagnrýni, pistlum og umræðu. Umsjón: Bergsteinn Sigurðsson og Halla Oddný Magnúsdóttir.

Eitt allra stærsta vegglistaverk í New York í Bandaríkjunum, 3000 fermetrar, leit dagsins ljós á dögunum. Einn hönnuðanna er Íslendingurinn Hjalti Karlsson.

Meðmælandi vikunnar er Arnar Dan Kristjánsson leikari.

Íslensk heimildarþáttaröð þar sem áhorfendur fá einstaka sýn inn í töfraheim leikhússins og fylgjast með flóknu sköpunarferli sem á sér stað frá því að leikararnir fá handritið í hendurnar og fram yfir frumsýningu. Dagskrárgerð: Þorsteinn J.

Þáttaröð um eyðibýli á Íslandi. Þar sem á árum áður voru reisulegir sveitabæir með iðandi mannlífi standa nú húsin tóm. Rætt er um byggingu bæjanna og talað við fólk sem tengist stöðunum á einn eða annan hátt. Farið er í Suðurhús í Suðursveit, Hamra á Mýrum, Múlakot í Fljótshlíð, Öxney á Breiðafirði, Heiði á Langanesi og Vatnshorn í Skorradal. Umsjónamaður er Guðni Kolbeinsson og dagskrárgerð annaðist Björn Emilsson.

Íþróttaþáttur sem veitir nýja og áhugaverða innsýn í allar mögulegar hliðar á íslensku íþróttalífi og íþróttafólkinu okkar.

Ida er ung norsk kona sem ákveður að taka tilveruna föstum tökum og einsetur sér að bæta sig á flestum sviðum daglegs lífs.

Ida er ung norsk kona sem ákveður að taka tilveruna föstum tökum og einsetur sér að bæta sig á flestum sviðum daglegs lífs. Í þessum þætti hugar Ida að andlegri heilsu og leitar ráða til að draga úr streitu.

Norsk fræðsluþáttaröð um hressandi tilraunir. Þeir Rune Nilson og Per Olav Alvestad láta sér detta ýmislegt misgáfulegt í hug og hrinda því yfirleitt í framkvæmd.

Danskir þættir um kökubakstur og eftirréttagerð. Mette Blomsterberg útbýr kræsingar.

Þau Ylfa og Máni standa vaktina í eldhúsinu og kenna okkur hvernig á að elda og baka ýmislegt góðgæti. Dagskrárgerð: Eva Rún Þorgeirsdóttir. Umsjón: Ylfa Blöndal og Hilmar Máni Magnússon.

Í þættinum útbúa Ylfa og Máni einfaldar og bragðgóðar samlokur sem hægt er að taka með í nesti eða fá sér eftir skóla.

Hér er uppskriftin:

Samloka:

Súrdeigsbrauð

Hummus eða gróft sinnep

Harðsoðin egg

Gúrka

Tómatar

Silkiskorin skinka

Spægipylsa

Ostur í sneiðum

Hummus:

1 krukka kjúklingabaunir 31/2 dl

2 msk vatn

2 msk tahini

2 msk sítrónusafi

1 hvítlauksrif pressað

1 tsk salt

1-2 msk ólífuolia

1 msk steinselja

Allt sett í matvinnsluvél og maukað saman þar til silkimjúkt

Geymist í 5-7 daga í ísskáp

Valin myndskeið úr Landanum þar sem áhugaverðir staðir eru skoðaðir og merkilegir Íslendingar heimsóttir. Dagskrárgerð: Gísli Einarsson og Karl Sigtryggsson.

„Mér fannst tilvalið að við myndum reyna að syngja þetta í kórnum," segir Daníel Þorsteinsson organisti og kórstjóri kirkjukórs Laugalandsprestakalls í Eyjafirði sem fékk þá hugmynd fyrir nokkrum árum að kórinn myndi syngja Credó úr Munkaþverárhandritinu svokallaða. Handritið, sem var skrifað árið 1473 og er varðveitt hjá Árnastofnun, er elsta heimildin um tvíradda söng á Íslandi og jafnvel í Evrópu. Aðeins ein síða hefur bjargast úr þessari gömlu messusöngsbók sem var í eigu munkaklaustursins á Munkaþverá.

Helstu fréttir dagsins af innlendum og erlendum vettvangi. Alla daga, árið um kring.

Íþróttafréttir.

Veðurfréttir.

Nýir skemmtiþættir í anda Gettu betur þar sem kraftmikil lið áhugafólks og atvinnumanna á völdum sérsviðum takast á í léttum og spennandi spurningaleik. Dómari er Örn Úlfar Sævarsson. Spurningahöfundar: Örn Úlfar Sævarsson og Margrét Erla Maack. Stjórn upptöku: Ragnar Eyþórsson. Framleiðsla: RÚV.

Gísli Marteinn tekur á móti góðum gestum á föstudagskvöldum í vetur og fer með þeim yfir helstu atburði vikunnar í stjórnmálum, menningu og mannlífi. Persónur og leikendur koma í spjall og brakandi fersk tónlistaratriði koma landsmönnum í helgarstemninguna. Stjórn útsendingar: Ragnar Eyþórsson.

Gestir þáttarins að þessu sinni voru þau Bergur Ebbi rithöfundur og uppistandari, Unnur Eggertsdóttir leikkona og Sigmundur Ernir Rúnarsson dagskrár- og ritsjóri sjónvarpsstöðvarinnar Hringbraut.

Gísli Marteinn fór yfir Fréttir Vikunnar og Berglind Pétursdóttir setti sig í spor þeirra sem dvöldu á sóttvarnarhóteli nýverið.

JóiPé, RAKEL og CeaseTone lokuðu þættinum með fyrsta sumarsmelli ársins, Ég var að spá.

Breskur sakamálaþáttur um hinn slungna séra Brown sem er ekki bara kaþólskur prestur heldur leysir glæpsamleg mál á milli kirkjuathafna. Aðalhlutverk: Mark Williams.