Mynd: EPA-EFE - EPA
Athugið þessi frétt er meira en 11 mánaða gömul.
„Við eigum í stríði og öndunarvélar eru vopnin okkar“
Borgarstjóri New York borgar segir að birgðir af heilbrigðisgögnum dugi borgarbúum fram á næsta sunnudag. Yfirmaður smitsjúkdómastofnununar Bandaríkjanna segir að fleiri en 100 þúsund Bandaríkjamenn gætu látist í kórónaveirufaraldrinum.
We’re at war and ventilators are our ammunition.
Join me to talk about how we keep supplies going to the front lines and answer questions from @salma1680, Colleen from Washington Heights and @AmazeByEric.
Use the hashtag #AskMyMayor to keep your questions coming, NYC! pic.twitter.com/OHBJvFvvTr
— Mayor Bill de Blasio (@NYCMayor) March 29, 2020
„Við eigum í stríði og öndunarvélar eru vopnin okkar,“ sagði Bill de Blasio, borgarstjóri New York borgar í ávarpi í dag.
Hann segir öndunarvélar mikilvægustu hjálpargögnin, en af þeim sé ekki til nóg, haldi smit áfram að breiðast út jafn hratt og undanfarna daga. Í raun segir de Blasio að skortur á öndunarvélum og öðrum hjálpargögnum sé yfirvofandi og verði að raunveruleika að viku liðinni.
Tæplega 125 þúsund hafa greinst með kórónuveirusmit í Bandaríkjunum, ríflega þriðjungur þeirra í New York ríki.
Dr. Anthony Fauci says U.S. will have “millions of cases” of COVID-19 and more than 100,000 deaths. Fauci, the head of the National Institute of Allergy and Infectious Disease, is the U.S. government’s foremost infectious disease expert. https://t.co/CmG70Di9yx
— The Associated Press (@AP) March 29, 2020
Anthony Fauci, yfirmaður smitsjúkdómastofnununar Bandaríkjanna, sagði í viðtali á CNN í dag að svo gæti farið að milljónir Bandaríkjamanna komi til með að smitast af veirunni og að fleiri en 100 þúsund gætu látið lífið í faraldrinum.
