Þorsteinn í ótímabundnu leyfi frá Síldarvinnslunni

18.11.2019 - 18:47
Mynd með færslu
 Mynd: RÚV - Rúnar Snær Reynisson - Síldarvinnslan í Neskaupstað
Þorsteinn Már Baldvinsson hefur óskað eftir ótímabundnu leyfi frá stjórnarstörfum hjá Síldarvinnslunni. Ingi Jóhann Guðmundsson tekur við formennsku stjórnar á meðan. Þetta kemur fram í tilkynningu frá Síldarvinnslunni. Halldór Jónasson varamaður stígur inn í stjórnina.

Fyrr í dag vék Þorsteinn sem stjórnarformaður færeyska útgerðarfélagsins Framherja. Færeyingurinn Árni Absalonsen tekur sæti Þorsteins Más í stjórninni og Elisabeth D. Eldevig Olsen verður stjórnarformaður. Þetta kemur fram á færeyska vefnum VP.

Þorsteinn Már vék sem forstjóri Samherja fyrir helgi eftir að fréttaskýringaþátturinn Kveikur birti upplýsingar sem benda til þess að fyrirtækið hafi mútað namibískum stjórnmála- og embættismönnum til að fá hrossamakrílskvóta. 

Björgólfur Jóhannsson, fyrrverandi forstjóri Síldarvinnslunnar og Icelandair, tók við forstjórastól Samherja af Þorsteini Má.

 

runarsr's picture
Rúnar Snær Reynisson
Fréttastofa RÚV
Síðast:
Þessi þáttur er í hlaðvarpi