Athugið þessi frétt er meira en 4 ára gömul.

Þessi hverfa af þingi

29.10.2017 - 16:50
Mynd með færslu
 Mynd: RÚV
Sjálfstæðisflokkurinn missir einn þingmann í öllum kjördæmum nema Reykjavíkurkjördæmi norður. Þar heldur flokkurinn sínum þremur þingmönnum. Unnur Brá Konráðsdóttir, forseti Alþingis, er ein af þeim sem ekki komst á þing. Fimmtán þingmenn úr fjórum flokkum falla út af þingi.

Sjálfstæðisþingmennirnir sem ekki komust á þing nú eru Teitur Björn Einarsson í  Norðvesturkjördæmi, Valgerður Gunnarsdóttir í Norðausturkjördæmi, Unnur Brá Konráðsdóttir í Suðurkjördæmi, Vilhjálmur Bjarnason í Suðvesturkjördæmi og Hildur Sverrisdóttir í Reykjavíkurkjördæmi suður. 

Píratar missa þingmenn í fjórum kjördæmum. Þeir Píratar sem falla út eru Eva Pandóra Baldursdóttir í Norðvesturkjördæmi og Einar Aðalsteinn Brynjólfsson í Norðausturkjördæmi. Gunnar Hrafn Jónsson komst ekki inn í Reykjavíkurkjördæmi suður. Ásta Guðrún Helgadóttir, þingmaður í Reykjavíkurkjördæmi suður var ekki í framboði.

Viðreisn missir þrjá menn. Það eru Benedikt Jóhannesson í Norðausturkjördæmi, Jóna Sólveig Elínardóttir í Suðurkjördæmi og Pawel Bartoszek í Reykjavík suður.

Björt framtíð kom ekki sínum fjórum þingmönnum inn. Þau eru Óttarr Proppé í Suðvesturkjördæmi, Nicole Leigh Mosty, í Reykjavíkurkjördæmi og Björt Ólafsdóttir í Reykjavíkurkjördæmi norður. Theodóra S. Þorsteinsdóttir, sem áður sat á þingi fyrir flokkinn í Suðvesturkjördæmi, bauð sig ekki fram. 

Bergljót Baldursdóttir
Fréttastofa RÚV
dagnyhe's picture
Dagný Hulda Erlendsdóttir