Snarpur skjálfti í Bárðarbungu

Jarðskjálfti af stærðinni 3,6 mældist í Bárðarbungu rétt fyrir klukkan sex í morgun. Skjálftinn var stakur, það er engar jarðhræringar höfðu verið í og við Bárðarbungu í aðdraganda skjálftans og heldur engir eftirskjálftar. Að sögn jarðvársérfræðings á Veðurstofu Íslands er slíkt alvanalegt á þessum slóðum, og engin merki um aðra virkni en skjálftavirkni. Áfram verður þó fylgst vel með.