Mynd: Kristinn Þeyr Magnússon - RÚV
Athugið þessi frétt er meira en 1 ára gömul.
Sjálfstæðisflokkurinn eykur við fylgi sitt
Sjálfstæðisflokkurinn bætir við sig tæpum sex prósentustigum í nýrri mælingu MMR á fylgi flokka. Í mælingu sem gerð var 18. til 20. mars síðastliðnum mældist flokkurinn með 27.4 prósent. Flokkurinn var hins vegar með 21,3 prósent þegar spurt var dagana 19. til 21. febrúar síðastliðinn. Flokkurinn fékk 25,2 prósent í síðustu alþingiskosningum árið 2017.
Sjálfstæðisflokkurinn er eini flokkurinn sem bætir við fylgi sitt milli kannana fyrir utan Framsóknarflokkinn sem fer úr 7,4 prósentum úr 8,1 prósent. Aðrir flokkar tapa fylgi milli kannana. Miðflokkurinn tapar mestu milli kannana, en hann fer úr 12,6 prósentum í 10 prósent.
Hvort áhrifa kórónuveirufaraldursins gæti í niðurstöðum þessarar könnunar skal ekki fullyrt. En fyrsta smitið hér á landi var staðfest 28. Febrúar. Það er viku eftir að febrúarmælingunni hjá MMR lauk.
Fylgi flokka í könnun MMR
Könnun MMR 23. mars samanborið við kosningaúrslit 2017.
Sjálfstæðisfl.
25,3%
27,4%
Samfylkingin
12,1%
14,7%
Píratar
9,2%
10,2%
Miðflokkurinn
10,9%
10%
Vinstri græn
16,9%
9,8%
Viðreisn
6,7%
9,7%
Framsóknarfl.
10,7%
8,1%
Sósialistafl.
0%
4,7%
Fl. fólksins
6,9%
3,7%
Aðrir
0%
1,7%
Heimild: MMR. Úrtak: Einstaklingar 18 ára og eldri, valdir handahófskennt úr hópi álitsgjafa MMR. Álitsgjafar MMR eru valdir úr Þjóðskrá þannig að þeir endurspegli lýðfræðilega samsetningu þjóðarinnar á hverjum tíma. Svarfjöldi: 1.034 einstaklingar, 18 ára og eldri. 18. til 20. mars 2019.
