Athugið þessi frétt er meira en mánaðargömul.

Norðmenn loka landamærunum

14.03.2020 - 17:51
epa08144899 Norwegian Prime Minister and leader of the Conservative Party, Erna Solberg, speaks at a media conference after the resignation of populist coallition partner Progress Party (Fremskrittspartiet) from Norway's four party government coalition, in Oslo, Norway, 20 January 2020. The move will cause Prime Minister Solberg to lose her parliamentary majority. The populist Progress Party's resignation came after a controversy over the repatriation of a so-called 'IS bride' and her children to Norway.  EPA-EFE/TERJE BENDIKSBY NORWAY OUT
Erna Solberg, forsætisráðherra Noregs. Mynd: EPA-EFE - NTB SCANPIX
Norðmenn hafa ákveðið að loka höfnum og flugvöllum. Erna Solberg, forsætisráðherra landsins, greindi frá þessu í dag. Ákvörðunin tekur gildi á mánudaginn. Áður höfðu Norðmenn ákveðið að meina öllum öðrum en Norðurlandabúum að koma til landsins.

Solberg tekur fram að Norðmenn sem staddir eru erlendis fái að koma heim. Solberg hefur líka beðið norska herinn um að framfylgja landamæraeftirliti

Solberg segir að eftir sem áður verði fraktflutningar til landsins. „Við verðum að fá lífsnauðsynlegar vörur eins og lyf og matvörur. Og við verðum að geta flutt út vörur,“ segir Solberg.

Solberg segir í ávarpi, sem NRK vísar til, að síðustu dagar hafi verið mjög sérstakir, bæði fyrir sig og örugglega líka fyrir aðra. Nú eru eitt þúsund staðfest tilfelli í Noregi og tveir hafa látist af völdum COVID-19 veirunnar.