Athugið þessi frétt er meira en mánaðargömul.

Nafn drengsins sem féll í Núpá

13.12.2019 - 11:55
Leif Magnús Grétarsson
 Mynd: Lögrelgan á norðurlandi eystr - Lögreglan á norðurlandi eystr
Pilturinn sem leitað er að í og við Núpá í Sölvadal í Eyjafirði heitir Leif Magnús Grétarsson Thisland. Hann er 16 ára gamall, búsettur í Vestmannaeyjum og fæddur í Noregi árið 2003. Leifs hefur verið leitað frá því á miðvikudagskvöld. Hann var að aðstoða bónda í dalnum við að koma rafmagni aftur á í óveðrinu þegar krapaflóð hreif hann með sér.

Á Facebook-síðu lögreglunnar á Norðurlandi eystra segir að leit verði haldið áfram í dag. Um 200 leitarmenn og á þriðja tug tækja verða við leit. Áhersla verður lögð á að leita frá slysstað og niður að Stekkjarflötum.