Lögreglumenn ráðast gegn mótmælendum á Lesbos í gær. Mynd: EPA-EFE - ANA-MPA
Athugið þessi frétt er meira en 1 ára gömul.
Mótmæli á Lesbos
Flóttamenn og hælisleitendur í á grísku eynni Lesbos efndu til mótmæla þar í gær og fyrradag. Þeir mótmæltu seinagangi yfirvalda við afgreiðslu mála og bágum aðstæðum í Moria-flóttamannabúðunum á eynni. Í fyrradag var táragasi beitt gegn mótmælendum.
Um 10.000 manns dvelja í Moria-búðunum, en upphaflega var gert ráð fyrir að þær hýstu einungis 3.000 manns. Flóttamannastofnun Sameinuðu þjóðanna hefur hvatt stjórnvöld í Grikklandi til að flyta fleiri flóttamenn frá Lesbos upp á gríska meginlandið.
