Athugið þessi frétt er meira en 2 ára gömul.

Mikið köfnunarefnisdíoxíð í Reykjavík í dag

25.11.2019 - 15:48
Mynd með færslu
 Mynd:
Styrkur köfnunarefnisdíoxíðs er hár í borginni í dag samkvæmt mælingum í mælistöðinni við Grensásveg. Klukkan 13 var mældist það 141,5 míkrógrömm á rúmmetra. Sólarhrings heilsuverndarmörkin eru 75 míkrógrömm á rúmmetra.

Þetta kemur fram í fréttatilkynningu frá Reykjavíkurborg. Þar segir jafnframt að köfnunardíoxíðmengun komi frá útblæstri bifreiða og sé mest á morgnanna og í eftirmiðdaginn þegar umferðin er þung. Stillt veður hefur einnig áhrif en gert er ráð fyrir áframhaldandi hægviðri og frosti í dag. Gert er ráð fyrir svipuðu veðri næstu daga og því líkur á að þetta ástand verði viðvarandi. 

Almenningur er hvattur til þess að draga úr notkun einkabílsins við þessar aðstæður; nýta sér frekar almenningssamgöngur, sameinast í bíla eða nota aðra vistvæna samgöngumáta. Þeir sem eru viðkvæmir í öndunarfærunum, og börn ættu að reyna að forðast útivist í lengri tíma og takmarka áreynslu nálægt stórum umferðargötum. Efnið veldur ertingu í lungum og öndurvegi.