Athugið þessi frétt er meira en 1 ára gömul.

Menntamálaráðherra styður við íþróttafélög

Mynd með færslu
 Mynd: Grímur Jón Sigurðsson - RÚV

Menntamálaráðherra styður við íþróttafélög

21.03.2020 - 19:34
Mennta- og menningarmálaráðuneytið ætlar að verja 750 milljónum króna til stuðnings við menningar- og íþróttastarfsemi til að koma til móts við tekjutap vegna Covid-19 faraldursins.

Að auki verður 400 milljónum veitt til rannsóknartengdra verkefna og því nemur innspýtingin 1.150 milljónum króna. 

Á vefsíðu Stjórnarráðsins má finna eftirfarandi tilvitnun í Lilju Dögg Alfreðsdóttur, mennta- og menningarmálaráðherra:

„Það er mikilvægt að þessir fjármunir komist í umferð sem allra fyrst, svo afkoma fólks og félaga sem starfa á þessum sviðum verði betur tryggð. Við ætlum skapa störf fyrir fólk sem hefur orðið fyrir miklu tekjutapi vegna aðstæðna, og í leiðinni menningarverðmæti og þekkingu sem nýtist inn í framtíðina,“ segir Lilja Alfreðsdóttir, mennta- og menningarmálaráðherra.

„Þetta er veruleg innspýting í þessa mikilvægu starfsemi og aðgerðirnar eru umfangsmeiri en stjórnvöld í Noregi og Svíþjóð hafa gripið til af sama tilefni. Þetta er stór áfangi í þeirri baráttu að koma samfélaginu aftur á réttan kjöl, eftir skaðann sem COVID-19 hefur valdið. Við munum gera það sem þarf.“
 

Tengdar fréttir

Körfubolti

„Gríðarlegt tekjutap fyrir hreyfinguna“