Athugið þessi frétt er meira en 1 ára gömul.

Leit hætt í húsarústum í Kambódíu

05.01.2020 - 07:42
Erlent · Asía · Kambódía
epaselect epa08101287 Cambodian rescue team search for missing workers at the site of a collapsed building at a construction site in Kep province, Cambodia, 04 January 2020. A new seven-story building collapsed in Kep province, killing at least seven workers and leaving 18 wounded, according to local media reports.  EPA-EFE/MAK REMISSA
 Mynd: EPA-EFE - EPA
36 hafa fundist látin og yfir 20 eru slösuð eftir að sjö hæða hús sem verið var að reisa hrundi í strandbænum Kep í Kambódíu á föstudag. AFP fréttastofan hefur eftir Hun Sen, forsætisráðherra Kambódíu, að leit sé nú hætt í rústunum.

Hann lofar fjölskyldum fórnarlambanna jafnvirði um sex milljóna króna í skaðabætur, og hinir slösuðu fá um tvær og hálfa milljón. Hun Sen greindi fréttamönnum frá því að verkstjórinn hafi látið lífið í slysinu. Lögreglan handtók eigendur hússins, kambódískt par sem hugðist reisa gistiheimili. Þau verða yfirheyrð vegna hrunsins. 

Leit stóð yfir í nærri tvo sólarhringa. Hundruð hermanna voru kallaðir út til að aðstoða við leitina.

Rétt rúmlega hálft ár er síðan nærri þrjátíu létu lífið þegar hús í byggingu hrundi.

Róbert Jóhannsson
Fréttastofa RÚV