Landhelgisgæslan vill þyrlupall í Heimaey

30.11.2019 - 09:19
Mynd með færslu
 Mynd:
Landhelgisgæslan styður þingsályktunartillögu sem þingmenn Suðurlands hafa lagt fram á Alþingi um að þyrlupallur verði byggður á Heimaey og telur það afar brýnt öryggismál. Þetta kemur fram í umsögn Landhelgisgæslunnar um tillöguna.

„Aðkallandi sjúkraflug sem Landhelgisgæsian hefur farið í síðastliðin ár skipta tugum og hafa þyrlur Landhelgisgæslunnar oft þurft að lenda við afar erfiðar aðstæður þegar flugvöllurinn er lokaður allri umferð. Það væri mikið skref í öryggisátt að þyrlupallur yrði settur upp, en það skiptir einnig miklu máli að tryggt sé að vel skilgreind þjónusta fylgi þyrlupallinum eins og sjálfvirk veðurstöð, ljósabúnaður og blindaðflug, til að tryggja góða nýtingu á þessari fjárfestingu,“ segir í umsögninni. Þá sé nauðsynlegt að staðsetning þyrlupalls verði ákveðin í samráði við Landhelgisgæslu íslands.

Í umsögn Isavia um þingsályktunina segir að ekki hafi farið fram sérstök á því hvar besta staðsetningin fyrir þyrlupall væri en Isavia muni aðstoða bæjaryfirvöld við þá skoðun.
 

Jón Hákon Halldórsson
Fréttastofa RÚV
Síðast:
Þessi þáttur er í hlaðvarpi