Athugið þessi frétt er meira en 3 ára gömul.

Hvítur, hvítur dagur með flestar tilnefningar

Mynd með færslu
 Mynd: Hvítur, hvítur dagur

Hvítur, hvítur dagur með flestar tilnefningar

06.03.2020 - 12:30

Höfundar

Hvítur, hvítur dagur eftir Hlyn Pálmason hlaut flestar tilnefningar til Edduverðlauna eða 12 talsins. Agnes Joy eftir Silju Hauksdóttur og Pabbahelgar eftir Nönnu Kristínu Magnúsdóttir fengu tíu tilnefningar hvor. Athygli vekur að konur eru atkvæðamiklar í tilnefningunum í ár en kvikmyndabransanum hefur löngum verið legið á hálsi fyrir að vera karllægur.

Hvítur, hvítur dagur er meðal annars tilnefnd sem kvikmynd ársins, fyrir handrit, leikstjórn, klippingu, leikmynd og kvikmyndatöku. Þá er Ingvar E. Sigurðsson tilnefndur fyrir besta leik í aðalhlutverki, Hilmir Snær sem besti aukaleikari og Ída Mekkín Hlynsdóttir sem besta leikkona í aukahlutverki. Pabbahelgar eru tilnefndar sem leikið sjónvarpsefni ársins, fyrir handrit, leikstjórn, brellur og tónlist, auk þess sem Nanna Kristín, Jóhanna Friðrika Sæmundsdóttir og Sveinn Ólafur Gunnarsson eru tilnefnd fyrir leik.

Agnes Joy er tilnefnd sem kvikmynd ársins og fyrir handrit, hljóð, klippingu og tónlist. Þá eru Katla Margrét Þorgeirsdóttir og Donna Cruz tilnefndar sem bestu leikkonur í aðal- og aukahlutverki, og Þorsteinn Bachman og Björn Hlynur eru báðir tilnefndir sem leikari ársins í aukahlutverki. Ófærð 2 er tilnefnd sem leikið sjónvarpsefni ársins og fyrir bestu búninga, brellur og gervi auk þessa sem Sólveig Arnarsdóttir og Unnur Ösp Stefánsdóttir eru tilnefndar fyrir leik í aukahlutverki.

Það vekur athygli að margar konur eru tilnefndar í flokkum þar sem karlar hafa löngum verið ráðandi. Til dæmis eru Nanna Kristín Magnúsdóttir og Silja Hauksdóttir tilnefndar fyrir leikstjórn ársins og tveir af þremur sem tilnefndir eru fyrir kvikmyndatöku ársins eru konur. Þá eru tvær konur tilnefndar fyrir tónlist ársins og fjórir af fimm sem tilnefndir eru sem sjónvarpsmenn ársins eru konur.

Gjaldgeng verk til verðlaunanna voru sjónvarps- og kvikmyndaverk sem voru sýnd opinberlega á tímabilinu 1. janúar 2019 til 31. desember 2019. Alls sendu framleiðendur 121 verk inn í keppnina auk 266 innsendinga til fagverðlauna Eddunnar. Af innsendum verkum voru sjónvarpsverk alls 90 talsins. Innsendar kvikmyndir vour ellefu talsins og stuttmyndirnar þrjár. Heimildarmyndir voru 17 og ellefu verk teljast sem barna- og unglingaefni.

Það var í höndum ellefu valnefnda að fara yfir innsend verk og velja þau sem tilnefnd eru í 27 verðlaunaflokkum Eddunnar. Endanleg val er svo í höndum Akademíunnar og hefst kosningin, sem er rafræn, þann 9. mars og stendur yfir í viku. Eins og fyrri ár verður almenn kosning á RÚV.is um „sjónvarpsefni ársins“. Öll tilnefnd sjónvarpsverk, 28 talsins, keppa til þeirra verðlauna. Úrslitin verða svo kynnt á Edduhátíðinni 2020 sem verður haldin föstudagskvöldið 20. mars í Origo-höllinni og sýnd beint á RÚV.

Allar tilnefningar:

Barna- og unglingaefni ársins
Goðheimar
Skoppa og Skrítla á póstkorti um Ísland
Sögur, söguspilið

Frétta- eða viðtalsþáttur ársins
Hvað höfum við gert?
Kveikur
Leitin að upprunanum

Heimildarmynd ársins
Ég er einfaldur maður – ég heiti Gleb
Flórídafanginn
KAF
Síðasta haustið
Vasulka áhrifin

Kvikmynd ársins
Agnes Joy
Hvítur, hvítur dagur
Bergmál

Leikið sjónvarpsefni ársins
Ófærð 2
Pabbahelgar
Venjulegt fólk 2

Menningarþáttur ársins
Framkoma
Fyrir alla muni
Kiljan
Með okkar augum
Víkingur Heiðar leikur Bach

Mannlífsþáttur ársins
Kokkaflakk II
Lifum lengur
Nörd í Reykjavík
Svona fólk
Veröld sem var

Skemmtiþáttur ársins
Allir geta dansað
Áramótaskaup 2019
Ísskápastríð
Kappsmál
Vikan með Gísla Marteini

Stuttmynd ársins
Blaðberinn
Móðurást
Wilma

Íþróttaefni ársins
Dominos körfuboltakvöld
Heimsleikarnir
HM stofan (HM kvenna í fótbolta)
Íþróttaannálar Stöðvar 2 sport
Undankeppni EM karla í fótbolta

Brellur ársins
CAN Film, Gustav Törnroth, RGB, Jón Már Gunnarsson fyrir Hvítur, hvítur dagur
Pétur Karlsson, Eva Sólveig Þórðardóttir, Haukur Karlsson fyrir Ófærð 2
Sigurgeir Arinbjarnarson fyrir Pabbahelgar

Búningar ársins
Helga Rós V. Hannam fyrir Ófærð 2
Margrét Einarsdóttir fyrir Goðheimar
Rebekka Jónsdóttir fyrir Pabbahelgar

Gervi ársins
Áslaug Dröfn Sigurðardóttir fyrir Ófærð 2
Kristín Júlla Kristjánsdóttir fyrir Goðheimar
Ragna Fossberg fyrir Arctic

Handrit ársins
Hlynur Pálmason fyrir Hvítur, hvítur dagur
Nanna Kristín Magnúsdóttir, Huldar Breiðfjörð og Sólveig Jónsdóttir fyrir Pabbahelgar
Silja Hauksdóttir, Gagga Jónsdóttir og Jóhanna Friðrika Sæmundsdóttir fyrir Agnes Joy

Hljóð ársins
Gunnar Árnason fyrir Agnes Joy
Kjartan Kjartansson fyrir End of Sentence
Lars Halvorsen fyrir Hvítur, hvítur dagur

Klipping ársins
Julius Krebs Damsbo fyrir Hvítur, hvítur dagur
Kristján Loðmfjörð og Valdís Óskarsdóttir fyrir End of Sentence
Kristján Loðmfjörð og Lína Thoroddsen fyrir Agnes Joy
Logi Ingimarsson fyrir Eden
Stefanía Thors fyrir Vesalings Elskendur

Kvikmyndataka ársins
Maria von Hausswolff fyrir Hvítur, hvítur dagur
Sophia Olsson fyrir Bergmál
Tómas Örn Tómasson fyrir Arctic

Leikari ársins í aðalhlutverki
Björn Thors fyrir Vesalings Elskendur
Ingvar E. Sigurðsson fyrir Hvítur, hvítur dagur
Sveinn Ólafur Gunnarsson fyrir Pabbahelgar

Leikari ársins í aukahlutverki
Björn Hlynur Haraldsson fyrir Agnes Joy
Hilmir Snær Guðnason fyrir Hvítur, hvítur dagur
Hinrik Ólafsson fyrir Héraðið
Jóel Ingi Sæmundsson fyrir Vesalings Elskendur
Þorsteinn Bachmann fyrir Agnes Joy

Leikkona ársins í aðalhlutverki
Arndís Hrönn Egilsdóttir fyrir Héraðið
Katla Margrét Þorgeirsdóttir fyrir Agnes Joy
Nanna Kristín Magnúsdóttir fyrir Pabbahelgar

Leikkona ársins í aukahlutverki
Donna Cruz fyrir Agnes Joy
Ída Mekkín Hlynsdóttir fyrir Hvítur, hvítur dagur
Jóhanna Friðrika Sæmundsdóttir fyrir Pabbahelgar
Sólveig Arnarsdóttir fyrir Ófærð 2
Unnur Ösp Stefánsdóttir fyrir Ófærð 2

Leikmynd ársins
Atli Geir Grétarsson fyrir Arctic
Bjarni Sigurbjörnsson fyrir Héraðið
Hulda Helgadóttir fyrir Hvítur, hvítur dagur

Leikstjóri ársins
Grímur Hákonarson fyrir Héraðið
Hlynur Pálmason fyrir Hvítur, hvítur dagur
Nanna Kristín Magnúsdóttir og Marteinn Þórsson fyrir Pabbahelgar
Rúnar Rúnarsson fyrir Bergmál
Silja Hauksdóttir fyrir Agnes Joy

Sjónvarpsmaður ársins
Eva Laufey Kjaran Hermannsdóttir
Guðrún Sóley Gestsdóttir
Helgi Seljan
Sigrún Ósk Kristjánsdóttir
Steiney Skúladóttir

Tónlist ársins
Davíð Berndsen fyrir Þorsti
Edmund Finnis fyrir Hvítur, hvítur dagur
Gísli Galdur Þorgeirsson fyrir Pabbahelgar
Jófríður Ákadóttir fyrir Agnes Joy
Kira Kira fyrir Tryggð

Upptöku- eða útsendingarstjóri ársins
Björgvin Harðarson fyrir Allir geta dansað
Björgvin Harðarson fyrir Mugison í beinni
Salóme Þorkelsdóttir og Gísli Berg fyrir Söngvakeppnina 2019
Vilhjálmur Siggeirsson fyrir undankeppni EM karla í fótbolta
Þór Freysson fyrir Afmælistónleikar Helgi Björns

Sjónvarpsefni ársins
Allir geta dansað
Áramótaskaup 2019
Dominos körfuboltakvöld
Framkoma
Fyrir alla muni
Heimsleikarnir
HM stofan (HM kvenna í fótbolta)
Hvað höfum við gert?
Ísskápastríð
Íþróttaannálar Stöðvar 2 sport
Kappsmál
Kiljan
Kokkaflakk II
Kveikur
Leitin að upprunanum
Lifum lengur
Með okkar augum
Nörd í Reykjavík
Ófærð 2
Pabbahelgar
Skoppa og Skrítla á póstkorti um Ísland
Sögur, söguspilið
Svona fólk
Undankeppni EM karla í fótbolta
Venjulegt Fólk 2
Veröld sem var
Vikan með Gísla Marteini
Víkingur Heiðar leikur Bach

Tengdar fréttir

Sjónvarp

Tilnefningar til Edduverðlauna 2020

Kvikmyndir

Hvítur, hvítur dagur fær aðalverðlaun í Lübeck

Kvikmyndir

Ekki snöggan blett að finna á Agnesi Joy

Sjónvarp

Sér ekkert fyndið við eigin skilnað