Hraungos hafið á Filippseyjum

13.01.2020 - 06:32
Erlent · Asía · eldgos · Filippseyjar
epa08123989 Ash and steam spews into the air, a day after the eruption of Taal Volcano, in Agoncillo town in Batangas province, Philippines, 13 January 2020. Thousands of people have been ordered to evacuate as authorities in the Philippines raised the alert status, due to the increased activity, of the Taal Volcano, located near Manila. The Philippine Institute of Volcanology and Seismology (PHIVOLCS) raised the alert level from one to three, before raising it to four.  EPA-EFE/ROLEX DELA PENA
 Mynd: EPA-EFE - EPA
Hraungos er hafið í filippeyska eldfjallinu Taal, þar sem mikið öskugos braust út í gær og hrakti minnst 10.000 íbúa í nágrenni fjallsins á flótta. Taal, sem er um 70 kílómetra suður af höfuðborginni Manila, er næst-virkasta eldfjall Filippseyja, og óttast er að gríðarmikið sprengigos geti fylgt á hæla ösku- og hraungossins þá og þegar.

Allir skólar og flestar opinberar stofnanir í námunda við fjallið eru lokaðar í dag vegna eldgossins, eins og fjöldi fyrirtækja og kauphöllin í Manila. Flugmálayfirvöld vonast til að hægt verði að hefja flug frá alþjóðaflugvellinum í Manila að nýju í dag, en honum var lokað vegna öskugossins í gær. Til þessa hefur þurft að aflýsa um 240 flugferðum vegna gossins.

Gosið hófst í gær með látum, þegar mikil gufusprenging varð í fjallinu og grjóthnullungar þeyttust langar leiðir. Öskustrókur fylgdi í kjölfarið en snemma í morgun tilkynnti Eldfjalla- og jarðhræringastofnun Filippseyja að hraungos væri hafið. Fjallið gaus síðast árið 1977. 
 

Ævar Örn Jósepsson
Fréttastofa RÚV
Síðast:
Þessi þáttur er í hlaðvarpi