Heima í Hörpu: Tangóar og tríó

Mynd: Harpa / Harpa

Heima í Hörpu: Tangóar og tríó

23.03.2020 - 10:37

Höfundar

Tangóar og tríó eftir Atla Heimi Sveinsson, F. Borne og Jósep Haydn í flutningi Áshildar Haraldsdóttur, Bryndísar Höllu Gylfadóttur og Önnu Guðnýjar Guðmundsdóttur úr Sinfóníuhljómsveit Íslands.

Í ríkjandi samkomubanni hefur flestum listviðburðum og tónleikum verið aflýst eða frestað um hríð. Til að létta lund og lyfta geði landsmanna í inniverunni hafa Harpa, Sinfóníuhljómsveit Íslands og Íslenska Óperan tekið höndum saman í samstarfi við RÚV og senda lifandi tónlistarflutning heim í stofu.

Boðið verður upp á beint tónlistarstreymi úr Eldborg klukkan 11 flesta morgna á meðan samkomubann varir og munu nokkrir af okkar fremstu tónlistarmönnum stíga á stokk.

Dagskrá næstu daga:

  • Þriðjudagur 24.3. kl. 1:. Aríur dagsins í flutningi Kristjáns Jóhannsssonar og Bjarna Frímanns Bjarnasonar.
  • Miðvikudagur 25.3. kl. 11: Mozart á miðvikudegi - hin undurfallega Serenaða í c-moll eftir W. A. Mozart í flutningi blásaraoktetts úr Sinfóníuhljómsveit Íslands.
  • Fimmtudagur 26.3. kl.11: Rússneskir ljóðasöngvar og vinsælir slagarar í flutningi Nathalíu Druzin Halldórsdóttur og Önnu Guðnýjar Guðmundsdóttur. 
  • Föstudagur 27.3. kl. 11: Hið ómótstæðilega Dúó Stemma skipað Herdísi Önnu Jónsdóttur og Steef van Oosterhout úr Sinfóníuhljómsveit Íslands.

Tengdar fréttir

Klassísk tónlist

Gissur Páll og Árni Heiðar í Eldborg

Klassísk tónlist

Daglegt tónlistarstreymi úr Eldborg heim í sófa