Athugið þessi frétt er meira en 4 ára gömul.

Fjórðungur skólps fer óhreinsaður í sjóinn

14.11.2017 - 20:31
Mynd: RÚV / RÚV
Að minnsta kosti fjórðungur skólps í landinu rennur óhindrað og óhreinsað beint út í ár, vötn og hafið umhverfis Ísland, þrátt fyrir að yfir áratugur sé frá því að almennilegri hreinsun átti að vera komið á um land allt.

„Þetta er bara sorglegt. Þetta er raunveruleikinn í dag að hafið er náttúrulega stútfullt af drasli,“ segir Hrönn Ólína Jörundsdóttir, sérfræðingur hjá Matís. 

Í september kom út skýrsla Umhverfisstofnunar um Stöðu fráveitumála á Íslandi á árunum 2010-2014. Það er að segja, úttekt á því hvernig sveitarfélögin í landinu standa að skólpmálum. Í stuttu máli mætti segja að staðan sé ekkert sérstaklega góð.  

Tryggvi Þórðarson, sérfræðingur hjá Umhverfisstofnun og einn skýrsluhöfunda, segir stöðuna lítið hafa batnað.

„Það er einn mælikvarði þarna í skýrslunni sem hefur verið notaður í fyrri skýrslum. Það er fjöldi íbúa landsins sem er tengdur einhvers konar hreinsun, skólphreinsun, hvort sem hún er í lagi eða ekki og þetta hefur aukist um 2%. Úr 72% í 74% á þessum fjórum árum.“

 

sigridurh's picture
Sigríður Halldórsdóttir
dagskrárgerðarmaður
adalsteinnk's picture
Aðalsteinn Kjartansson
Fréttastofa RÚV