Mynd: RÚV
Athugið þessi frétt er meira en 2 ára gömul.
Engin banaslys á sjó þriðja árið í röð
Engi sjómaður fórst á síðasta ári við strendur landsins sem er sjötta árið sem slíkt gerist og þriðja árið í röð. Þetta kemur fram í ársskýrslu rannsóknarnefndar samgönguslysa.
Í skýrslunni kemur þó fram að nefndin hafi á skrá eitt banaslys sem varð í Eyjafirði í september en þar lést erlendur ferðamaður við köfun.
Nefndin skráði 57 atvik þar sem slys urðu á fólki. Þau voru 54 árið á undan eða 2018 Flest slysin urðu þegar skip voru á veiðum og algengustu slysin voru svokölluð fallslys og beinbrot. Undirmenn voru í miklum meirihluta þeirra sem slösuðust eða 70 prósent slasaðra.
Í skýrslunni kemur jafnframt fram að eitt skip hafi sokkið og tólf atvikið séu skráð þar sem skip strönduðu. Fjögur af þessum atvikum voru sannarlega vegna þess að stjórnandi sofnaði, segir í skýrslunni.
Þá eru tvær ásiglingar skráðar á síðasta ári, til að mynda varð talsvert tjón þegar danska flutningaskipið Naja Arctica sigldi á bryggju við Kleppsbakka.
