Ekki á að binda um sporð á lifandi hval

26.08.2019 - 21:15
Mynd með færslu
 Mynd: RÚV - Haukur Holm
Þegar verið er að koma hval sem rekið hefur á land til aðstoðar, á ekki undir neinum kringumstæðum að binda um sporð hans, til að reyna að draga hann. Það er vísasta leiðin til þess að skaða hvalinn eða drekkja dýrinu, segir í tilkynningu á vef Matvælastofnunar. Þá eigi að láta sérfræðinga á vettvangi meta hvort reyna eigi björgun og hvað skuli gera.

Tilkynna á um hvalreka til lögreglu, segir í tilkynningu á vef Matvælastofnunar.

Mikilvægt er að vökva dýr sem stranda. Sjálfboðaliðar geti svo gert til þess að aðstoða. Hvalir sem eru vökvaðir geta lifað í rúman sólarhring á þurru landi, segir í tilkynningunni. Mikilvægt sé að vinna í kringum dýrin fari fram af yfirvegun. Ekki eigi að valda dýrunum streitu. Til dæmis eigi ekki að skvetta úr fötum yfir dýrin heldur hella vatni rólega yfir þau. Þá eigi að forðast að sjór komist í öndunarop. 

Katrín Ásmundsdóttir
vefritstjórn
Síðast:
Þessi þáttur er í hlaðvarpi