Mynd: Vegagerðin
Athugið þessi frétt er meira en mánaðargömul.
Dísa verður ekki í Landeyjahöfn næstu daga
Dýpkunarskipið Dísa verður ekki við störf í Landeyjahöfn. Vegagerðin segir ekki þörf fyrir skipið þessa dagana, enda sé dýpið í Landeyjahöfn óhemjugott miðað við árstíma. Lægðirnar sem hafa komið að undanförnu hafa í raun hjálpað til við dýkunina og fjarlægt sand af siglingasvæði Herjólfs í stað þess að bæta í sandinn.
„Veðurspáin er síðan þannig að það má reikna með að ekki komi neitt nýtt efni inn í höfnina næstu sjö daga og því þarf ekki að dýpka næstu tíu daga,“ segir Vegagerðin. Þetta sé frekar óvenjuleg staða en hún hafi eigi að síður komið upp áður. „Nú munar reyndar um að ekki er við að etja gosefni úr Eyjafjallagosinu sem barst út í sjó með Markarfljóti,“ segir í frétt á vef Vegagerðarinnar.
