663 aftökur án dóms og laga á sex mánuðum

epa07567843 Soldiers of the Congolese national army, the Armed Forces of the Democratic Republic of the Congo (FARDC), take up a position that overlooks the so-called 'triangle of death', where the ADF militia group operate, in Beni, North Kivu province, Democratic Republic of the Congo, 11 May 2019 (issued 13 May 2019). Dealing with the Ebola outbreak in Beni has multiple security challenges including attacks from local Mai Mai militia group and the Ugandan-originating Allied Democratic Forces (ADF) rebel group that claimed to be connected to the Islamic State (IS) networks.  EPA-EFE/HUGH KINSELLA CUNNINGHAM
Sá einstaki aðili sem flest mannréttindabrot hefur á samviskunni í Kongó er stjórnarherinn, samkvæmt úttekt Sameinuðu þjóðanna Mynd: epa
Nær 700 manneskjur voru teknar af lífi án dóms og laga í Lýðstjórnarlýðveldinu Kongó á fyrri helmingi þessa árs, samkvæmt úttekt Sameinuðu þjóðanna, og yfir 3.000 mannréttindabrot voru skráð í landinu á sama tíma.

Nær 60 prósent þessara mannréttindabrota voru framin af stjórnarhernum og öðrum öryggissveitum á vegum stjórnvalda, sem einnig eiga sök á 245 aftökum án dóms og laga. 39 konur og 26 börn eru á meðal þeirra sem böðlar stjórnvalda líflétu með þessum hætti.

Ríflega 40 prósent mannréttindabrotanna í landinu voru framin af vígasveitum hinna ýmsu, vopnuðu hreyfinga í landinu. Þar á meðal eru hvort tveggja vopnaðir armar stjórnarandstöðuhreyfinga og hryðjuverkasamtök með tengsl við hvort tveggja Al Kaída og Íslamskt ríki, auk fleiri herskárra hópa og hreyfinga. Þessir hópar bera hins vegar ábyrgð á enn fleiri aftökum án dóms og laga en stjórnarherinn, því þeir líflétu 418 manns með þessum hætti, þar af 116 konur.

Skýrsla erindreka SÞ í Kongó (franska)

Ævar Örn Jósepsson
Fréttastofa RÚV
Síðast:
Þessi þáttur er í hlaðvarpi