Athugið þessi frétt er meira en 2 mánaða gömul.

Bandaríska leikkonan Kirstie Alley er látin

Bandaríska leikkonan Kirstie Alley lést 5. desember 2022, 71 árs að aldri.
 Mynd: MONICA ALMEIDA / REUTERS

Bandaríska leikkonan Kirstie Alley er látin

06.12.2022 - 02:49

Höfundar

Bandaríska leikkonan Kirstie Alley er látin 71 árs að aldri eftir stutta baráttu við krabbamein. Leikkonan lést í faðmi nánustu fjölskyldu sinnar að því er fram kemur í tilkynningu sem börn hennar birtu á Twitter í nótt.

Kirstie Alley fæddist 12. janúar 1951 í Kansas og sló rækilega í gegn í hlutverki Rebeccu Howe í gamanþáttaröðinni Staupasteini eða Cheers á árunum 1987 til 1993.

Alley hlaut hvort tveggja Emmy og Grammy verðlaun fyrir hlutverkið. Eins hlaut hún tilnefningar fyrir hlutverk sitt í gamanþáttunum Veronica's Closet

Hún lék í fjölda kvikmynda og fékk Emmy verðlaun fyrir leik í sjónvarpsmyndinni David's Mother árið 1994.

Alley var í hjónabandi með æskuástinni sinni Bob Alley frá 1970 til 1977 en giftist svo leikaranum Parker Stevenson árið 1983. Þau ættleiddu tvö börn, þau William og Lillie en skildu undir lok síðustu aldar.